1 Korinito 15
15
1Ovaki airavaki e, kurua Iva voa nai kurunaina nai omoro kurunaiane euna, noro pirimaroakoane euna ane, kurua Iva voa upa mere noro oimakina ane;
2I kurua Iva voa noro inakavakeina ane, noro lai?-?kora‐nakiane kurua voa nai omoro kurunainave, nomo pirimaroakoa ane eria liape liane.
3Uku pinai voa uriria nai miaka nai ipanakinave, iaa revareva anu voa eire, ene namea eiai Keriso imunave;
4U i’iakei’inave, iaa revareva anu voa orau, lare rere kaiane enu lare ai imua mere U moawku la’anave:
5I Kepa pinai, neko mere ai i aivara 12 ane, U inamu‐oiakei’inave:
6Neko mere ai, pani monou i aroa a’a 500 U inamu‐oiakei’inave; kurua kaupu a’a aila eai rokoamakina, omo a’a varomo imuakeina.
7Neko mere ai i Iakobo U inamu‐oiakei’inave; maura pani ai i Iva a’a uriria U inamu‐oiakei’inave.
8A oro uriria anu ika a’a, ika kinia a’a orau, nai awku inamu‐oinave.
9Iva a’a kaupu unu a’a nai Iva a’a mau’u keina, nai ima peo Iva a’a oroiakeiai, uku Eloi inu ekalesia a’a nai mani‐ekanave.
10I Eloi inu la’aruku nai orau noro ipa‐ilauna: Una la’aruku ikuakei’inave kape evere’eape; oro uriria iaki liape orau nai iaki liane euna: a uku nai peo, a uku Eloi inu la’aruku nai kiripai iaki limakina.
11Oaio, nai naea, oro naea, iaki ovara liane euna, kurua Iva voa enei omoro kuruna, kurua Iva voa noro pirimaroakoanave ane.
12Keriso imua mere la’ane euna omoro kuruakeia’ane, uku oiana nomo a’a varomo kuruna imua mere la’ava eria keina?
13Imua mere la’ava eria keia’ane, Keriso imua mere la’avape:
14Keriso imua mere la’avape liane, ene omoro voa kape keina, nomo pirimaroakoa ane kape keina.
15Lia, Eloi onai‐awkiai enei ipakiakeina, uku enei ioneliane euna Eloi Keriso imua mere la‐okanave: imua a’a imua mere la’avape liane Eloi Keriso imua mere la?-?okavape.
16Imua a’a imua mere la’avape liane, Keriso awku la’avape.
17Keriso la’avape liane, nomo pirimaroakoa kape keina, noro namea rokoamakina.
18Oro awku imua anu awaw Keriso laru ai awaw?-?keia’ane euna oro periaeia keia’‐ane euna.
19Ei rokoa pani e Keriso laru ai enei araea’araea miane, a’a uriria awkono avao ai enei kukupuna a’a miki keina.
20A imua mere Keriso la’ane euna kapoi, awaw?-?imua a’a mere la’avai U pinai a’a kei’inave.
21Uku i a’a imua anenave, i a’a awku imua mere la’ava anena.
22Uku orau Adamu laru ai a’a uriria imuna, orau awku Keriso laru ai a’a uriria rokoa‐eiakeiakana.
23A’a kavakava una kaupu kiripai: Keriso pinai; neko mere ai oro awku oro Keriso onu a’a keiakana Una anea pani ai.
24Maura pani ai, ika pani aneliviai anelia, kurua pani ai Amua anu iva U Eloi Mai awkuane, ei pani va’au unu amua iva uriria U enakava’?-?ane.
25Uku U amua‐awkavai limakina anea’anea Una mani uriria U awkoni‐ekava’ane.
26Ika mani oavakeiakana, u Imua oroiakeina.
27Uku awku uriria U awkoni‐ekava’ane euna. U erau voa kuruane, Awku uriria awkoni‐ekavakeina, kurua voa ipawkiakana U ane U awku uriria awkoni‐ekava’ane euna U awkoni?-?awkavakeiape.
28Awku uriria kamaia?-?ekavakeia’ane U eiai, Mere awku kamaia‐awkavakeia?-?kana Eloi eiai, U ane U pani va’au iki kamaia‐eane euna U eiai, uku Eloi awku uriria amua‐ekava’ane‐iai.
29Kurua voa miki peane, oro oiama‐limau oro bapatiso‐ekavakei’inave imua a’a eiai? Imua a’a imua mere la’avape liane uku oiana oro bapatiso‐ekavakei’inave omo imua a’a eiai?
30Uku oiana enei Iva a’a e’ei ai pokoi‐liviai?
31Ovaki airavaki e, orau nai kopaili’ina noro eiai Keriso Iesu ene Amua laru ai, nai iki e’ena lare kavakava nai imuna.
32Oiama‐pai’ika’i a’a orau lekuleku animala kiripai nai apakina’ane Epeso ai? Imua a’a imua mere la’avape liane, pei, ere ane, enei na’?-?anameki, uku namai enei imunavailia.
33Noro ewaea pa nakavai: avai monou a’a anu namea a’a anu opara ima oa’ana.
34Ei ailo opara mere lala’ane; opara anana rokone, namea pa liai; uku nomo a’a varomo oro Eloi a‐ipali’inakea; uku makiri‐nakavai nai erau voa kuruna.
35A nomo a’a varomo erau voa kuruakana, Imua a’a imua mere eka’ama‐la?-?eka’i? Oi kape ana oro anena?
36Avuavu vaki e, kurua uru ni voena rokoa miape u pinai imuape liane:
37Uru ni voena u kurua veve peo neko mere uru mere la’avakana, u uru e, kawni inu uru naea, pei e enu uru naea:
38A Eloi, orau U evere’eane euna, kurua uru U kape awkuna, uru monou‐monou una kape monou U awkuna.
39Oia uriria ipi’ipiapea: a’a anu oia, a’uri inu oia, nava anu oia, naku unu oia, oro monou‐monou oia e e keina.
40Kape varomo oro kaia kape, kape mo oro pani va’au kape; kaia kape enu evao’evao monou, pani va’au kape enu evao’evao e.
41Lare una evao’evao mi’ina, ia awku una evao’evao e mi’ina, rawpu monou‐monou awku una evao’evao mi’ina, uku rawpu e e enu evao’evao keava‐keava keina.
42Orau awku uku imua a’a anu la’ava imua mere. Kape pomoa voeakeina; imua mere pomoa eria u la‐okavakeina:
43U rurupu voeakeina; u avioia la‐okavakeina: u eapa voeakeina; u venea la‐okavakeina:
44A’a anu kape voeakeina; avaea kape la‐okavakeina. A’a kape uakeina, avaea kape awku uakeina.
45Ei uku eiai ei voa kikiriakeina, Pinai a’a Adamu rokoa imunu evere’eakei’inave; ika Adamu rokoa?-?awkua avaea evere’eakei’inave.
46A’a anu kape, avaea peo, pinai anenave; neko mere ai avaea anenave.
47A pinai a’a u ka’e mere, u ka’e vaki: a Amua U rere a’a keina U pani muku mere.
48Orau ka’e a’a kei’inave orau oro awku oro ka’e a’a keina oro, u ane, ipi’ipiakeina: pani muku a’a orau oro pani muku a’a keina oro, u ane, mikirina.
49Orau enei ka’e a’a anu aipo mi’ina, orau awku pani muku a’a anu aipo enei miakana.
50Ovaki airavaki e, nai erau voa kurunaina, Oia, aro ane, Eloi inu eiei omoro roikiai liapea; pomoa awku opai omoro roikiai liapea.
51Akoi’i, uku eni vaua?-?vaua voa nai ipanakina; enei uriria imuapea, a enei uriria ae’aiakeiakana,
52Emoki, inamu unu apuri-apuri orau, ika awvi inu laea pani ai: uku awvi laealiakana, imua a’a imua mere opai la‐ekavakeiakana, enei uriria ae’aiakeiakana ane.
53Uku ei pomoa kape opai luki‐awmiai limakina, ei imua kape opai luki‐awmiai limakina ane.
54Ei pomoa kape opai luki‐awmiane, ei imua kape ane opai luki‐awmiane, kurua pani ai ei kikiria voa evere’eakeiakana, I awkoni‐awkava opara Imua enakavakeina.
55Imua e, ni nepawki ekeiana? Lauoi e, ni awkoni‐awkava ekeiana?
56Namea imua anu nepawki ua‐rokona; namea anu iva Vupu mere anena.
57Eloi kopai‐awkane, i ene Amua Iesu Keriso mere awkoni‐awkava U akuna.
58Ou uku eiai na naumuki aroa a’a e, noro ivirili’ine, pa laikiai, Amua anu iaki panipani ai lioko lioko, uku noro ipalimakina nomo iaki Amua laru ai kono keiapea.
Currently Selected:
1 Korinito 15: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
