1 Korinito 14
14
1Umu auiai noro iviri li’ine, avaea la’aruku umuli’ine ane, noro laikorava voa kuruane‐iai.
2Uku kurua a’a u voa kuruane a’a e ipapea, u a‐kurunakea a’a eiai, a Eloi eiai u kurunake: uku a’a kapeo una voa anu miki ipali’ina; Avaea laru ai miki inu voa vauavaua u kuruna kapoi.
3A kurua a’a u laikorava voa kuruna, u orau kuruna a’a ipekiai, iviri‐ekavai ane, pai‐ekavai ane.
4A’a u voa kuruna a’a e ipapea, una nane u ipawkina: a kurua a’a u laikorava voa kuruna, u ekalesia a’a ipekina.
5Noro uriria voa e e kurueai nai umuli’ina, a noro uriria laikorava voa kuruai nai umuli’ina kapoi. Uku a’a u laikorava voa kuruna u kurua a’a upai epe’epe u voa e e kuruna, kurua a’a una voa e e enu miki u ipawkiape liane ekalesia a’a ipaliane‐iai.
6Ovaki airavaki e, voa e e kurumakina noro ai nai anea’ane, nai oiama‐paina?-?kamau, i erea voa naea, i lai evera voa naea, i laikorava voa naea, i ipawkia voa naea, nai kurunaiape liane?
7Rokoa eria aru kiri awkuna, awvi naea, komami naea, orere kiri e e awkuape liane, a’a eka’ama‐ipalimau kurua vaki awni‐awkava?-?keina?
8Pi’i laea miki awkuape liane, vaupa koama‐lukimau apaki eiai?
9Orau uku noro awku, voa a’a ipali’ina noro kuruape liane, voa kuruakeina koama‐ipalimau? Noro pani kape eiai voa kuruakana.
10Pani va’au ai voa aila keina, voa monou‐monou una miki mi’ina.
11A’a anu voa u kuruina nai ipaliape liane, na voa anu miki awku u ipaliape liane, na paku ai u lai unuku a’a mikirina, nai awku una paku ai lai unuku a’a mikirina.
12Orau uku noro awku, uku avaea la’aruku miai noro iviri keina, lai evera miai noro ipia‐mi’ine noro ekalesia a’a ipekiane‐iai.
13A’a u voa kuruna a’a e ipapea, u nawki‐awkanamoki iva miai una voa anu miki a’a e ipekiai.
14Pauapauakeia voa nai nawki‐awkava’ane, na avaea nawki‐awkana kapoi, a na lai kono keina.
15Oiana uakei’i? Nai avaea nawki‐awkavakana, lai awku nai nawki‐awkavakana: nai avaea awni‐awkavakana, lai awku nai awni‐awkavakana.
16Ni Eloi avaea e nawki‐awkava’ane, pauapaua a’a erau voa eka’amakurumau, Amene, ni nawki‐awkava voa eiai uku ni voa anu miki u ipapea?
17Ni nawki‐awkana kapoi, a a’a e ipawkiakeiapea.
18Na Eloi nai kopai‐awkana voa aila noro ipapea nai kuruena:
19A ekalesia a’a awkono avao ai voa e e 5 kurueai nai umuli’ina omo miki nai ipaliane uku na voa mere nai a’a ipekiane‐iai; voa e e 10,000 kurueai nai umu‐a‐li’inakea kurua voa anu miki nai ipaliape liane.
20Ovaki airavaki e, uku lai evera eiai noro upi pa mikiriai: a uku namani upi orau nomo lai evere’einameki, uku lai evera eiai nomo lai a’a anu lai orau noro evere’‐einameki.
21Vupu unu voa erau voa kikiriakeina, I a’a ane oro pauapaua voa kuruna, i kaki a’a ane oro pauapaua keina, ei a’a aruru Nai kurueakana; a Na voa oro viriapea Amua kuruna.
22Uku pirimaroakoa a’a peo, a uku lai inaka a’a voa e e vupu keina: a laikorava voa pirimaroakoa a’a eiai kuruakeina, uku lai inaka a’a peo.
23Ekalesia a’a iki mako monou kaupukiane, a’a kavakava voa e e kuruane, voa e e pauapaua a’a naea, inaka?-?lia a’a naea, ikirimane’ane, oro kuruapeana noro avu’avu a’a keina?
24A a’a uriria laikorava voa kuruane, inaka‐lia a’a naea, pauapaua a’a naea’?-?ikirimane’ane, i a’a uriria u mua‐awkavakeina, i a’a uriria u voa veveakeina kapoi:
25Orau una umu unu vauavaua awku ipekiakeina; are‐epo aimakina u Eloi avioiakana, a’a e u erau voa ekiakana, Eloi noro kiripai pokoina kapoi.
26Oiana uakei’i Ovaki airavaki e? Noro kaupukiane a’a kavakava awni naea, ipawkia voa naea, voa e naea, erea voa naea, pai?-?oka voa naea, u mi’ina; awku uriria li’inameki pai?-?oka eiai.
27A’a pauapauakeia voa kuruane, a’a rere naea, rere kaiane naea, pauapaua voa kuruai noro evere’eine, oro a’a kiria orau kurunameki; a a’a monou omo voa anu miki ipawkinamoki.
28Voa anu miki ipawkia a’a kaupukiape liane, voa e lai evera a’a eiekanamoki ekalesia a’a awkono avao ai; una nane, Eloi ane, u kurunamoki.
29Laikorava a’a rere naea, rere kaiane naea, voa kurunameki, omo voa kaupukia a’a ipinameki.
30Voa ereakeia’ane a’a awkono avao ai pa’amakina, a’a voa kurumakina u eiekanamoki.
31A’a monou pani monou noro uriria iva mi’ina laikorava voa kuruai, noro uriria ipaliane‐iai, painakava?-?keia’ane‐iai ane.
32Laikorava a’a anu avaea laikorava a’a kamaia‐ekana.
33Uku Eloi airu unu Uku ua‐rokona, rawre enu uku peo, iaa a’a uriria awkono avao ai.
34Omoro marea laru ai nomo a’ero eiekanameki, oro omoro kuruai evere’eakeiapea; Vupu unu voa orau oro kamaia pokoiai limakina.
35Oro voa veve’eai umu?-?liane, omo marea ai omo vaki oro voa veve’einameki: uku omoro marea laru ai makiri opara a’e omoro kuruai.
36Noro mere Eloi inu voa ama‐elemane’e? Ni e eiai Eloi inu Iva voa ama’?-?ane’e?
37A’a laikora’ane u laikorava a’a keina, avaea la’aruku u mi’ina, u iki e’ena?-?moki ei voa nai kikirina noro eiai oro Amua anu awkia voa keina.
38A’a pauapaua keia’ane, u pauapaua keinamoki.
39Ou uku eiai, ovaki airavaki e, laikorava voa kuruai noro umuli’ine, voa e e omoro kuruai noro pa eiai.
40Awku kavakava ima li’inamoki.
Currently Selected:
1 Korinito 14: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
