IVA A’A ANU IAKI 24
24
1Lare 5 periakei’inave Anania omoro amua a’a, mai‐oro ane, Teratulo vupu voa paioka a’a ane, kinunave, avia voa Paulo eiai oro kavana awkinave.
2Paulo oro paku ai aneai okaiviriakei’inave, Teratulo erau voa avinave, Felikia amua epe’epe e, uku ni airu miki enei mi’ina, uku ni lai evera ima opara nawawrea liakeina ei kaki a’a eiai,
3Panipani ai, makomako ai ane, ni umu enei kopai mi’ina.
4Nai ni lai mu’u li’inavaia, nai nawki‐nikana ene voa ni lai kekepa viriai.
5Uku enei auiane euna ei a’a Paulo iara‐lia vaki keina Isaraela a’a uriria awkono avao ai pani va’au iki ai, Nasarene kaupu unu orava a’a ane:
6Omoro marea upu‐awkavai u ipia‐mi’inave, enei a’akinave, ene vupu unu opara orau voa veve’eai enei umuli’inave.
7A amua marevaki Likia anenave, enei mere u iou‐mi’inave ane, iara‐no’ovea?-?mi’inave ane.
8Una avia a’a ni ai aneai ekimakei’inave ane: ni voa veve’eane ni voa miki ipaliane‐iai uku ei voa uriria enei avina.
9Isaraela a’a awku kurunave ei voa miki kei’inave.
10Paulo veia miaka’ane kavana mere uku voa kuruai, u erau voa kurunave, Uku nai ipali’ina aumeia aila voa vevea amua ni keia’ane euna ei kaki a’a eiai, voa kuruai na opara eiai nai kopai li’ina:
11Ni umuliane ni ipaliai li’ina lare 12 e periakeina, Ierusalema ai avioiai nai inanave.
12Omoro marea laru ai a’a kiripai voa kamukamu kurumakei’inave, a’a aruru iara‐ekamakei’inave, omoro marea laru ai, pai’iri ai ane, oro a’aui’i’inavea;
13Ei avia voa anu miki oro ipanikiai liapea, oro avi’?-?i’imakina.
14A ni paku ai nai iki e’ena, ei ipawkia voa oro kuruna ewaea ipawkia voa keina, ei ipawkia voa orau na a’e mai ane enu Eloi nai avioina, voa uriria pirimaroakoamakina vupu, laikorava a’a anu buka laru ai kikiriakeina.
15Araea’araea Eloi i nai mi’ina, na avia a’a oro awku mi’ina, uku opara anana a’a, namea‐lia a’a ane, imua mere la’avakana.
16Nai iviri ipia‐mi’ina panipani ai, Eloi inu paku ai, a’a anu paku ai ane, lai anana miai.
17Aumeia aila periakei’inave ane, la’aruku mi‐aneai na kaki a’a eiai, epie pei awkuai ane, nai anenave.
18Nai ei awku limakei’inave, na kape urupu‐eakei’inave omoro marea laru ai oro aui’i’inave, a’a aruru a‐avikinavea, rawre eria kei’inave; Isaraela a’a varomo Asia pani va’au mere nai kiripai rokoamakei’inave.
19Oro ni paku ai aneai limakina, mani voa oro awku miane‐iai uku nai eiai, opara anana omo voa awku ni viriai.
20A ei a’a oro kurunameki namea nai mua‐ika?-?vakei’inave nai Sunederi a’a paku ai oimakei’inave ane,
21Ei voa e nai araro laeali’inave nai omo paku ai oimakei’inave ane, uku imua mere la’ava voa nai voa veve’i’iakeina ei lare ai.
22Uku Felikia ipawkiakei’inave ei ipawkia voa nawawrea eiai, voa vevea u ei’inave, Isaraela a’a u erau voa kuruenave, Likia marevaki kinuane nai ei voa keverekevere voroakana.
23Felikia aiai marevaki awkinave Paulo oiviriai, u are rokonamoki, una a’a inamu‐oiai evere’einameki.
24Maura pani Felikia, una a’e Derukila ane, u Isaraela a’e, orere anenave; Paulo u ai aneai u okaivirinave, Paulo kurumakei’inave uku pirimaroakoa Keriso Iesu laru ai, Felikia eiekavakei’inave.
25Paulo voa kuruaka’ane uku voa vevea opara eiai, lai i’ima anu oiviria opara eiai ane, voa vevea eiai u aneliviai anelia, Felikia varuavakei’inave, erau voa kurunave ane, Eai, oaio! iru pani nai eria pokoiane nai laea‐nilauakana.
26U araea’araea‐li’inave Paulo moni awkuakana naea, u ururuane‐iai: ou uku eiai Paulo u ai aneai u pani aila okaivirinave, u kiripai voa awkina’anave ane.
27Aumeia rere periakei’inave Porekio Fesutu Felikia anu kavana iaki mi’inave: uku Isaraela a’a kopai‐ekavai Felikia Paulo kipura a’a ave’enave.
Currently Selected:
IVA A’A ANU IAKI 24: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
