1 Korinito 7
7
1Uku kurua voa eiai nomo revareva laru ai nai eai kikirimakina. Nai laikorana opara ima a’a lariliai a’e miai.
2A uku eve’eve opara uakeina, a’a kavakava una a’e mi’inamoki, a’e kavakava awku una vaki u mi’inamoki.
3Vaki una a’e pai‐okanamoki: a’e awku una vaki pai‐okanamoki.
4A’e una kape enu amua peo, una vaki una kape enu amua keina: vaki awku una kape enu amua peo, una a’e una kape enu amua keina.
5Noro lari pa nakavai: norere orau liane pani mau’u uku Eloi nawki‐awkavai norere lai monou mi’inamoki; Satani ailinainavaia neko mere ai norere vaki, a’e ane, rokonamoki.
6Ei voa kuruai nai evere’i’iakeina, nai ikiakeiapea.
7Nai umuli’ina a’a uriria nai orau keia’ane‐iai. A a’a kavakava una la’aruku miki Eloi mere mi’ina. A’a monou una la’aruku u mi’ina, a’a e la’aruku e mi’ina.
8Ou uku eiai nai erau voa kuruna uku vaki eria mia a’ero eiai, a’ero kepea eiai ane, Opara ima oro nai orau keia’ane.
9Oro iviri keiape liane opara anana liai, oro vaki mi’inameki; uku vaki miai opara ima keina, i’ima‐liai ima keiapea.
10Vaki‐a’e nai erau voa ekina, nai e apea, Amua ane, A’e una vaki pa ave’eai;
11Una vaki u ave’eane euane, vaki e u pa miai, ei voa naea, u, vaki ane, airu?-?einameki. Vaki awku una a’e pa laoiai.
12A uku a’a e nai erau voa kuruna, Amua apea: ekalesia a’a lai unuku a’e miane, a’e kopailiane una vaki kiripai pokoiai: vaki una a’e pa laoiai.
13Ekalesia a’e ane u lai unuku vaki miane, vaki kopailiane una a’e kiripai pokoiai, a’e una vaki pa ave’eai.
14Uku i a’e lai unuku vaki iaa‐eakeina, i vaki ane lai unuku a’e iaa‐eakeina: kurua voa miki keiape liane orere enu ukua rurupu keina, a oro Eloi inu a’a awkono avao ai mako mi’ina kapoi.
15Lai unuku vaki naea, lai unuku a’e naea, ekalesia ave’eai umuliane, u ave’?-?enamoki. Aroa a’a naea, aro a’e naea, piriakeiapea. Airu pokoiai Eloi laea‐alauane euna.
16Ni oiama‐ipali’i a’e e, ni vaki ni iawkavakana naea? Ni oiama‐ipali’i vaki e, ni a’e ni iawkavakana naea?
17Orau a’a kavakava anu awku Amua evere’eane euna, orau awku u rokoamakei’inave Eloi laea‐ulauaka’ane, orau u rokonamoki. Ei opara liai nai ekalesia a’a uriria ekina.
18A’a momoa eiakei’inave’ane u laea‐ulauakeiaka’ane, u keinamoki. A’a momoa a‐eiakei’inavea’?-?ane u laea‐ulauakeiaka’ane, u keinamoki.
19Momoa‐eia opara eria keina, momoa‐eia eria opara awku eria keina. A Eloi inu Vupu kamaia‐ekavai awku kavakava keina.
20A’a kavakava keinamoki u keia’ane‐iai orau u keiaka u laea‐ulauakeiaka’ane.
21Ni aivara a’a ana Eloi laea‐nilauaka’ane? Uku u ni aivara a’a kei’inave ni lai kukunu pa miai. Ururua anu kapea ni inamu‐oiane, ni ikirine.
22Ekalesia a’a u aivara a’a kei’inave ane u laea‐ulauakeiaka’ane, u ururua a’a rokona Amua laru ai: orau ururua a’a u laea‐ulauakeia’ane, Keriso onu aivara a’a u evere’ena.
23I kavani ovara noro uriria inaea‐nalauakeia’ane euna; a’a anu aivara noro pa evere’eai.
24Ovaki airavaki e, aroa a’a kavakava i‐pokoinamoki Eloi kiripai orau u kei’inave u laea‐ulauakei’inave’ane.
25Uku paka‐a’e eiai nai voa eria mi’ina Amua mere: a na lai nai nakuna, a’a anu lai, una lai u ane u, i Amua anu umu mere, ima keina nomo pirimaroakoa eiai.
26Na lai eire, uku eai pani inu kukupuna eiai, opara ima a’a eiai u rokonamoki orau u eai rokona.
27Ni a’e piriakeina ana? A’e mere ururuakeiai pa ipia‐miai. Ni a’e miapeana? A’e miai ni pa ipia‐miai.
28Ni a’e miane euane, ni namealiape; paka‐a’e vaki miki miane, u namealiape. A oro kukupuna miakana. Kukupuna mere inakavai nai umuli’ina.
29A ei voa nai nakina, ovaki airavaki e, Pani uma‐eakeina: ou uku eiai oro a’e mi’ina oro rokonameki a’a orau a’e miape;
30Oro awku vikirina oro rokonameki orau oro vikiriape liane; oro awku kopaili’ina oro rokonameki orau oro kopailiape liane; oro awku inaeali’ina oro rokonameki orau oro aru miape liane;
31Oro awku ei pani va’au evere’ena oro rokonameki orau oro pani va’au oavape liane: uku pani va’au unu eai opara perimakina.
32Noro pani va’au kukupuna eria miai nai umuli’ina. A’a a’e eria mi’ina, Amua anu awku u eivirina, Amua kopai‐awkavai u umuli’ina ane.
33A vaki pani va’au unu awku eivirina, una a’e u kopai‐awkava’ane‐iai.
34Vaki‐mia a’e, vaki eria a’e ane, orere lai ipi’ipiapea. Vaki eria a’e Amua anu awku eivirina, uku kape, avaea ane, u iaa‐keia’ane‐iai; a vaki‐mia a’e pani va’au unu awku eivirina, una vaki u kopai‐awkava‐ane‐iai.
35Ei voa nai kuruna nomo paioka eiai; ekeni aiai noro eiai nai umu‐a‐li’inakea, a painakavai opara miki miai, noro lai iakari eria miane‐iai, noro Amua kamaia‐awkava’ane‐iai ane.
36Mekai laikora’ane pani miki anena una paka vaki miai, u evere’enamoki una paka vaki miai; u namea liapea.
37A mekai laikora’ane una paka u oiviriakana, u awkuapea vaki miai, u iva mi’ina, u opara anana li’ina ane.
38A’a una paka awkuna vaki miai u opara anana li’ina; u ane una paka awkuapea vaki miai, u awku opara anana li’ina.
39A’e una vaki piriakeina pani iki u rokona; una vaki imuane, a’e ururuakeina ekalesia a’a miai una vaki eiai.
40A na lai u a’e kepea keia’ane u kopai keina: nai laikorana Eloi inu Avaea nai mi’ina.
Currently Selected:
1 Korinito 7: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
