IVA A’A ANU IAKI 26
26
1Akaripa Paulo erau voa kurunave, Voa kuruai ni umuliane ni eiai, ni kurune. Paulo eve oiokanave, erau voa kurunave ane:
2Uku avia voa uriria i Isaraela a’a nai onai‐ikiakeina, nai kopaili’ina nai pai’ikavai awkamakina ni paku ai Akaripa amua e:
3Uku nai ipali’ina ni lai evera keina uku opara uriria, ipawkia voa ane, rokoamakina Isaraela a’a awkono avao ai; ei uku eiai nai nawki‐nikana na voa kevere‐kevere viriai.
4Na opara i Isaraela a’a uriria ipaliakeina na ukua pani mere, pinai na kaki a’a awkono avao ai nai rokoanave Ierusalema ai;
5Pinai pani mere oro ipa‐ilauane euna, oro ioneliai umuliane oro ipali’ina Parisea a’a anu ipawkia voa orau nai rokoanave.
6Eai eu ai nai oina, nai voa veve’i’iakeina ane, uku na araea’araea kurua kuruei voa laru ai Eloi ene mai‐oro kuruenave;
7Kurua kuruei voa ene kaki inu kaupu kaupu 12 araea’araea li’ina evere’eakeiakana, oro ane oro lare pani ai, kipere pani ai, Eloi avioimakina, uku ei araea’araea anu ipawkia voa Akaripa amua e, i Isaraela a’a nai onai‐ikiakeina.
8Uku oiana noro uriria laikorana imua a’a imua mere Eloi la‐okavai liapea?
9Nai laikoranave kapoi opara anana Iesu Nasarene a’a anu nawi mani‐awkavai.
10Orau nai li’inave ane Ierusalema ai: pirimaroakoa a’a aila kipura marea laru ai nai epirinave, orau liai omoro amua a’a iva ikunave: oro e‐avai awkamakei’inave nai onai‐ekinave.
11Pani aila omoro marea kavakava laru ai nai mani‐ekanave, mai‐voa kuruai nai ipia‐emi’inave; uku na iara ovara kairi pai’iri ai nai laeinave ane.
12Nai orau limakei’inave ane, lare monou Damaseko ai nai aki‐enamakei’inave, mani‐awkavai nai revareva miaka omoro amua a’a mere,
13Lare iki pani ai, amua e, pani muku mere pamea nai inamu‐oinave, ei pamea anu evao’evao lare enu evao’evao pauenave, ei pamea na aki a’a, nai ane, akuru avi’ikiakei’inave.
14Enei uriria ara’anave, voa nai virinave, Heberu voa erau voa kuruimakei’inave, Saulo e, Saulo e, uku oiana ni mani‐ikamakina? akori inu pawki are‐vakiai kukunu opara ni ipali’ina.
15Nai erau voa veve’enave, Ni koana Amua e? U erau voa kurunave, Nai Iesu aku, U ane ni mani‐awkana.
16La’ane, are oine ane: uku ni paku ai Nai ereane euna ei uku eiai, omoro a’a, ione a’a ane, evereniai, uku awku eiai ni inamu‐eiane euna, uku awku eiai ane ni paku ai Nai ereakana.
17Isaraela a’a mere, lai unuku a’a mere ane, Nai inikavakana, oro mere oro ai eai Nai nikaivirina,
18Omo inamu‐lakavai, muru mere pamea i uruekavai, Satani mere Eloi i ane, namea oro paue‐emia?-?keia’ane‐iai, omoro aua oro miane‐iai oro awkono avao ai, oro ane oro iaa‐ekava?-?keina uku oro i‐pirimaroakona
19Ou uku eiai, Akaripa amua e, pani muku unu avaea awku nai lari‐a‐awka?-?navea.
20Nai pinai Damaseko ai omoro kurunave, neko mere ai Ierusalema ai, Iudea eiei inu miri pai’iri pai’iri uriria ai ane, neko mere ai lai unuku a’a anu eiei ai, oro urukiai limakina, Eloi i urukiai limakina ane, lai urukia anu opara liai limakina ane.
21Ei uku eiai Isaraela a’a a’a’ikinave omoro marea laru ai, i‐avai oro ipia‐mi’inave ane.
22Paioka Eloi mere nai mimakina nai ione lioko lioko anea’anea eai lare ai, a’a rurupu, amua a’a ane, paku ai, voa e omoro kurumakina laikorava a’a, Mose ane, kurunave uku awku aneliviai anelia,
23Uku Keriso kukunu miai limakina, U awku pinai keiakana imua mere la’avai, Isaraela a’a, lai unuku a’a ane, pamea anu Iva voa omoro kurueai.
24Paulo orau kurunave uku una iaki eiai. Fesutu voa araro erau voa kurunave, Paulo e, ni avu‐avu vaki; ni lai evera ovara avuavu nikamakina.
25Paulo erau voa kurunave, Nai avu‐avu peo Fesutu amua e, voa miki nai kurumakina kapoi.
26Uku ei awku eiai nai iviri kurumakina amua anu paku ai, u awku ipa‐elauna: na lai ei awku una paku mere vauakavakeiapea; uku ei awku muru mako ai a?-?liakei’inavea.
27Akaripa amua e, Laikorava a’a ni ama‐pirimaroakoa’i? Nai ipali’inake ni epirimaroakona.
28Akaripa erau voa kurunave Ni ipia‐mimakina kapoi aili’i’iai Ekalesia a’a evere’eai.
29Paulo erau voa kurunave, Uku ni e apea, a uku a’a uriria ane eai lare na voa virina nai Eloi nawki‐awkamakina, noro nai orau evere’eane‐iai, eve arekapu ane noro mi’inavaia.
30U orau kuruaka’ane, amua la’anave, kavana ane, Bereniki ane, a’a ane oro kiripai papa’anave:
31Oro iki ai eleaka’ane oro erau voa ekinamakei’inave, Ei a’a namea eria limakina uku u‐avai, upiriai ane.
32Akaripa Fesutu erau voa kurunave, Ei a’a Kaisara anu paioka nawki‐awkava?-?kape liane, u ururuakeia’ane euna.
Currently Selected:
IVA A’A ANU IAKI 26: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
