1 Petero 5
5
1Mai‐oro noro awkono avao ai nai nanuku‐ekana, nai ane omo kaupu unu a’a, Keriso onu kukunu unu ione a’a nai keia’ane euna, evao’evao maura pani ipawkiakeiakana nai aua‐miakana ane:
2Eloi inu kaupu a’a noro awkono avao ai noro eivirine. Lai lari peo, Eloi inu lai evere’eai, noro lai iviri eivirine, uku moni kavani peo, a uku kopai eiai;
3Amua‐awkava a’a orau apea Ekalesia a’a kaupu eiai, ipanakine nomo opara aipo keina Ekalesia a’a ipi‐emiai.
4Mamoe oiviria Amua ereane evao’evao onu opai kaukoua noro miakana.
5Noro awku kokoro a’a e, nomo mai‐oro noro kamaia‐ekavai limakina; Lia, noro uriria kamaia‐nakavai limakina, lai kekepa ane miai limakina: uku lai kauakaua a’a Eloi mani‐awkana, lai kekepa a’a U la’aruku awkuna.
6Ou uku eiai vapari‐na?-?kine Eloi inu eve iva arau ai, uku pani miki U are’‐naiane?-?iai.
7Nomo kukupuna iki U upa mere aine, uku U nai?-?virina.
8I’ima kavakava pirine, rokoa pokoine ane. Nomo mani vaki, Diabolo, lioni orau iara enamakina, a’a avai u voromakina ane.
9Nomo pirimaroakoa ai iviri rokona noro laoine; ipalimakina kukunu noro mimakina nomo aroa a’a awku mimakina pani va’au unu eiei e e ai.
10Eloi ane, U ane la’aruku uriria ekuna, U ane Una opai evao’evao aua‐miai U laea‐nalauane euna, i Keriso mere, noro pani mau’u kukunu rokoaka‐miane, U verukua anana‐naia?-?kana, iviri, venea ane, U naiakana.
11Iva uriria mi’inamoki opai keiakana eiai. Amene.
12I Silaki ene miki‐rokoa aroa a’a ei uma revareva nai okaivirina uku iviri‐naiai, uku ioneliai ane voa nai nakiane euna Eloi inu la’aruku miki keina. Ei voa ai iviri‐oine.
13Ekalesia Babulonia ai, noro orau i Eloi ie’eiakei’inave, oro kepoia voa ekaivirina, Mareko na mere orau li’ina ane.
14Keponaine, i umu epo‐nami’ine ane. Noro uriria Keriso ai rokona noro airu mi’ine. Amene.
Currently Selected:
1 Petero 5: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
