IVA A’A ANU IAKI 22

1Ovaki airavaki e, na paioka voa noro virine.

2Oro viriaka’ane u Heberu voa kuruenave, oro eiekavakei’inave: u erau voa kurunave,

3Nai Isaraela a’a kapoi, Tareso pai’iri ai kiniakei’inave, Kilikia eiei ai: Gamaliela anu are ai ei pai’iri ai mai‐oro onu vupu nai ipai?-?kiakei’inave, noro uriria orau ei lare ai nai iviri kei’inave Eloi eiai.

4Ei pirimaroakoa nawawrea a’a e‐avai nai mani‐ekanave, vaki, a’e ane, nai epirinave, kipura marea laru ai ai’inave ane.

5Omoro amua a’a, mai‐oro uriria ane, ioneliai li’ina ei voa miki keina: uku oro mere revareva nai mi’inave aroa a’a eiai Damaseko ai, Damaseko ai nai enamakei’inave area‐ena a’a Ierusalema ai are’ekavai, oro mani?-?ekavakeia’ane‐iai.

6Kapea ai, Damaseko arekamu ai nai paiaka’ane, lare iki pani ai, pamea ovara anu akuru pani muku mere nai emoki avikiakei’inave.

7Nai ara’anave ka’e ai, voa nai virinave erau voa kuruimakei’inave, Saulo e, Saulo e, uku oiana ni mani?-?ikana?

8Nai erau voa kurunave, Ni koana Amua e? U erau voa kuruinave, Nai Nasareta anu Iesu, U ane ni mani‐awkana.

9Oro awku nai kiripai pamea inamu‐oinave kapoi, oro kore kei’inave ane; a voa U kuruinave oro a‐virinavea.

10Nai erau voa veve’enave, Amua e, nai oiamalimau? Amua erau voa kuruinave, La’ane, Damaseko ikirira; awku uriria evere’eiakeia’ane euna ni liakana iou ai nikiakeiakana.

11Uku pamea anu evao’evao nai inamu‐oiai a‐li’inavea, na kaupu a’a i eve ira’anave nai Damaseko ai anenave.

12A’a nawi Anania, vupu unu avioia a’a, uru ima a’a Isaraela a’a uriria awkono avao ai, u i‐pokoinave,

13U anenave na paku ai oinave ane, erau voa kurunave ane, Saulo ovaki e, ni inamu unu emai ni mi’ine. Na inamu unu emai nai emoki mi’inave, inamu‐ekiawkanave ane.

14U erau voa kurunave, Ene mai‐oro onu Eloi ieni?-?ane euna Una lai ipaliai, Anana A’a inamu‐oiai ane, Una voa viriai ane.

15Uku Una ione a’a ni keiakana a’a uriria paku ai uku awku ni inamu‐oiane euna, viriane euna ane.

16Uku oiana ni eria pokoimakei’i? La’ane, ere bapatiso mi’ine, ni namea namokine, Amua anu nawi nawki‐awkane ane.

17Nai Ierusalema ai vairuaka’ane, omoro marea laru ai nai nawki‐awkamakei’inave ane, nai awia naonao kei’inave;

18Nai Iesu inamu‐oinave, U erau voa kuruimakei’inave, Rokoroko, Ierusalema mere ema elera: uku ni ione voa Nai eiai oro pirimaroakoapea.

19Nai erau voa kurunave, Amua e, oro ipali’ina Ni pirimaroakoa a’a epiri?-?makei’inave, vaki‐emimakei’inave, omoro marea kavakava laru ai nai iviri rokoanave:

20Ni ione a’a Seteve enu aro oro upumakei’inave’ane nai arekamu ai oimakei’inave, u‐avai nai evere’emakei’inave ane, una avé a’a anu a’a kape nai eivirimakei’inave ane.

21U erau voa kuruinave, Enara, uku amai Nai nikaiviriakana lai unuku a’a anu pani va’au ai.

22Anea’anea ei voa kuruakei’inave una voa viriai oro eiekanave. Oro voa araro erau voa laeali’inave, Ei vaki a’ane pani va’au mere: opara anana peo u rokoai.

23Oro araro laealimakei’inave ane omo a’a kape, ka’e ane, oro akaunave,

24Voa vevea marea ai arekavai marevaki awkinave, i vaki‐awmia u voa vevea?-?keia’ane‐iai, omo iara anu uku u ipaliane‐iai.

25Oro naw u‐pirimakei’?-?inave, aiai marevaki arekamu oimakei’inave Paulo erau voa veve’enave, Opara anana ana Roma a’a vaki?-?awmiai, u mua‐awkavakeiape liane.

26Ei marevaki ei voa viriaka’ane, voa upurukiai u Amua ai enanave. U erau voa veve’enave, Ni oiamalai?-?koramakei’i ei vaki eiai? U Roma a’a.

27Amua marevaki anenave, Paulo erau voa veve’enave, Ni Roma a’a ana? Paulo kurunave, Lia.

28Marevaki erau voa kurunave, Nai Roma a’a evere’eai moni kavani ovara awkunave. Paulo erau voa kurunave, Nai Roma a’a kiniakei’inave.

29Una voa vevea a’a emoki ave’enave: amua marevaki ipali’inave ane Paulo Roma a’a kei’inave, u kore kei’inave uku u u‐piri?-?aka.

30Namai lare uku voa miki ipaliai u umuli’inave, uku i Isaraela a’a u aviakei’inave, arekapu una eve mere u uninave, omoro amua a’a, omo Sunederi a’a uriria ane, kaupukiai u ekinave, Paulo omo paku ai oiai u arekanave ane.

Currently Selected:

IVA A’A ANU IAKI 22: IAR1920

Highlight

Copy