1 Korinito 9
9
1Nai ururuakeia a’a peana? Nai Iva a’a peana? Iesu Keriso ene Amua nai inamu‐oiapeana? Amua laru ai noro na iaki inu a’a peana?
2A’a e eiai nai Iva a’a keiape keia’ane, a noro eiai nai Iva a’a kapoi: noro ekalesia kaupu rokona aipo ipawkina nai Iva a’a keina.
3Orau nai pai’ikana a’a voa veve’i’iane.
4Opara anana peana enei pei ekalesia a’a mere miai?
5Opara anana peana enei ekalesia aro a’e aki‐oravai, orau Iva a’a e li’ina, Amua anu ovaki oro orau, Kepa ane, liaka?
6Enere Banaba ane, enere e ana iva miapeana eve‐lia iaki aukiai?
7Aiai koana una pei inaeali’ina apakinavai u enava’ane? A’a koana aura kinina aurapei u a‐na’anakea ane? A’a koana mamoe kaupu pei ekuna mamoe enu ame u a‐na’anakea?
8A’a anu aipo voa nai kurumakei’i? Vupu awku orau kuruapeana?
9Mose enu Vupu laru ai ei voa kikiriakeina, Bove kawni inu uru are‐oinima?-?keia’ane una ane pa piriai. Uku bove e Eloi ama‐laikora’i?
10Enei eiai awku U erau voa kurumakei’i? Lia, enei eiai kapoi ei voa kikiriakeina: uku a’a ane u ka’e korava’ane, u ka’e korana u araea’araea liane‐iai; u kawni uru awane u awana u araea’araea liane‐iai; kawni uru aua‐miai.
11Avaea uru noro laru ai enei voeane euane, opara namea ana noro mere pani va’au unu aru enei roikiai?
12Ipawkia a’a e nomo aru aua‐mia a’a keia’ane, opara anana peana enei awku aua‐miane? A enei orau liape, awku uriria enei lai kekepa mi’ina Keriso onu Iva voa iaki enei einavaia.
13Noro ipapeana a’a oro ane oro omoro marea anu iaa iaki li’ina, omo pei omoro marea mere oro mi’ina? Oro ane oro iaa pakara ai kamaia iaa pakara epie pei oro aua‐mi’ina?
14Orau Amua Iva voa omoro a’a ekinave omo pei Iva voa mere miai.
15A nai orau liape, ei voa nai a‐kikirinakea uku nai orau liane‐iai. Imuai nai kopai liakana na meramera voa a’a kape‐li’inavaia.
16Iva voa nai omoro kurumakeia’ane, nai uku eria mi’ina meramera voa kuruai: Iva voa omoro kuruai nai i’inuakeina; nai mua a’a keina Iva voa nai omoro kuruape liane.
17Ei iaki nai verukua liane na kavani nai mi’ina: nai verukua omoro kuruape liane; oaio, oiviria iaki ikuakeia’ane euna.
18Na kavani oiana? Na kavani eire, Iva voa omoro kuruai, kavani eria miai ane, uku a’a kurunavaia nai Iva voa omoro kuruna kavani eiai.
19Nai a’a uriria anu iva mere ururuiakeina, a’a uriria anu aivara nai evere’eane euna, a’a aila pirimaroakoai nai pai‐ekava’ane‐iai.
20Isaraela a’a orau nai evere’eane euna Isaraela a’a eiai, Isaraela a’a nai pai?-?ekava’ane‐iai; Vupu kamaia a’a orau nai evere’eane euna Vupu unu kamaia a’a pirimaroakoai nai pai‐ekava’ane‐iai;
21Vupu eria a’a orau nai evere’enave Vupu eria a’a nai pai‐ekava’ane‐iai, (a nai Vupu eria a’a keiapea Eloi eiai, uku Keriso onu Vupu kamaia a’a nai rokona,)
22Eapa a’a orau nai evere’eane euna eapa a’a pai‐ekavai. Nai awku uriria evere’eane euna a’a uriria eiai, i awku uriria naea a’a varomo nai iekava’ane‐iai.
23Awku kavakava nai li’ina Iva voa eiai, uku na viria a’a kiripai nai Iva voa aua‐miane‐iai.
24Noro ipapeana a’a ane oro a’epeaka’ana oro uriria a’epeaka’ana, a a’a monou e kavani mi’ina? Orau a’epe?-?akane noro kavani miane‐iai.
25A’epeaka a’a kavakava una kape oivirina uku peipei eiai. Oro orau li’ina pomoa kavani miane‐iai; a enei a’epeaka’ana opai kavani eiai.
26Nai orau a’epeaka’ana nai lai iakari peo uku na kapea eiai. Orau awku nai apakina’ana, pani nai a‐vaki?-?nakea.
27Na kape nai vaki’?-?awmi’ina, kamaia‐awkana ane: nai a’a e omoro kurueane, nai keke’e a’a evere’enavaia.
Currently Selected:
1 Korinito 9: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
