1 Petero 3
3
1Orau a’ero e, nomo vakiro noro kamaia‐ekane, oro varomo Iva voa pirimaroakoape pirimaroakoane, i Iva voa peo, a i omo a’ero onu lare kavakava opara oro awkoni‐ekavakeia’ane‐iai;
2Oro inamu‐ekimakeia’?-?ane oro inamu‐oina nomo opara avioia, mua eria, evopoakeina.
3Nomo vaupalia opara uku kape e noro pa evere’eai, kimari inu koaka, eiri ane, moni aru ane, a’a kape e e luki‐emimakina.
4A nane nawawrea laru ai, iva’iva, airu avaea anu opai vaupa noro miai limakina, vaupa ane u ima miki rokona Eloi inu paku ai.
5Uku eni pani ai iaa a’ero awku ei opara miaka, oro ane oro Eloi pirimaroakoanave, orau oro vaupa‐eka?-?nave, omo vakiro ane oro kamaia‐ekanave.
6Orau Sara Aberahamo kamaia‐awkanave, amua oroinave ane. Opara anana noro liane, kore eria miane ane, Sara anu ukua‐paka noro evere’eane euna.
7Vakiro e, nomo a’ero kiripai rokone, pa aikavai ane omo kape venea nomo kape venea ipi’ipiapea. A uku noro oro kiripai rokoa anu la’aruku unu airavaki rokona, noro avi’eine, uku nomo nawki einavaia.
8Ika voa eire, noro uriria lai monou mi’ine, umu‐naka?-?makina, aroa a’a orau umu‐nakana, lai umu mi’ine, lai vaparia li’ine ane,
9Namea kavani pa awkuai namea opara eiai, anakaia voa pa kuruai anakaia voa eiai; kopai kavani awkune, uku i Eloi noro laea?-?nakauakeia’ane euna kopai omoro‐roikiai.
10Uku u ane rokoa mere kopai miai u umuli’ina, Kopai lare awku inamu‐eiai, Una anai u pirinamoki u namea voa kurunavaia, Una ane‐epo ane orere arauau voa kurunavaia;
11Namea mere u urukina?-?moki, opara ima li’inamoki ane; airu eiai u voa veve’enamoki, voronamoki ane.
12Uku Amua anu inamu orere opara ananalia a’a inamu‐ekina, una keporo orere auakeina omo nawki viriai; A Amua anu paku maroa keina namealia a’a eiai.
13Noro iviri keia’ane opara ima liai, lipi koama?-?nalimau?
14Opara anana eiai noro kukunu rokoaka‐miane, noro kopai rokona. Uku omo iara voa eiai noro kore pa miai, kukupuna pa liai.
15Nomo umu laru ai Keriso, Amua orau, avioine, panipani ai kavani voa mi’ine a’a kavakava eiai, u ane u voa vevenaina uku kurua araea’araea noro oivirina.
16Voa e kevakeva lai kekepa, keverekevere ane, kurune, nomo nane mua mere eivirine, noro onai‐na?-?kiakeia’ane, oro ane nomo Ekalesia opara ima oro onai?-?ekina, oro makiri‐ekavakeia?-?ane‐iai.
17Eloi evere’eane noro kukunu rokoaka‐miai uku opara ima noro limakina, kukunu awku ima keina, noro kukunu rokoaka‐miane opara lipi eiai, kurua kukunu makiri mi’ina.
18Uku Keriso awku pani monou imunave namea eiai, U ane U namea eria miaka namea a’a eiai U imunave, U are‐akava’ane‐iai Eloi ai. U i a’a avakei’inave, i Avaea U rokoa‐eakei’inave,
19U avaea elenave, avaea oro epiriakei’inave kipura marea ai, Una Iva voa U omoro kuruenave ane;
20Oro ane eni pani ai oro lariliaka pani ane Eloi keverekevere aioiaka‐pokoimakei’inave anea’anea Noa mapea la‐okavaka’ane, mapea ane laru ai a’a 8 i’ekava?-?kei’inave pani va’au i ere aru oavakei’inave’ane.
21Eni ere aru unu aipo mikirimakina bapatiso ere eai inakana (kape erekia opara peo uku kape enu upu namokiai, a lai ima anu umu Eloi eiai,) i Iesu Keriso onu la’ava imua mere:
22U ane pani muku ai U inava’ane euna, Eloi inu eve miki mekai U pa’ana ane; aivara‐avaea, pani muku unu iva ane, kamaia‐awkavai oro eiakeina.
Currently Selected:
1 Petero 3: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
