1 Korinito 5
5
1Uru upurukiakeina kapoi noro awkono avao ai eve’eve opara rokoamakina, eiri eve’eve opara lai unuku a’a inaka‐li’ina, a’a una mekai inu a’e u eve’eve mi’ina.
2Noro lai kauakaua?-?nakavakeina, noro lai ku?-?kunu‐liape ei a’a anu eve’eve opara eiai, noro awkono avao mere ei vaki noro lai‐awka?-?vape.
3Noro ama mere nai pokoina kapoi, a noro kiripai na avaea rokona, ei eve’eve‐lia vaki nai voa veve’eane euna orau nai noro kiripai pokoiaka livilia.
4I ene Amua Iesu Keriso onu nawi, noro uriria kau?-?pukiakeia’ane, na avaea ane noro kiripai keia’ane, ene Amua Iesu Keriso onu iva ane,
5Kurua vaki Satani nai awkuane euna una kape avai, uku una avaea iawkavakeia’ane‐iai Amua Iesu unu lare ai.
6Nomo voa meramera ei opara eiai ima‐keiapea. Noro ipapeana veila ika mau’u pu iki paru‐a’ana?
7Araupu veila ika orekane noro iki nawawrea keia’ane‐iai; uku araupu veila ika mere noro lainaka?-?vakeina kapoi. Uku Keriso, ene Pasova mamoe mere, avakeia’ane euna.
8Ou uku eiai ene purai enei mi’inamaki, araupu veila ika, namani inu veila ika, namea anu veila ika, enei pa miai; veila ika eria pu, pu miki, enei mi’inamaki.
9Nai revareva kikirinainave uku eve’eve a’a kiripai pa kaupukiai.
10Aukueve’eve a’a e peo; iawmia a’a ane, voviri ewaea a’a ane, imunu avioia a’a ane; na voa anu miki peo, noro oro mere lainakavai panipani ai; noro orau liai ei pani va’au mere noro eleai limakina.
11Na voa anu miki eire; a’a aroa a’a oroiakeina u eve’eve a’a naea, iawmia a’a naea, imunu avioia a’a naea, anara voa a’a naea, ailo a’a naea, voviri ewaea a’a naea; a’a orau kiripai pei pa navai.
12Uku oiana lai unuku a’a nai voa veve’eina? Ekalesia a’a noro voa veve’eia?-?peana?
13Lai unuku a’a Eloi voa veve’eina. Ou uku eiai kurua eve’eve vaki noro awkono avao mere noro lai‐awkane.
Currently Selected:
1 Korinito 5: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
