1 Ioane 1
1
1Awku ane pinai pani, mere kei’inave, awku ane enei viriane euna, ene inamu ane oro inamu‐eiane euna, ene eve ane nekeane euna, uku Rokoa anu Voa eiai,
2Rokoa ane U ipawkiakei’inave, enei inamu‐oiane euna ane, ioneli’ina ane, Opai Rokoa ane Mai kiripai ua‐rokoanave enei ipanakina, U ane U ipakiakei’inave,
3Awku ane enei inamu‐eiane euna, eviriane euna ane, eai enei nakina, uku noro awku enei kiripai aua‐miane‐iai, ei aua‐mia enei kiripai aua‐mia keina Mai kiripai, Una Mere Iesu Keriso kiripai ane.
4Ei awku eiai enei kikirina uku ene kopai evopoa?-?keia’ane‐iai.
5Iva voa eire enei viriane euna Amua Iesu mere, eai nakina ane, Eloi pamea rokona, U laru ai muru eria uakeina.
6Pani ane enei muru ai are rokoamakeia’ane enei kuruane, U kiripai enei aua‐mi’ina, arauau voa enei kuruna, voa miki enei a‐kurunakea.
7A enei pamea ai are rokoa’ane, orau U pamea ai ua‐rokona, ene a’a kiripai enei aua‐ami’ina, Iesu, Una Mere enu aro urupu‐aina namea uriria mere.
8Enei kuruane enei namea eria mi’ina, enei ewaea‐akana, voa miki ene umu laru ai mako eria mi’ina.
9Ene namea enei iki e’?-?eiane, U miki rokona, anana ane, paue’amiai ene namea eiai, urupu‐aiai ane namea uriria mere.
10Enei kuruane enei namea liape, enei kuruna U arauau rokona, Una Iva voa ene umu laru ai mako eria mi’ina.
Currently Selected:
1 Ioane 1: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
