2 Petero 2
2
1A’a aruru awkono avao ai arauau laikorava a’a awku kei’inave, orau noro awkono avao ai arauau omoro a’a keiakana, arauau voa e kevakeva oro ewaea ipawkiakana, Amua ane inaea‐elauane euna oro lari‐awkavakana, epua oava oro mi‐aneakana oro eiai.
2Omo ivave opara a’a aila e’e’ekavakana, i oro iaa opara makiriliakeiakana.
3Moni iawmimakina, i omo ewaea voa oro ailinaiakana. Eni pani mere omo mua e’e’eka’ane eumakina, omo oava awaw‐keiape.
4Aivara‐avaea namealia?-?ka’ane Eloi a‐iekanavea, ade ai U laeinave muru eiei ai, voa revea eiai oro eiviriakeia’?-?ane‐iai;
5Eni pani va’au awku U a‐iawkanavea, Noa, opara anana anu omoro a’a, a’a mo 7 ane, U iekanave, iaa eria a’a anu pani va’au ai U ere aru mi‐anenave’ane.
6Sodoma pai’iri, Gomara pai’iri ane, U iau ruekanave awvi e uakei’inave, awkoni‐ekavai U mua‐ekanave, oro aipo keia’ane‐iai iaa eria a’a eiai.
7A opara anana a’a Lota U iawkanave, u lai kukupuna kei’inave’ane i pai’iri inu namealia a’a anu opara eiai.
8(Uku omo namea opara mani‐kukunu kei’inave, lare kavakava, kurua opara anana a’a anu parea imunu eiai.)
9Iaa a’a ailia mere iekavai Amua ipali’ina, iaa eria a’a ane eiviriai voa vevea lare eiai U ipali’ina:
10Oro ane oia anu i’ima opara oro li’ina, amua anu vupu ane oro larili’ina. Lai kauakaua a’a, larilia a’a ane, oro a‐varua’anakea oro voa lipi kuruane aivara‐avaea eiai.
11A aivara‐avaea oro a’a upai are’eiakeina uku iva, venea ane, avia voa a‐mi?-?anenakea Amua anu paku ai.
12A’uri orau kiniakeina oro e‐avakeia’ane‐iai, ei a’a uku awku oro ipapea oro anakaia voa kuruna, omo pomoa ai oro imuakana ane,
13Omo mua anu kavani oro miakana ane. Omo kopai lare pani ai eiri opara liai. Oro aumai, auma kore ane, omo umu‐purai oro na’?-?amakeia’ane, oro noro kiripai purai nava’ane.
14Omo inamu eve’eve i’ima evopoakeina, inamu ane namea oailiai oro liapea; ekeni oro aina eapa a’a miaka‐rokoai, iawmiai oro ima ipekiakeina. Oro laeiakeina Eloi inu paku mere.
15Kapea anana mere kekemakina, oro pawru enava’ane euna, Balama Beora anu mere enu awkoro ai oro e’e’ekava’ane euna, u ane namea anu kavani miai u umuli’inave.
16A una namea eiai u eiakei’inave: momoa asini a’a anu voa kurunave, Balama anu avu’avu opara ei’inave ane.
17Ei a’a ere aroa orau oro ere eria mi’ina, awporo orau i kavaea laeiakeina, oro eiai muru unu maiva oiviriakeina opai keiakana eiai.
18Avu’avu voa, kauakaua voa ane, oro kurumakeia’ane, kape i’ima, namea opara kavakava, kemea orau oro aina a’a miaka‐rokoai, oro ane namealia a’a mere oro area‐enamakina.
19Ururua ekuai oro a’a maura‐voa kuruena, oro ane oro pomoa opara anu aivara a’a keina. A’a i a’a e awkoni?-?awkavakeia’ane una aivara a’a u evere’ena.
20I lai pamea Amua, Iawka ane, Iesu Keriso eiai, pani va’au unu pomoa mere a’a area‐enava’ane euane, oro moawku ekeni‐ekavakeia’?-?ane, awkoni‐ekavakeia’ane ane, omo pinai opara lipi mau’u‐mau’u, omo ika pani opara lipi‐mai evere’eane euna.
21Ima miki oro eiai opara anana anu kapea oro ipaliaka livilia, kapea ane oro ipali?-?aka’ane, iaa vupu ekuakei’inave oro mere urukiai.
22Ei aipo omo opara ipekina. Oroko una pai ai vairuna. Aipo voa mo, A’uri a’e una kape erekiane euna, una upu mako ai u vairuna.
Currently Selected:
2 Petero 2: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
