IVA A’A ANU IAKI 21
21
1Enei ave’eiaka’ane, mapea, area‐enavaka’ane, kapea anana enei Koso ai area‐anenave; namai lare Rodo ai enei anenave, iou mere Patara ai enei anenave:
2Enei mapea auiaka’ane Penekia ai area‐kemakei’?-?inave, enei lakenave, area‐enanave ane.
3Enei Kupura inamu‐oiaka’ane kurua iniki ene eve keau mekai enei awawpenave, ene aki Suria ai enei area‐enanave, Tura ai enei pi’inave, uku mapea anu aruku i‐lauakei’inave.
4Pirimaroakoa a’a enei i‐evoronave, i‐auienave ane, lare 7 enei i‐pokoinave; i Avaea ipekiakei’inave pirimaroakoa a’a Paulo kuruoko Ierusalema ai pa inavai.
5Ene pokoia pani iou ai oailiakeiaka’ane, ene aki enavai enei ave’enave; pirimaroakoa a’a uriria, omo a’ero ane, omo ukua mere ane, are’akanave pai’iri iki ai: miri ai enei are epo ai’inave, nawki‐awkanave ane.
6Enei kepoia voa kuruaka’ane enei mapea lakenave; oro pai’iri ai vairunave.
7Enei Tura mere area‐enavaka’ane, Potolemai ai paiaka ane, ene mapea aki oailiakei’inave. Eu ai pirimaroakoa a’a enei evoronave, oro kiripai lare monou pokoinave ane.
8Namai lare enei, Paulo onu kaupu a’a, Potolemai ai ave’enave, Kaisaria ai anenave: Pilipo omoro a’a anu marea enei ikirinave, u a’a 7 inu kaupu a’a kei’inave, u kiripai enei pokoinave.
9Ei a’a a’e paka 4 miaka, oro laikorava a’ero kei’inave.
10Lare aila enei i‐pokoinave. Iudea eiei mere laikorava a’a monou kinunave, nawi Agabu oroiakei’inave.
11Enei ai u paiaka’ane, Paulo onu awre u mi’inave una eve, are ane, u epirinave, erau voa kurunave ane, Avaea Iaa erau voa kuruna, Isaraela a’a Ierusalema ai ei awre enu a’a orau piriakana, lai unuku a’a anu eve awkuakana ane.
12Enei ei voa viriaka’ane, enei, Kaisaria aroa a’a ane, Paulo nawki‐awkanave u Ierusalema inanavaia.
13Paulo erau voa kurunave, Noro vikirimakei’i na umu kukunu‐awkavai? Nai evere’eakeina Ierusalema inavai, arekapu piriakeiai, imuai ane, Amua Iesu eiai.
14U ene nawki voa inaka?-?liaka’ane, enei oaili’inave, erau voa kurunave ane, Amua anu lai li’inamoki.
15Neko mere ai, lare ailapea, ene aruku enei pirinave, Ierusalema ai inanave ane.
16Enei kiripai pirimaroakoa a’a varomo Kaisaria mere inanave, oro kiripai oro a’a monou arekanave, nawi Menasona, Kupura a’a, u pinai pirimaroakoa kaupu unu a’a: una marea ai enei pokoiai evere’eakei’inave.
17Enei Ierusalema ai paiaka’ane aroa a’a kopai?-?akanave.
18Namai lare Paulo kiripai enei enanave Iakobo au‐awkuai Ekalesia mai‐oro uriria awku anenave.
19Paulo kepoia voa kurueaka’ane, awku uriria Eloi liaka lai unuku a’a awkono avao ai i una omoro iaki mere Paulo ipekinave.
20Una voa oro viriaka’ane oro Eloi avioinave. Oro Paulo erau voa kurunave, Aroa e, ni ipali’ina Isaraela pirimaroakoa a’a aila aila keina, oro uriria iviri keina ane uku Vupu unu ipawkia voa eiai:
21Oro ekiakeina Isaraela a’a uriria ai unuku a’a awkono avao ai ni ipekina Mose enu ipawkia voa inakaliai, ni ekina ane omo ukua momoa pa eiai, eni opara oro pa kamaialiai.
22Ni oiamalimau? A’a aruru kaupukiakana kapoi uku oro viriakana ni ei‐anena.
23Ene voa ni kamaiali’ine. A’a morere morere enei mi’ina, oro vupu‐ekavakeina;
24Oro kiripai pokoine, vupu unu kape urupu opara kamaiali’ine ane; ei opara anu kavani ni awkune oro eiai omo uku unu kimari oro eiane‐iai; orau a’a kavakava ipaliakana ei uru voa ni eiai voa miki peo; uku Vupu unu opara uriria ni kamaia‐ekana.
25A uku lai unuku pirimaroakoa a’a enei revareva kikiriane euna, ei vupu e uakeina oro eiai, imunu unu epie pei oro pa navai, aro?-?mia oia oro pa navai, eiri opara awku oro pa liai.
26Ei a’a morere morere kiripai Paulo pokoinave; una kape u urupu eaka’ane namai lare omoro marea u ikirinave oro kiripai, orau a’a kavakava ipawkimakei’inave omo kape urupu‐ea pani periakei’inave, u i‐pokoinave anea’?-?anea epie pei awkuakeiaka’?-?ane oro monou monou eiai.
27Lare 7 eiei arekamu periakei’inave ane, Isaraela a’a Asia mere Paulo inamu‐oiaka omoro marea laru ai, mani‐awkavai oro a’a aruru uriria iara‐ekanave, oro a’akinave ane,
28Erau voa laealimakei’inave, Isaraela a’a e, paiakane; Ei a’a kurua vaki u makomako ai enana, mani voa ipekimakina a’a uriria anu paku ai uku Isaraela a’a eiai, uku Vupu voa eiai ane, uku ei omoro marea eiai ane. Heleni a’a ane ei marea laru ai u are’eka’ane euna, ei iaa mako u upu‐awkava’ane euna.
29(Uku Teropina, Epeso a’a, Paulo kiripai pai’iri ai oro inamu‐oiaka, oro laikoranave Paulo omoro marea laru ai arekavaka.)
30Rawre pai’iri iki upurukinave, a’a aruru kaupukinave ane: oro Paulo a’akinave, omoro marea mere lakinave ane: marea anu kikau emoki aueakei’inave ane.
31Paulo avai oro ipia‐mimakei’inave ane, uru voa mi‐aneakei’inave aiai marevaki ai, Ierusalema pai’iri iki iaraliakei’inave.
32Aiai, omo amua a’a ane, u emoki kaupukinave, pai’iri ai area‐ve’enave ane; a’a aruru aiai marevaki, aiai ane, inamu‐eiaka’ane, Paulo vaki‐awmimakei’inave oro oaili’inave.
33Marevaki arekamu ai anenave, Paulo a’akinave, arekapu rere upiriai u ekinave; uku una nawi, una namea ane, u voa veve’enave.
34A’a avia voa monou laeali’inave, a’a aruru unu a’a mo avia voa mo laeali’inave: uku rawre voa miki marevaki ipaliai a‐li’inavea, Paulo aiai inu marea ai oravai u awkinave.
35Paulo va’ara inamakei’inave ane uku a’a aruru unu iara aiai inu anu upa mere u vakaruakei’inave.
36Uku a’a aruru kouakoua e’e’okamakei’inave, erau voa laealimakei’inave ane, Iou mi’ira.
37Paulo aiai inu marea laru ai oramakei’inave u marevaki erau voa veve’enave, Nai kuruniai ama?-?li’i? Marevaki erau voa veve’enave, Heleni voa ni ama‐kuru’i?
38Ni kurua Aikupito a’a peana eni pani ai a’a aruru u iara‐ekanave, avé a’a 4,000 kekepere ai u era’anave?
39Paulo erau voa kurunave, Ai! Nai Isaraela a’a, Tareso pai’iri mere, Kilikia eiei pai’iri, rurupu pai’iri peo: nai nawki‐nikana, ni evere’i’ine, nai a’a aruru omoro kurueane‐iai.
40U evere’eaka’ane, Paulo va’ara ai oimakei’inave, a’a aruru eiekavai una eve u oiokanave. Oro eiekavakei’inave Heberu voa u erau voa kuruenave,
Currently Selected:
IVA A’A ANU IAKI 21: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
