2 Timoteo 2
2
1La’aruku ai, Keriso Iesu ai uakeina, ni iviriliai limakina, na mere e.
2Voa uriria na ane epo mere ni viriane euna ione a’a aila paku ai, ni a’a miki ipekine, oro a’a e ipekiane‐iai.
3Keriso Iesu unu aiau miki orau ni kukunu unu aua ni aua‐mi’ine.
4A’a kavakava aiau orau kamaiali’ina, una lai u iakari?-?awkavapea uku pani va’au unu awku eiai; una marevaki u kopai‐awkava’ane‐iai, u ane u ie’enave.
5A’epeaka vaki a’epeaka vupu kamaialiape liane, u kavani miapea.
6Aura‐pei inu kinia a’a aura‐pei inu uru u pinai aua‐miai limakina.
7Voa nai kurumakina ni ima ipine; Amua lai pamea nikuakana uku awku kavakava eiai.
8Pa aikavai Iesu Keriso imua mere la’ava’ane euna, U Davida anu kiri a’a ane, orau ipawkiakeina Iva voa ai nai omoro kuruna;
9Uku Iva voa nai omoro kuruna nai kukunu mi’ina, namea a’a orau nai arekapu ipiriakeina: a Eloi inu voa piriakeiapea.
10Ou uku eiai kukunu uriria nai mi’ina Eloi inu a’a eiai, uku iawka Keriso Iesu ai oro awku miane‐iai, opai evao’evao ane.
11Ei voa miki‐rokona: U kiripai enei imuakeia’ane, U kiripai enei rokoakana.
12Enei kukunu lai kekepa miane, U kiripai enei amua‐awkavakana: enei lari‐awkava’ane, U awku lari?-?akavakana:
13Enei pirimaroakoape liane, U miki‐rokoa‐liviai, U lari‐awkavai liapea.
14Ei voa uriria laikora‐ekiai a’a ipekine, Eloi inu paku ai ni ekine voa kape eiai oro pa kouaminavaia, opara ane paioka eria mi’ina, voa viria a’a anu lai iakari‐eina ane.
15Ipia‐mi’ine ipanikiai i Eloi ni evereniakeina, iaki a’a orau u miki inu voa anana ipawkina, uku eria uakeina u makiri‐liai.
16Mai‐voa, meramera voa ane, inaka‐li’ine; uku a’a ane oro lipi voa kuruna voa lipi ovara mai oro kuruakana.
17Omo ipawkia voa auma emari‐emari orau aparea?-?kana: Umenio, Pileto ane, orere ei kaupu unu a’a rokona;
18Uku miki inu voa eiai orere pawru enava’ane euna, kurumakina imua mere la’ava periakeina, a’a varomo onu pirimaroakoa orere ena?-?ka’amakina.
19Eloi inu u’uri kane oina, ei kikiria voa mi’ina ane, Amua ipa‐elauna, oro ane oro Una a’a rokona. Voa mo ane, A’a kavakava ane u Amua anu nawi oroina, namea uriria u larili’inamoki.
20Amua marea laru ai laiko moni aru, urupu moni aru, e apea, iri aru, ka’e aru ane, uakeina; varomo amua iaki eiai, mo, rurupu iaki eiai.
21A’a arauau voa mere laikiane, avioia iaki eiai u keiakana, iaa‐awkavakeiaka?-?na, ima keiakana una Amua anu iaki eiai, u evere’eakeiakana ima iaki kavakava eiai.
22Roropaea anu i’ima opara mere area‐enara: opara anana, pirimaroakoa ane, umu ane, airu ane, ipia‐emi’ine, oro ane kiripai oro lai urupu Amua nawki‐awkana.
23Pauapaua a’a kiripai voa e kevakeva pa kuruai, oro iara voa ena,
24Amua anu aivara pa voakiai; u lai iva’iva liai limakina a’a uriria eiai, a’a ane ipawkiai li’ina, lai kekepa a’a ane.
25U mani a’a ipekiane voa umu u kuruai limakina: Eloi lai urukia ekuakana naea voa miki iki e’eai;
26Oro iekava’ane‐iai diabolo onu uai mere, oro ane eai i diabolo epiriakeina.
Currently Selected:
2 Timoteo 2: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
