1 Korinito 10
10
1Ovaki airavaki e, ene mai oro uriria awporo emu?-?ruakei’inave noro laikora‐nakiai nai umuli’ina, Aro Ere Aura oro uriria ima ke’enave ane;
2Uku Mose e’e’okavai oro uriria bapatiso‐ekavakei’inave awporo laru ai, ere aura laru ai ane;
3Avaea pei monou oro uriria navaka;
4Avaea ere monou oro uriria navaka: kurua avaea rawre mere oro kiripai enanave oro na’anave; kurua Rawre Keriso uarokoanave.
5Uku omo a’a aila eiai Eloi kopai‐a‐awkavakei’?-?inavea: uku kekepere ai oro e‐avakei’inave.
6Ei awku e’ei aipo evere’eiakei’inave enei eiai, uku ipakiai enei lipi awku i’ima pa liai orau oro i’ima‐li’inave.
7Noro imunu pa avieiai orau omo a’a varomo avi?-?einave: uku ei voa kikiriakeina, Pei, ere ane, navai a’a aruru papa’anave, ekeliai oro lala’anave ane.
8Enei eiri eve’eve pa liai orau omo a’a varomo eiri eve’eve li’inave, lare monou omo a’a 20,000 imua ara’anave ane.
9Enei Keriso pa ailiai orau omo a’a varomo ailinave, i paiko oro e‐avakei’inave ane.
10Voa momou noro pa kuruai orau omo a’a varomo voa momou kurunave, i oava avaea oro e‐avakei’inave ane.
11Ei awku uriria evere’eimakei’inave aipo miki oro eiai: ei voa kikiriakeina ene paioka eiai, enei pani va’au unu ika pani a’a eiai.
12Kurua a’a u laikorana u oimakina u oivirinamoki u aranavaia.
13Orau noro ailinaiakeia’?-?ane euna a’a kavakava ailiakeina: Eloi miki rokona, ailia pani ai U avenaiapea; ailia anea’ane, kapea ane ailia mere U auakana, noro ailia awkoni‐awkavai liakana.
14Ou uku eiai, na naumuki aroa a’a e, imunu avioia opara mere noro area‐enara.
15Lai‐evera a’a eiai orau nai kuruna; na voa noro voa veve’ene.
16Kopai inu koiri enei kopai‐awkana, ei opara anu miki peana Keriso onu aro enei kiripai aua‐mi’ina? Pu ane enei vepena, ei opara anu miki peana Keriso onu kape enei kiripai aua‐mi’ina?
17Uku enei a’a aila rokoamakina, enei pu monou, kape monou rokona: uku enei uriria kurua pu monou aua‐mi’ina.
18Isaraela a’a inamu‐eine, omo kaki opara, omo Vupu omoro opara ane, a’a imunu epie pei na’ana oro iaa pakara epie pei inu aua‐mia a’a peana?
19Nai oiama‐kuru’i? Imunu miki ana, epie pei ane imunu ekuakeina, kurua pei iaa ana? Ai!
20A nai erau voa kurunake, Epie pei lai unuku a’a imunu ekuna, kurua epie pei oro avaea‐lipi ekuna, Eloi peo; noro avaea‐lipi kiripai aua‐miai nai umu‐a‐li’inakea.
21Amua anu koiri mere, avaea‐lipi inu koiri mere ane, noro navai liapea: Amua anu pakara mere, avaea‐lipi inu pakara mere ane, noro navai liapea.
22Enei Amua namani ama‐awka’i? U eapa ana? Enei venea ana?
23Awku kavakava evere’eakeina, a awku kavakava pai‐okavakeiapea: awku kavakava evere’eakeina, a awku kavakava a’a e pai?-?eka’apea.
24A’a awku pa evoroai panipani ai una nane e eiai, a’a e pai‐okavai u ipia‐mi’inamoki.
25Kurua pei kikoa ai inaea‐liakeina, noro na’ane, voa pa veve’eai nomo lai eiai:
26Uku pani va’au Amua anu, peipei uriria ane pani va’au ai rokona.
27Lai unuku a’a purai navai nawki‐nakava’ane, enavai purai navai noro umu?-?liane; pei kavakava nomo paku ai aiakeina noro na’ane, voa pa veve’eai nomo lai eiai.
28A’a erau voa kurunaiane, Ei pei imunu unu epie pei awkuakeia’ane euna, kurua a’a eiai, lai awku eiai, kurua pei pa navai:
29Uku ni lai apea, a uku kurua a’a anu lai nai kuruna: noro erau voa kuruna naea, Uku oiana na opara evere’eakeina i a’a e enu lai?
30Nai Eloi kopai‐awkava’ane pei eiai, uku oiana nai voakiakeina nai kurua pei nava’ane Eloi kopai‐awkava’ane euna?
31Pei naea, ere naea, noro nava’ane, iaki noro liane, uriria li’ine Eloi inu avioia eiai.
32Isaraela a’a eiai, lai unuku a’a eiai ane, Eloi inu ekalesia a’a eiai ane, noro auawia pa aiai:
33Orau uku awku kavakava uku a’a uriria kopai‐ekavai nai ipia‐mi’ina, na awku nai a‐evoronakea, a a’a aila pai‐ekavai nai ipia‐mi’ina uku oro iekavakeia’ane‐iai.
Currently Selected:
1 Korinito 10: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
