IVA A’A ANU IAKI 25
25
1Kurua eiei ai Fesutu paiaka’ane, lare rere kaiane periakei’inave, Kaisaria mere Ierusalema ai u inanave.
2Omoro amua a’a, Isaraela a’a anu mai‐oro ane, Fesutu unu paku ai mani voa kurunave Paulo eiai,
3Oro nawki‐awkamakei’inave u umu‐ekavai, u evere’eai ane Paulo Ierusalema ai okaiviriai. Omo lai uku u‐avai oro kapea ai vauavaua aioiaka‐pokoiai.
4Fesutu kuruenave Paulo piriakei’inave Kaisaria ai, u awku i‐enanavailia.
5U erau voa kuruenave, Nomo a’a oro umuli’ina Paulo aviai, nai kiripai oro ve’enameki ei a’a aviai, u namea a’a keia’ane naea.
6Lare 8 naea, lare 10 naea, u Ierusalema ai pokoiaka’ane, Kaisaria ai u ve’enave; namai lare voa vevea pakara ai pa’amakei’inave Paulo u paku ai arekavai u awkinave.
7Paulo u paku ai aneaka’ane, Isaraela a’a Ierusalema mere kinuaka oro aviaka?-?oimakei’inave, voa aila oro onai‐awkinave ane, ei avia voa anu miki oro ipawkiai a‐li’inavea.
8Paulo kavani voa erau voa kurunave, Isaraela a’a anu vupu, omoro marea ane, Kaisara ane, nai namea liape.
9A uku Fesutu Isaraela a’a kopai‐ekavai umulimakei’inave, u Paulo erau voa veve’enave, Ierusalema ai inavai ni amalaikora’i, iou ai na paku ai ni voa vevenia?-?keia’ane‐iai ei avia voa eiai?
10Paulo erau voa kurunave, Kaisara anu voa vevea pakara ai nai oimakina, na voa vevea mako miki eu aku: Isaraela a’a nai namea?-?ekavape ni ipali’inake.
11Nai namea liane euane, imua anu namea nai liane euane, imuai nai inaka‐a‐li’?-?inakea: a uku ei awku eria oro onai‐ikiane, a’a kapeo iva mi’ina ipiriai. Kaisara nai nawki‐awkana.
12Fesutu voa vevea kaupu a’a kiripai voa ipiaka’ane erau voa kurunave, Kaisara ni nawki‐awkava’ane euna, Kaisara ai ni enavakana
13Maura pani Akaripa amua a’a, Bereniki ane, Fesutu au‐awkuai Kaisaria ai anenave.
14Lare aila orere i?-?pokoiaka’ane, Fesutu Akaripa amua a’a erau voa kurunave uku Paulo eiai, piriakeia a’a monou eu ai pokoina Felikia ave’enave:
15Nai Ierusalema inanave ane, omoro amua a’a, Isaraela a’a anu mai‐oro ane, voa ikinave u eiai, oro nawki?-?ikamakei’inave nai mua‐awkavai.
16Nai erau voa ekinave, Roma a’a anu opara peo a’a imuai mua‐awkavai anea’?-?anea una avia a’a una paku ai oro aviane, u awku kavani voa kuruane omo avia voa eiai.
17Omo a’a varomo eu ai kinuaka’ane, namai lare voa vevea pakara ai nai pa’anave, piria a’a na paku ai arekavai nai awkinave ane.
18Una avia a’a oiaka’?-?ane, oro voa eria mi‐anenave orau nai laikoranave oro miaka;
19Oro u kiripai voa kamukamu kurunave uku omo ipawkia voa eiai, uku a’a nawi Iesu ane, u imuaka: uku ei a’a eiai Paulo kurunave, U uarokona.
20Uku nai pauapaua kei’inave ei awku voa veve’eai, nai Paulo veve’enave u umu?-?liane Ierusalema inavai, iou ai u voa veveakeia’ane‐iai ei awku eiai.
21Paulo nawki‐awkavaka’ane una voa vevea uakeia’ane‐iai Kaisara anu voa vevea eiai, oiviriai nai awkinave Kaisara ai nai okaiviriane‐iai.
22Akaripa Fesutu erau voa kurunave, Ei a’a anu voa viriai nai umuli’ina. Fesutu erau voa kurunave, Namai lare una voa ni virina?-?vailia.
23Namai lare Akaripa, Bereniki ane, aiai marevaki ane, pai’iri inu mai‐oro ane, vaupa ovara luki‐emiakei’inave, voa vevea marea ikirinave. Paulo omo paku ai arekavai Fesutu awkinave.
24Fesutu erau voa kurunave, Akaripa amua e, noro uriria ane enei kiripai eu ai kaupukiakeina, ei a’a noro inamu‐oina, u eiai Isaraela a’a uriria nawki‐ikava’ane euna nai u‐avai, Ierusalema ai, eu ai ane.
25Uku u‐avai nai uku eria miaka’ane, u verukua nawki‐ikavaka’ane Kaisara anu paku ai enavai, Roma ai okaiviriai nai evere’eane euna.
26Nai voa eria mi’ina revareva kikiriai Kaisara ai uku u eiai. Ou uku eiai noro uriria paku ai nai areka’ane euna, ni paku ai Akaripa amua e, u voa vevea keia’ane nai voa miane nai revareva kikiriane‐iai uku u eiai.
27Uku nai laikorana opara avuavu kipura a’a okaiviriai, avia voa eria una namea eiai okaiviriai ane.
Currently Selected:
IVA A’A ANU IAKI 25: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
