2 Timoteo 3
3
1Ei voa awku ipali’ine, ika lare enu pani ai e’ei pani aneakana.
2Uku a’a manipu keiakana, iawmia a’a ane, voa meramera a’a ane, lai kauakaua a’a ane, mai‐voa a’a keiakana. Omo a’e mai ane oro lari‐ekavakana, kopai‐awkava eria a’a, iaa eria a’a ane,
3Oro umu eria miakana, paue‐awmia eria a’a ane, omoro nouia a’a keiakana. Oro iva eria miakana omo i’ima amua‐ekavai, oro iara, keiakana, opara ima mani‐awkavakana,
4Avia‐anai a’a, a’ika‐a’?-?ika a’a ane, lai kauakaua a’a ane, oro keiakana; lupa opara umuliai oro Eloi ave’?-?eakana;
5Iaa opara anu aipo oro miakana, iaa opara anu iva oro lari‐liakana: ei a’a kaupu mere ni urukine.
6Ei kaupu awkono avao ai a’a pokoina oro a’a anu marea ikirina, avu’avu a’ero piriaka‐erana, a’ero ane omo namea oro euniakeina, i i’ima opara e e oro eravakeina,
7Voa nawawrea panipani ai oro mimakina, lai pamea miki inu voa eiai oro miai liapea.
8Orau Iane, Iamepera ane, Mose enu voa inaka?-?li’inave, orau ei ewaea omoro a’a ane miki inu voa inaka‐li’ina: omo lai rurupu?-?ekavakeina, oro mani a’a pirimaroakoa eiai.
9A omo iaki apareapea, omo ewaea ane a’a uriria paku ai ipawkiakeiakana, orau Mose enu mani a’a anu opara ipawkiakei’inave.
10Na ipawkia voa, na opara ane, na lai ane, na pirimaroakoa ane, na umu ane, na lai kekepa ane, ni ipa‐elauane euna kapoi,
11Na mani ane, kukunu ane, nai miaka Anetioka ai, Ikonio ai ane, Lukitera ai ane. Mani nai miaka ni ipa‐elauna: a oro uriria mere Amua i’ikanave.
12Lia, a’a kavakava ane u lai mi’ina Keriso Iesu unu e’e’okava a’a orau rokoai, u mani miakana.
13Opara lipilia a’a, ewaea a’a ane, opara lipi mere opara lipi‐mai ai oro enavakana, ewaea‐ekama?-?kina, ewaea‐ekavakeina ane.
14Ipawkia voa ni ipaliane euna ni a’akine, voa ane, pirimaroakoai ni ipaniakeia’?-?ane euna, ni ipawkia a’a ni ipaliane euna;
15Ukua pani mere Iaa Revareva ni ipaliane euna, voa ane oro lai evera‐naiai li’ina iawka miai i pirimaroakoa mere Keriso Iesu ai.
16Iaa Revareva voa uriria i Eloi ipawkiakeina, paioka mi’ina ane ipawkia voa eiai, namea anana evere’eai, ipawkia voa ane opara anana eiai:
17Uku Eloi inu a’a anana?-?eakeia’ane‐iai, evopoakeia’ane‐iai ane ima iaki kavakava eiai.
Currently Selected:
2 Timoteo 3: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
