Tito 1
1
1Paulo Eloi inu aivaraa’a, Iesu Keriso onu Iva a’a ane, uku Eloi inu a’a anu pirimaroakoa la‐okavai, iaa opara anu voa iki upurukiai ane,
2U ane u araea’araea limakina opai rokoa eiai, opai rokoa Eloi maura‐voa kurunave pani va’au unu ea pani paku ai, Eloi ane U arauau liai liapea.
3Pani evere’eakei’inave’ane Una Iva voa U ipawkinave i omoro iaki ikuakei’inave i Eloi ene Iawka.
4Tito e, na mere miki i pirimaroakoa enere mi’ina. La’aruku, airu ane, nikuakeinameki Eloi Mai mere, Keriso Iesu ene Iawka mere ane.
5Kerete ai nai aveniane euna ni awku evere’eiane‐iai awku ane oro liakeiape, maioro iaki ekuane‐iai ane pai’iri kavakava ai, orau nai nikinave;
6Mako‐mako ai opara anana a’a rokona, u vaki miki ane una a’e monou eiai, u ukua mere e‐mi’ina oro awku pirimaroakoa a’a keina, oro uru lipi a’a peo, manipu a’a peo.
7Uku Eloi inu kava a’a orau, omoro a’a opara ima anu uru u miai limakina, manipu a’a peo, lai iara vaki peo, ere iara na’a vaki peo, vaki‐awmia a’a peo, iawmia a’a peo kavani eiai,
8Kikoro a’a u kamaiaekavai limakina, opara ima u umuliai limakina, lai iva’iva a’a, opara anana a’a, iaa a’a, lai ipi’ipia a’a;
9Iva voa miki u miane euna u a’akimakina, u lai evera keia’ane‐iai i ipawkia voa miki a’a e iviri‐ekavai, mani a’a anu ipawkia voa paueane‐iai ane.
10Uku a’a aila rokona amua voa oro inakali’ina, eapa a’a, voa meramera a’a, ewaea a’a, oro kapoi, oro momoa‐eia anu ipawkia a’a:
11Omo ane epo ni momokavai limakina, uku avai a’a iki inu pirimaroakoa oro enaka’ana, ewaea voa ipawkimakina moni kavani eiai.
12Omo a’a monou, omo pani va’au unu laikorava a’a ane, u erau voa kuruane euna, Kerete a’a arauau a’a rokona panipani ai, iara animala a’a, oro eapa voviri a’a ane.
13Ei ione voa miki keina. Ou uku eiai ni mani‐ekane oro iviri pirimaroakoa mianeiai;
14Isaraela a’a anu vinako voa oro pirimaroakonavaia, a’a anu vupu ane; a’a ane miki inu voa mere oro urukina.
15Lai urupu a’a eiai awku kavakava urupu keina: lai upu a’a, lai inakalia a’a ane, eiai awku eria urupu keina; omo lai, lai‐amua ane, upu‐eiakeina.
16Oro auoina oro Eloi ipa‐ulauna; a i omo opara oro lari‐awkana, oro rurupu a’a, larilia a’a ane, ima iaki kavakava eiai oro ima eria rokona.
Currently Selected:
Tito 1: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
