IVA A’A ANU IAKI 28
28
1Enei orau iakavakei’?-?inave, iniki nawi Melita oroiakei’inave enei ipali’inave.
2Lai unuku a’a i‐pokoimakei’inave umu ovara ipakinave: oro iau awkunave, ene a’a kavakava oro umu ai’inave ane, uku lai karuma?-?karuma limakei’inave, pani kou’upua kei’inave ane.
3Paulo iau iri roikiaka’?-?ane, iau upa mere aiaka’ane ane, kaika i iva laoiakei’inave iri mere elemanenave, Paulo onu eve miminikinave ane.
4Lai unuku a’a inamu‐oinave ane kaika ivave vaki Paulo onu eve miminikima?-?kei’inave, oro erau voa ekina’?-?anave, Ei a’a avé vaki naea, ere aura mere u iawkavakeia’ane euna, a u rokoai ipu‐mia evere’eapea.
5Kaika una eve mere iau laru ai u au‐awkanave, kaika veiakape.
6Una eve vavanakiai, u imuai ane, oro laikoranave: pani va’au oro inamu‐ekiawkavaka’ane, u kukunu eria kei’inave ane, oro lai e mi’inave, erau voa kurunave ane, Ei vaki eloi naea.
7Iniki inu amua a’a ou mako ai aura miaka, amua nawi Pubilio oroiakei’inave; u aivirinave, lare rere kaiane pei veruku akunave ane.
8Pubilio onu mekai fiva maia, aro maia ane, keimakei’inave: una keia mako ai Paulo ikirinave, nawki‐awkanave ane, u upa mere una eve ai’inave, aukarikanave ane.
9Neko mere ai maia a’a uriria iniki ai u ai anenave, oro aukariekavakei’inave ane.
10Oro veruku aviainave; ene aki enei enamakei’inave ane peipei ene aki eiai oro akunave.
11Ia rere kaiane periakei’inave ane Alesana mapea enei area‐enanave, ei mapea nawi ‘Anaera Ukua’ oroiakei’inave, laura pani eiei iniki ai u pokoiaka.
12Surakusa ai enei pai’inave, lare rere i‐pokoinave ane.
13Ou mako mere enei avikiaka‐anenave, Rekio ai pai’inave ane; lare mo nara kavaea evukinave, namai lare enu eua pani enei Puteoli ai pai’inave:
14Eu ai aroa a’a enei auienave, oro kiripai pokoiai lare 7 oro nanuku‐akanave: orau enei Roma ai pai’inave.
15Aroa a’a Roma ai ene uru viriaka’ane, oro au‐akuai Apio onu Inaea mako, Komo marea rere kaiane ai, anenave; Paulo inamu‐eiaka’ane u Eloi kopai‐awkanave, u iviri‐awkavakei’inave ane.
16Enei Roma ai paiaka’ane kipura a’a kipura marea marevaki ekuakei’inave, a Paulo aiai monou kiripai pokoiai evere’eakei’inave.
17Lare rere kaiane periakei’inave Isaraela a’a anu mai‐oro u ai kaupukiai Paulo nanuku‐ekanave: oro kaupukiaka’ane u erau voa kuruenave, Ovaki airavaki e, namea eria nai liaka ene kaki a’a mani‐ekavai, ene a’e mai ane enu opara nai inaka?-?ekavakape, kipura a’a nai ipiriakei’inave Ierusalema mere Roma a’a eiai.
18Nai voa veve’i’iakeia?-?ka’ane, uku namea eria oro auinave oro i‐avai, ururuiai oro umuli’inave.
19A Isaraela a’a voa iara kuruaka’ane voa vevea eiai, Kaisara nanuku‐awkavai nai i’inuakei’inave; nai avia voa eria miaka na kaki a’a eiai.
20Ei uku eiai noro eu kaupukiai nai nanuku‐nakava’ane euna, nai inamu‐naiane‐iai, kurunaiane‐iai ane: uku U eiai U ane U Isaraela a’a anu araea’araea ei arekapu ipiriakeina.
21Oro erau voa kurunave, Iudea mere revareva enei miape uku ni eiai, aroa a’a ane eu ai aki‐anenave namea voa eria kuruane euna uku ni eiai.
22A enei kopailiakana ni voa viriai uku ei voa ni pirimaroakona, a uku ei ipawkia voa nawawrea enei ipali’ina mako‐mako ai mani voa kuruakeina.
23Ukiripai oro lare evere’eaka’ane, una pokoia marea ai a’a aila anenave; ipawkia voa uku Eloi inu eiei u iviri ipekinave, mapani mere anea’anea lare eua pani ai ailieai Iesu eiai u ipia‐mimakei’inave, Mose enu vupu voa mere, laikorava a’a anu buka mere ane.
24A’a varomo ailieakei’inave; a’a mo pirimaroakoai oro inaka‐li’inave.
25Uku oro lai monou evere’eai a‐li’inavea, oro ave’enave, a omo ena pani paku ai ika voa Paulo erau voa kuruenave, Voa Miki Avaea Iaa i Isaia laikorava a’a ene a’e mai ane erau voa kuruenave,
26Ei a’a aruru ai enara, erau voa ekira ane, noro virioko virioko, voa anu miki noro ipaliapea; noro inamu‐ekioko, inamu‐ekioko, noro inamu‐oiapea.
27Uku ei a’a aruru unu lai kane evere’eakeia’ane euna, omo inamu oro apuriane euna; inamu oro inamu‐oinavaia, keporo oro virinavaia, omo lai oro ipali’inavaia, oro uruekavakei?-?navaia, nai aukariekavakei?-?navaia ane.
28Noro ipali’inamoki kapoi ei iawka, Eloi inu iawka, okaiviriakeia’ane euna lai unuku a’a ai, oro kamaia‐liakana.
29U ei voa kuruaka’ane Isaraela a’a ave’enave, voa e kevakeva ovara oro awkono avao ai oro miaka.
30Aumeia rere una marea ai Paulo i‐pokoinave, a’a kavakava inamu‐oiai anenave u umu‐ai’inave.
31Eloi inu eiei Iva voa omoro kurumakei’inave, voa awku Amua Iesu Keriso eiai u ipawkimakei’inave; una ipawkia voa a’a kapeo ei’inave.
Currently Selected:
IVA A’A ANU IAKI 28: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
