2 Petero 3
3
1Ei revareva nai eai kikirinaimakina, naumuki e, na revareva rere vaki eire. Revareva orere laru ai nomo parea lai laru ai voa varomo evoiai nai ipia‐miane euna,
2Voa ane i iaa laikorava a’a kurueakei’inave eni pani ai, ene Amua, Iawka ane, enu vupu voa i Iva a’a nakuakei’inave.
3A pinai ei voa pa aikavai, ika lare pani ai a’a aneakana, keke anara voa a’a, a’a ane i omo i’ima e oro amua‐ekavakeina,
4Erau voa veve’emakeia?-?kana, Una vairua anu maura‐voa ekeiana? Ene a’e mai ane enu imua pani mere awku uriria uakeina orau oro uakei’inave pani va’au unu ea pani mere.
5Oro auoina oro ipapea eni pani ai pani muku uakei’inave, pani va’au ane, i Eloi inu voa pani va’au ere mere inanave, ere ai va’au aparemakei’inave ane;
6I ei ere eni pani va’au a’a avikiakei’inave, e‐avakei’inave ane.
7A eai pani muku, pani va’au ane, i Eloi eiviriakeina iau eiai voa vevea lare ai, oava eiai awku namealia a’a eiai.
8Naumuki e, ei voa monou noro pa aikavai. Amua anu lai laru ai lare monou, aumeia 1,000, mikirina, aumeia 1,000 ane lare monou mikirina.
9A’a varomo onu lai uku voa, akere enu miki eiai, Amua akere apea Una maura‐voa evere’eiai. U lai kekepa keina enei eiai, uku U umuli’ina a’a kapeo oavakeiai, a a’a uriria lai urukiane‐iai.
10Amua anu lare avapu a’a orau aneakana, lare ane kaia rawre ovara enakiakana, i vero‐ava iva rawpu e‐avakeiakana, pani va’au, a’a anu evepawki ane, i iau ru’ekavakeiakana.
11Uku ei awku uriria oava eiai evere’eiakeina, noro oiama‐mikirimau iaa voa uriria eiai, iaa opara ane.
12Iviri araea’araea‐lima?-?keiakana Eloi inu anea lare ai, i kurua lare kaia iau‐ru’?-?ekavakeiakana, e‐avakeiakana ane, rawpu ane evo?-?koakana uku iva anu iara eiai?
13A uku Una maura‐voa eiai kaia nawawrea, pani va’au nawawrea ane, eiai enei aieiaka‐pokoina, orere ai opara anana keiakana.
14Ou uku eiai, naumuki e, uku ei awku eiai noro aieiaka‐pokoina, oivirine noro airu auinaiakeia’ane‐iai Una paku ai, upu eria, ailiea eria noro keia’ane‐iai.
15Panipani ai ene Amua anu lai kekepa, iawka orau, avioine, orau ene naumuki aroa a’a Paulo kikirinaiane euna i lai evera awkuakei’inave.
16Una revareva uriria ai u orau kurunave, u ei awku eiai kurumakeia’ane. Una revareva ai voa varomo kikiriakeina omo miki ipaliai iaki kane keina, ei voa ane lai kukia a’a, pauapaua a’a ane, iakari‐eina, orau Iaa revareva voa e oro iakari‐eina omo oava eiai.
17Noro naumuki e, uku ei awku noro ipanakiakeia’ane euna, noro panipani ai naiviriai limakina i namea a’a anu ewaea voa noro pawru naravakeinavaia, nomo iviri mere noro aranavaia.
18Ene Amua, Iawka ane, Iesu Keriso onu la’aruku, lai pamea ai ane, panipani ai noro la’ane. Avioia uriria awkunamoki, eai, opai keiakana ane, Amene.
Currently Selected:
2 Petero 3: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
