2 Korinito 11
11
1Noro lai kekepa keia’ane‐iai na meramera voa mau’u eiai nai umuli’ina. Noro umu‐ikane.
2Uku i iaa namani nai namani‐keina noro eiai: uku nai evere‐naiaka‐rokoane euna Keriso eiai, paka a’e orau una vaki monou awkuakeina.
3Orau paiko i una ewaea Eva ewaea‐awkanave, nai kore li’ina nomo lai awku Keriso mere kekeai ewaea?-?ekavakeia’ane‐iai.
4Kikoro a’a naea noro awkono avao ai Iesu e omoro kurumakeia’ane, kurua Iesu enei omoro kuruape; Avaea e naea noro umu‐aimakeia’?-?ane, kurua Avaea peo enei upurukinave; Iva voa e naea noro virimakeia’ane noro eni pani a‐virinavea. Noro lai kekepa liai limakina na voa viriai.
5Uku nai laikorana iva a’a anu amua kaupu kiripai nai ipi’ipia keina.
6Nai omoro mera a’a peane, a na lai evera mau’u keiapea; na omoro voa ipanakiane euna.
7Opara namea ana nai rurupu‐ikanave uku noro arenaiakeia’ane‐iai, uku kavani eria eiai Eloi inu Iva voa nai omoro kurunaiane euna?
8Ekalesia e mere nai avapu‐ekanave nai paina?-?ka’ane‐iai.
9Noro kiripai nai pokoinave ane, na moni periakei’inave ane, paioka eria nai miaka nomo a’a mere: aroa a’a Makedonia mere anenave ane oro emoki pai’ikanave; nai i’ivirinave noro kukupuna mi’inavaia nai eiai, orau nai liakana.
10Orau Keriso onu voa miki nai laru ai keina a’a kapeo na meramera voa eiakana Akaia eiei ai.
11Uku oiana? Uku nai umu‐naka’apeana? Eloi ipali’inake nai umu‐nakana.
12Nai iaki liakana orau nai liane euna nai omo iaki oava’ane‐iai, oro ane oro umuli’ina a’a laikoravai oro enei kiripai ipi’ipia keina; ou uku eiai oro meramera voa kuruna.
13Ei kaupu unu a’a oro ewaea iva a’a, arauau iaki a’a, oro auoimakina oro Keriso onu Iva a’a keina.
14Pa varuavai, uku Satani pamea anu avaea ae’?-?epuakeina.
15Varuava opara peo una aivara ae’eiakeia’ane opara anana anu omoro a’a mikiriai. A omo ika pani inu kavani omo iaki mikiriakana.
16Nai uaro‐awkana, A’a pa laikoravai nai avu’avu a’a keina; noro orau laikoravai limakeia’ane, noro lai kekepa li’ine nai meramera voa mau’u kuruane‐iai.
17A ei voa nai eai kurumakina Amua mere aneape, nai avu’avu a’a orau meramera voa kuruna.
18Uku a’a aila omo lai e eiai meramera voa kuruna, nai awku meramera voa kuruma.
19Noro lai evera a’a keina, noro lai kekepa li’ina kapoi avu’avu a’a eiai.
20A’a na‐piriane una aivara eiai, nomo pei nava’ane kavani peo, nomo aru iou‐miane, una nane u are’eane, nomo paku variri ai u vaki‐namiane, noro lai kekepa keina.
21Nai anara‐makiri voa kuruna, enei eapa liaka livilia. A a’a e iviri‐keia’ane (nai avu’avu voa kuruna) nai awku iviri keina.
22Oro Heberu a’a ana? Nai awku Heberu a’a keina. Oro Isaraela a’a ana? Nai awku Isaraela a’a keina. Oro Aberahamo onu kiri a’a ana? Nai awku Aberahamo onu kiri a’a keina.
23Oro Keriso onu aivara a’a ana? (avu’avu a’a orau nai kuruna) Nai Una aivara kapoi; na iaki inu mo’onu U eiai omo iaki pauena, U eiai kipura marea laru ai nai pani aila pokoiane euna, oro pani ailapea, nai vaki’?-?imiakeia’ane euna pani aila, oro pani ailapea, pani aila ane nai imua arekamu keia’ane euna.
24I Isaraela a’a pani 5 nai vaki‐imiakeia’ane euna, vaki vaki mo 39 nai mi’inave.
25I Roma anu iri iei nai pani rere kaiane vaki‐imiakeia’ane euna, pani monou nai rawre ipakiakeia’ane euna, pani rere kaiane nai mapea mere amua‐ikavakeia’?-?ane euna, pani monou ere aura ai kipere iki, lare iki ane, nai rokoakei’inave;
26I aki aila, i e’ei ane aiara kemakei’inave, i e’ei lorio a’a mere, i e’ei na pani va’au unu a’a mere, i e’ei lai unuku a’a mere, i e’ei pai’iri ovara ai, i e’ei kekepere ai, i e’ei ere aura ai, i e’ei ione a’a mere enei awkono avao ai, nai kamaia?-?awka’ane euna;
27I kape mu’u, kape kukunu ane, kipere aila nai awaw eria miaka, i pei navai‐navailia, kamuri lavere ane, pei oea pani aila ane, kape kou’upua kei’inave, a’a kape miki eria miaka ane.
28Awku mo nai pauena a ei awku lare kavakava i’inuna, ekalesia uriria eiviriai.
29Koana eapa keina, nai awku eapa peana? Koana oravakeina namea liai nai iara peana?
30Nai meramera voa kuruai limakina, nai meramera voa kuruma uku na eapa awku eiai.
31Ene Amua Iesu Keriso onu Eloi, Mai ane, U kopai‐awkavakeina opai keiakana, U ipali’inake arauau voa nai a‐kurunakea.
32Damaseko ai amua Areta anu marevaki aiai kiripai pai’iri iki oivirinave u ipiriane‐iai.
33Vara marea anu vapai mere, kekai laru ai, nai kinuiakei’inave, orau nai area‐enanave.
Currently Selected:
2 Korinito 11: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
