2 Petero 1
1
1Simona Petero, Iesu Keriso onu aivara a’a, Iva a’a ane, ei revareva kikirina oro eiai, oro ane pirimaroakoa miki oro ekuakeia’ane euna, pirimaroakoa ane i ene Eloi, ene Iawka Iesu Keriso ane, mere enei mi’ina.
2La’aruku, airu ane, nakuakeinameki i lai pamea iki Eloi eiai, Iesu ene Amua eiai ane,
3Uku Una iaa iva akuane euna awku uriria uku rokoa eiai, iaa opara eiai ane, i ene lai pamea U eiai, U ane i Una evao’evao anana opara U laea‐alauane euna.
4I ei awku mere Una ima maura‐voa re U akuane euna, uku Eloi inu lai noro aua‐miane‐iai, noro pani va’au unu pomoa mere area‐enava’ane euna, pomoa ane i i’ima rokona.
5A uku ei awku eiai ane iviri nomo pirimaroakoa kiripai akone, opara ima awku ipawkine, opara ima kiripai lai pamea ane akone;
6Lai pamea kiripai lai ipi’ipia akone; lai ipi’ipia kiripai lai kekepa akone; lai kekepa kiripai iaa opara akone;
7Iaa opara kiripai aroa umu akone; aroa umu kiripai umu iki akone.
8Ei awku noro laru ai rokoane, lalava’ane ane, oro painakana lai pamea iki miai ene Amua Iesu Keriso eiai, noro eria pokoia a’a peo, kono a’a peo.
9Uku a’a ane u ei awku miape u inamu‐apua a’a, awku amai ai u inamu‐eiai liapea, u aikava’ane euna una eni namea mere u urupu?-?eakeia’ane euna.
10Ei uku eiai, aroa a’a e, ivirili’ine noro ipaliane‐iai Eloi laea‐nalauane euane, ienaiane euane ane; panipani ai ei awku noro liane noro leuapea kapoi.
11Uku iva veruku nakuakeiakana ene Amua, Iawka ane, Iesu Keriso onu opai eiei ikiriai.
12Ei uku eiai uku painakavai ei awku laikora‐nakiai panipani ai nai naiviriakana, noro ipa‐elauna kapoi, noro iviri pirimaroakoa a’a rokona ane.
13A nai laikorana opara anana painakavai na pokoia pani ei kape laru ai, uku ei awku noro aikanavaia;
14Uku nai ipali’ina pani arekamu ai anemakina na kape nai au‐awkavai limakina, orau ene Amua Iesu Keriso ipaikiane euna.
15Ou uku eiai panipani ai ei awku laikora‐nakiai painakavai nai ipia‐miakana.
16Ene Amua Iesu Keriso onu iva, anea ane, enei ipanakiane, ewaea vinako voa enei a‐e’e’ekanavea, Una amua‐iva anu inamu‐ione a’a enei keiaka.
17Avioia, evao’evao ane, Eloi Mai mere U mi’ina, evao’evao re mere ei voa erau voa kuruakei’inave, Na naumuki Mere eire, U eiai Nai kopaili’ina.
18Ei voa enei virinave pani muku mere anenave, enei U kiripai kei’inave’ane iaa akapu upa mere.
19Voa miki kapoi enei mi’ina laikorava a’a anu revareva ai; voa ane viriai noro imali’ina, pamea orau muru ai akurulimakina, anea’anea pani mereane, kaurei ane nomo umu laru ai la’ane.
20Pa aikavai, laikorava voa eria Iaa revareva ai laikorava a’a anu lai e mere anea’ane euna,
21Uku laikorava voa eria a’a anu lai e mere anenave, a a’a ane i Eloi ekaiviriakei’inave oro kurunave orau i Avaea Iaa oro ipekiakei’inave.
Currently Selected:
2 Petero 1: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
