2 Timoteo 4
4
1Eloi, Keriso Iesu ane, paku ai, nai nanuku‐nikana, U ane rokoa a’a, imua a’a ane, U voa veve’eiai awkamakina; i Una erea, Una amua‐awkava ane:
2Iva voa omoro kurune; iviri‐rokone panipani ai; a’a omo namea ipekine, omo namea eiai eine ane, omoro a’a orau lai kekepa iviri‐eine.
3Uku pani aneliviai anelia ipawkia voa miki oro umuliapea, omo keporo iviri?-?viri‐ekavakeiai oro umuliakana, omo lai evere’eiai oro ipawkia a’a aila auiakana;
4Oro voa miki virinavaia oro urukiakana vinako voa viriai.
5A uku ni eiai, ni opara uriria ni eiviriai limakina, eapa opara ni pa rokoai, aki?-?omoro a’a anu iaki ni li’ine, ni iaki inu opara iki ni kamaiali’ine.
6Uku nai epie‐ere orau orekavakeimakina nai mikirina; na ena pani eai arekamu ai keina.
7Apaki ima nai apakina’ane euna, a’epeaka eiei nai a’epeaka’ane euna; pirimaroakoa anu voa nai oiviriane euna:
8Ei pani mere opara anana anu kaukoua aiakeina nai eiai, kaukoua ane, voa vevea anana Amua ikua?-?kana ika lare ai: nai e apea, oro uriria awku Una erea oro umuli’ina.
9Nai ai ema aneai ni ipia‐mi’ine.
10Uku Dema ave’i’iane euna, ei pani va’au unu namea opara u umulimakina, Tesalonia ai u enava’ane euna; Kerekena Galatia ai enava’ane euna, Tito ane Dalamatia ai enava’ane euna.
11Luka e nai kiripai pokoina. Mareko au‐awkune ni anea’ane, eu ai arekane ane: uku u ima a’a pai’ikavai na omoro iaki liai.
12Tutiko Epeso ai nai okaiviriane euna.
13Ni anea’ane kapua minane nai Toroa ai ave’enave Karepo onu marea ai; buka, revareva ane, ni minane.
14Alekanederea auri iaki?-?lia vaki iara ovara ipaikinave; una opara orau Amua kavani awkunamoki.
15Ni awku ou vaki oivirine, uku ene omoro voa u iara maniliane euna.
16Na pinai voa vevea pani ai a’a kapeo nai miaka na mekai ai, oro uriria ave’?-?i’inave. Oro kavani lipi mi’inavaia nai umuli’ina.
17A Amua na mekai ai oinave, iviri‐ikanave ane, i nai mere Iva voa iki upuru?-?kiakeia’ane‐iai, lai unuku a’a uriria viriane‐iai ane; lioni inu ni’iri mere nai i’ikava?-?kei’inave.
18Mani kavakava mere Amua i’ikavakana, i’iviria?-?kana ane Una pani muku eiei eiai. Avioiakeinamoki opai keiakana! Amene.
19Perekeka, Akila ane, Onekiporo onu marea a’a ane, kepeine.
20Eraketo Korinito ai pokoinave: Teropima Mileto ai nai ave’enave, u maia kei’inave.
21Kou’upua pani paku ai aneai ni ipia‐mi’ine. Eubula keponina, Puke ane, Linu ane, Kalaukia ane, aroa a’a uriria ane.
22Amua Iesu ni avaea kiripai rokonamoki. Noro uriria la’aruku mi’ine. Amene.
Currently Selected:
2 Timoteo 4: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
