1 Korinito 8
8
1Uku epie pei imunu ekuakeia’ane euna. Enei ipali’ina enei uriria lai evera mi’ina ei opara eiai. A lai‐evera e’ei mi’ina a’a lai kauakaua‐ekavai; a umu la’?-?akana.
2A’a laikora’ane lai‐evera miki u mi’ina, u lai‐evera eria mi’ina orau u miai limakina.
3A’a Eloi umu‐awkava’ane, kurua a’a i Eloi ipaliakeina.
4A uku na’amakina epie pei imunu ekuakeina, enei ipali’ina kapoi imunu kape keina pani va’au ai, Monou e Eloi uarokona, eloi e peo.
5Oro eloi eroiakeina oro rokoane, pani muku ai naea, pani va’au ai naea, (eloi aila, amua aila ane, rokona)
6A enei Eloi monou e mi’ina, U Mai uarokona, U awku uriria anu aw keina, U eiai enei rokona, Amua monou e ane, Iesu Keriso, i U mere enei, awku uriria ane, rokona.
7A nomo a’a kavakava ei voa anu miki ipapea: a’a varomo eai imunu epie pei na’ana orau eni pani ai oro na’anave, uku omo opara orau keina imunu eiai, oro lai eapa a’a keina, omo lai upu‐ekavakeina ane.
8Pei Eloi ai aravaka?-?aneapea: enei pei lariliane a’a e awkono avao ai enei rurupu‐akavakeiapea; enei pei na’ane a’a e upai enei areaiakeiapea.
9A oivirine nomo lai‐evera ei opara eiai auawia evere’enavaia eapa a’a eiai.
10Ei uku eiai, a’a inamu?-?niane, ni lai‐evera a’a, imunu unu ravi laru ai epie pei na’amakina, u lai eapa a’a una lai iviri‐eakeiapeana imunu epie pei navai?
11Ni lai‐evera eapa pirimaroakoa a’a oa’ana, ni aroa a’a, u ane u eiai Keriso imunave.
12Noro aroa a’a orau namea‐liai pai‐eka’ane omo lai eapa noro awkoro‐ekana, Keriso awku noro awkoro?-?awkana.
13Uku pei eiai na aroa a’a namea‐liane, oia pei nai moawku na’apea na rokoa pani ai, na aroa a’a aua’a’anavaia.
Currently Selected:
1 Korinito 8: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
