2 Korinito 12
12
1Voa meramera kuruai nai i’inuakeina. Paioka opara peo nai eiai. A nai kuruma uku avaea awku eiai, erea voa awku eiai, i Amua ikuakei’inave.
2Keriso onu a’a monou nai ipali’ina, u ane u eni pani aumeia 14 ekeakei’inave pani muku epe’epe ai. Kape laru ai u rokoanave naea, kape iki ai u rokoanave naea, nai ipapea, Eloi ipau.
3Nai ipali’ina ei a’a, kape laru ai naea, kape iki ai naea, nai ipapea, Eloi ipau,
4U ekeakei’inave Paradiso ai, u voa virinave ane a’a kapeo evere’eakeina kairinani‐kuruai.
5Uku kurua a’a eiai meramera voa nai kuruma: uku na nane eiai meramera voa nai kuruapea, a uku na eapa eiai meramera voa nai kuruma.
6Voa meramera kuruai nai umuliane, avu’avu a’a nai keiapea; uku voa miki nai kuruakana: uku a’a lai?-?koranavaia nai a’a e rokona, i na opara, i na voa ane, a’a e u inamu‐oina, virina ane.
7Uku erea voa anu evao’evao‐mai nai lai kauakaua mi’inavaia, Satani inu avaea okaiviriakei’inave kukunu ikuai, nai lai kauakaua li’inavaia.
8Uku ei kukunu iou‐miai pani rere kaiane nai Amua nawki‐awkava’ane euna.
9U erau voa kuruane euna, Na la’aruku evereverena ni eiai, uku Na iva anana‐eakeina eapa laru ai. Ou uku eiai meramera voa nai kopai kuruma uku na eapa eiai, uku Keriso onu iva ru‐ikiane‐iai.
10Ou uku eiai nai kopai?-?li’ina eapa eiai, anara voa eiai, oea eiai, mani eiai, kukupuna ane Keriso eiai: uku pani ai nai eapa keia’ane, kurua pani ai nai venea keina.
11Avu’avu opara ei voa uriria kikiriai, a noro i’inu?-?ane euna: opara miki noro avi’i’iaka livilia; uku ei uru ovara Iva a’a arau ai nai rurupu keiape, a nai verukua eria keina.
12Iva a’a miki inu veia noro awkono avao ai kevere?-?kevere liakei’inave, iva veia, momo’ore awku, iva iaki ane.
13Oi rurupu ana noro miaka ekalesia e miakape? Eire naea, noro kavani eria ikuaka na iaki eiai. Noro paue’i’mi’ine ei namea eiai.
14Akoi’i, nai evere’i’iakeina ei rere kaiane pani noro ai aki‐aneai; nai kuku?-?puna‐naka’apea i’iviriai. Nai umu‐nalauna, nomo moni peo. Ukua mere enu opara peo moni oiviriai a’e mai ane eiai; a’e mai ane orau liai limakina omo ukua mere eiai.
15A uku noro eiai awku uriria nai mi’ina nai kaiakana kapoi nomo iawka eiai. Nai umu‐mai orau umu‐naka’ane, opara anana ana umu‐mau’u noro umu‐ikana?
16Orau aine. Nai kuku?-?puna‐a‐nakanavea. A a’a kuruna, Uku nai ewaea a’a kei’inave ekeni laru ai nai nara’anave!
17Noro mere kavani nai ama‐mi’e i iva a’a noro ai nai ekaivirinave?
18Tito noro ai enavai nai nawki‐awkanave, u kiripai aroa a’a nai okaivirinave. Noro mere kavani Tito ama‐mi’e? Avaea monou aravapeana? are awkoro kapea monou enere are rokoape?-?ana?
19Noro laikoramakina uku pai‐akavai enei erau voa kurumakina. Ai, Eloi inu paku ai orau Keriso kiripai enei kuruna; naumuki a’a e, ei voa uriria uku noro opara ima la’ava’ane‐iai.
20Uku nai koreli’ina nai noro ai anea’ane nai auinaia?-?pea naea orau nai umuli’ina; noro awku aui’iakana orau noro umu‐a‐li’inakea; noro awkono avao ai naea, voaki, namani, iara, voa e kevakeva, nouia voa, voa namaro‐namaro, rawre voa ane nai auiakana.
21Nai noro ai moawku anea’ane Eloi inu paku ai nai makiri‐ikavakeiakana naea noro awkono avao ai, nai lai kukunu miakana naea a’a aila eiai uku omo eni namea oro eai li’ina, oro lai urukiape upu opara, eve’eve opara, i’ima opara, eiai oro liane euna.
Currently Selected:
2 Korinito 12: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
