1 Petero 4
4
1Uku Keriso Una kape ai kukunu rokoaka‐miane euna, noro awku orau liai noro iviri‐naiai limakina, uku u ane kape ai kukunu rokoaka‐miane euna, uku namea eiai u oailiane euna,
2Uku nomo rokoa pani i Eloi inu lai noro amua?-?nakavakeia’ane‐iai nomo kape ai, i a’a anu kape i’ima peo.
3Uku pani noro awkuane euna va’au keina opara limakina, opara ane lai unuku a’a li’ina, eve’eve opara, i’ima opara ane, awpa‐ailo opara ane, imunu avioia opara ane, noro lioko‐lioko.
4Uku noro oro kiripai eai ei namea opara a‐li’inakea oro varua’ana, voa lipi kuruna ane noro eiai.
5Oro kavani voa awkuai limakina Una paku ai, U ane U aioiaka‐oina rokoa a’a, imua a’a ane, voa veve’eiai.
6Ei uku eiai Iva voa omoro kuruakei’inave a’a varomo eiai oro ane oro imuakei’inave, uku oro voa veve’eiakeia’ane‐iai, orau a’a uriria kape ai voa veve’eiakeiakana, oro avaea ai iaa opara rokoane‐iai.
7A awku uriria anu peria pani arekamu ai keina: ou uku eiai lai kekepa, lai ipi’ipia ane, emi’ine, noro nawki?-?awkava’ane‐iai.
8Awku uriria paku ai noro umu‐nakane, uku umu namea aila paueina.
9Painakane peipei eiai, manipu pa liai.
10La’aruku ane a’a emiane euna a’a monou monou eiai una la’aruku u aua‐miai limakina, Eloi inu la’aruku aila anu kava a’a orau.
11A’a omoro kuruane, u omoro kuruai limakina a’a orau Eloi inu voa miki kuruna; a’a paiokava’ane, u paiokavai limakina a’a orau u iva mi’ina Eloi mere; uku awku kavakava Eloi avioiane‐iai i Iesu Keriso onu nawi mere, U ane avioia, amua‐awkava ane, U mi’ina opai keiakana eiai. Amene.
12Naumuki a’a e, pa varuavai uku noro awkono avao ai mani inu vero‐ava iau anai rokoamakina uku ipia‐namiai, pa laikoravai kairi opara noro ai anea’ane euna.
13Kopaili’ine uku noro Keriso onu kukunu aua‐mi’ina, uku noro kopai‐mai kopailiane‐iai Una evao’evao onu ipawkia pani ai.
14Noro lari‐nakavakeia’?-?ane uku Keriso onu nawi noro mi’ina, noro kopai mi’ina: uku evao’evao onu Avaea, Eloi inu Avaea, noro upa mere keimakina.
15Avé a’a orau naea, avapu a’a orau naea, namea?-?lia a’a orau naea, are varivu a’a orau naea, nomo a’a kapeo kukunu rokoaka‐miai limakina.
16A’a kukunu rokoaka‐miane uku u Ekalesia a’a rokona, u makiri pa miai, uku u evere’eakeina Keriso onu nawi miai u Eloi avioinamoki.
17Uku pani anea’ane euna voa vevea pinai‐liai, Eloi inu marea ai pinai‐liai ane enei pinai voa veve’?-?aiakeia’ane, oro oiamalimau, oro ane Eloi inu Iva voa oro larili’ina?
18Awku kane keia’ane opara anana a’a iawkavai, iaa eria a’a, namealia a’a ane, oro oiamalimau?
19Ou uku eiai oro ane uku Eloi inu lai oro kukunu rokoaka‐mimakina, omo imunu oro Eloi awkunameki opara ima eiai, U ane U Ea‐Uku miki‐rokona.
Currently Selected:
1 Petero 4: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
