1 Petero 2
2
1Ou uku eiai namani uriria, ewaea uriria ane, arauau uriria ane, voa lipi uriria ane, noro au‐ekane.
2Upi nawawrea orau voa anu ame miki noro umuli’ine, uku noro la’ava’ane‐iai:
3Amua anu umu veruku noro ipiane euane.
4U ai anene, opai rokoa rawre, U ane i a’a U lari‐awkavakei’inave, a i Eloi U ie’eakei’inave, avioiakei’inave ane.
5Noro awku rokoa rawre orau avaea marea la‐naka?-?vakeimakina, iaa omoro a’a kaupu evere’eai, avaea epie‐pei Eloi awkuai, i Iesu Keriso mere.
6Uku Iaa revareva ai ei voa kikiriakeina, Akoi’i, Siona ai lauamea kovaivivi rawre Nai aimakina, U ie’eakeina, avioiakeina ane, A’a ane u pirimaroakona u makiri ipapea.
7Noro ane noro pirimaroakona noro eiai U avioiakeina: a oro ane oro inakalia a’a keina, rawre ane la‐okava a’a lari‐awkanave U lauamea anu kovaivivi rawre evere’eane euna,
8Are enu auawia rawre, aua’ava rawre ane, oro ei rawre ai aua’a’ana uku Eloi inu Iva voa oro larili’ina, ei kavani eiai oro evere’eiakei’inave.
9A noro ie’ea kaki a’a rokona, amua omoro kaupu a’a, iaa kaki a’a, Eloi inu naumuki a’a, uku Una uru noro upurukiane‐iai, U ane muru mere elemaneai U laea‐nalauane euna Una pamea re ikiriai.
10Eni pani ai noro a’a kaki apea, a eai Eloi inu a’a aruru noro rokona. Eni pani ai noro umu auiakape, a eai noro umu mi’ina.
11Naumuki a’a e, kikoro a’a, aki a’a ane, orau nai nanuku‐nakana, oia i’ima lari‐ekane, oro ane imunu apakina’ana.
12Lai unuku a’a awkono avao ai noro opara anana li’ine, nomo opara anana oro inamu‐oiane‐iai, kavani inu lare ai oro Eloi avioiane‐iai, oro ane oro eai kuruna noro opara lipilia a’a keina.
13Vupu kavakava i a’a awkuakeina noro kamaiali’ine Amua eiai, amua‐mai inu vupu naea,
14Eiei kavana anu vupu naea, u ane i amua‐mai u okaiviriakeina namealia a’a kavani ekuai, opara ananalia a’a ane kopai‐ekavai.
15Noro opara ananaliai Eloi umuli’ina, avu’avu a’a anu pauapaua voa noro eie?-?kava’ane‐iai.
16Ururua a’a orau rokone, nomo ururua uku orau pa miai opara lipi liai, Eloi inu aivara a’a orau rokone.
17A’a kavakava avioine. Aroa kaupu a’a umu‐ekane. Eloi avioine, amua‐mai ane avioine.
18Marea aivara e, nomo amua a’a kamaia‐ekane, avioia‐mai ane noro ipekine; oro umu amua a’a keia’ane, oro umu eria amua a’a keia’ane.
19Uku Eloi eiai a’a lai iva’iva kukunu rokoaka‐miane, u namea liape liane ane, Eloi kopaili’ina ei a’a anu opara eiai.
20Noro namea liane, noro vaki‐namiakeia’ane ane nomo namea eiai, oi ima ana noro namea anu kavani lai iva’iva rokoaka‐miane? A noro opara anana liane noro lai iva’iva kukunu rokoaka‐miane ane, ei opara ima keina Eloi inu paku ai.
21Ei awku eiai noro laea‐nalauakei’inave; uku Keriso kukunu rokoaka‐mi’inave noro eiai, aipo ave’aimakei’?-?inave Una are awkoro ai enei e’e’okava’ane‐iai.
22U namea‐a‐li’inavea, ewaea voa Una ane epo mere a’a a‐virinavea.
23U voa anakaia‐awkia?-?kei’inave’ane U anakaia kavani voa a‐kurunavea: U kukunu mi’inave’ane, iara voa U a‐kurunavea, Una mani a’a anana voa vevea Amua anu eve ai U ave’einave.
24Ene namea anu mu’u Una kape ai U verukua iri keoa ai vakarunave, i‐rokoa?-?ka‐mi’inave ane, enei opara anana rokoane‐iai, uku enei imuane euna ene namea eiai. I Una awkoro nomo awkoro aukari‐ekavakeia’ane euna.
25Uku ikou mamoe orau noro pawru‐enamakei’inave, a eai noro vairuane euna nomo imunu unu Oiviria Amua ai.
Currently Selected:
1 Petero 2: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
