1 Korinito 6
6
1Nomo a’a u ia’ia keia’ane nomo avai a’a anu namea eiai, iaa a’a anu voa vevea u inaka‐ama‐li’i, lai unuku voa vevea a’a anu paku ai amenai?
2Noro ipapeana iaa a’a pani va’au voa veve’eiakana? Noro pani va’au unu voa vevea a’a keia’ane, noro pauapaua ana namea mau’u voa veve’eai?
3Noro ipapeana aivara avaea noro voa veve’eiakana? ei rokoa pani awku enei voa veve’eiakana kapoi.
4Ei rokoa pani inu awku noro miane uku voa veve’eiai, a’a avioia eria mi’ina ekalesia laru ai noro ama‐are’ei’i voa vevenaiai?
5Nai ei voa kuruna makiri‐nakavai. Ei voa miki ana, noro awkono avao ai lai evera a’a kapeo pokoina? A’a kapeo lai evera mi’ina una aroa a’a voa veve’eai?
6Aroa a’a una aroa a’a voa veve’eai lai unuku a’a paku ai enana.
7Oaio! Noro namea keina uku noro awkono avao ai noro voa vevenaina. Noro namea‐nakavakeia’ane, uku oiana noro lai kekepa keiapea? Noro ewaea‐nakava?-?keia’ane, uku oiana noro eiekavakeiapea?
8Ai! noro namea‐li’ina, nomo aroa a’a noro ewaea‐ekana ane.
9Noro ipapeana namea a’a Eloi inu eiei omoro roikiapea? Nomo lai ewaea pa ekavai: eiri eve’eve a’a peo, inunu avioia a’a peo, eve’eve a’a peo, kape namea‐lia a’a peo,
10Avapu a’a peo, iawmia a’a peo, ere iara ailo a’a peo, anara voa a’a peo, voviri ewaea a’a peo, Eloi inu eiei omoro roikiakana.
11Orau nomo a’a varomo rokoakei’inave: a nomo upu kavakava namokiakeia’ane euna, noro iaa‐nakavakeina ane, i Amua Iesu unu nawi, i ene Eloi inu Avaea ane, noro mua mere anana‐naiakeina.
12Awku kavakava evere’eakeina nai eiai, a awku kavakava peo paioka mi’ina. A awku kavakava evere’eakeina nai eiai, a awku unu kamaia a’a nai evere’eapea.
13Peipei uriria evere’eiakeina nemo eiai, nemo awku evere’eakeina pei eiai; a pei, nemo ane, Eloi pomoa?-?eiakana. Kape eiri eve’eve opara eiai peo. Kape Amua eiai rokona, Amua awku kape eiai rokona.
14Orau Eloi i Una iva Amua imua mere la‐okanave, orau U la’akavakana.
15Noro ipapeana nomo kape Keriso onu kape‐aru keina? Keriso onu kape?-?aru nai ama‐mimau kana a’e awkuai? Ai!
16Noro ipapeana kurua vaki u kana a’e mi’ina, u, kana a’e ane, kape monou keina? Uku Eloi erau voa kuruna, Orere monou evere’eakana.
17A u ane u Amua paikiakeina Amua kiripai u avaea monou keina.
18Eve’eve opara larili’ine. Namea e a’a li’ina una kape iki ai keina; a kurua a’a u eve’eve li’ina una kape u namea‐awkana.
19Noro ipapeana nomo kape Avaea Iaa anu iaa marea keina, U ane U noro laru ai rokona, kurua Avaea Eloi mere noro mi’ina?
20Nomo kape enu amua noro peo: i kavani noro inaea‐nakavakeia’ane euna; ou uku eiai nomo kape laru ai, avaea laru ai ane, noro Eloi avioine, uku orere Eloi inu keina.
Currently Selected:
1 Korinito 6: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
