1 Korinito 13
13
1A’a anu voa e e, aivara‐avaea anu voa ane, nai kuruane, Umu nai miape liane, pi’i inu laea ovara, aravea anu kiri ane, nai mikirina.
2Laikorava voa anu la’aruku nai miane, vauavaua voa uriria awku nai ipaliane, nai pirimaroakoa miane akapu omo mako mere lai‐ekavai, nai Umu miape liane, nai kape keina.
3Na aru uriria rurupu a’a nai ekuane, na kape awku iau ruawkavakeia’ane?-?iai nai awkuane, nai Umu miape liane, kurua opara pai’ikapea.
4Umu kekepa, veruku ane, keina. Iluku, namani ane, Umu ipapea. Umu meramera voa kuruapea, Umu kauakaua keiapea,
5Umu rurupu opara a‐li’inakea, Umu manipu a?-?kei’inakea, Umu iara epua evere’eakeiapea, namea eria laikorana;
6A’a e namea‐ekavakeia’?-?ane Umu kopai‐a‐li’inakea, opara miki pai‐okavai u kopaili’ina.
7Eiekavakeiai Umu ipali’ina. Pirimaroakoa, araea’araea ane, iviri kekepa ane, u evopoakeina.
8Umu periakeiapea opai keiakana. Laikorava voa oro e’avakeiakana; voa e e ane oro periakana; lai evera e e ane oro paueiakeiakana.
9Uku enei la’a e ipali’ina, laikorava voa la’a e enei kuruna.
10A kurua awku iki anea’ane, ei awku la’a paueiakeiakana.
11Nai upi kei’inave’ane upi mikirio nai kurunave, nai upi mikirinave, upi mikirio nai laikoranave: nai a’a evere’eaka’ane upi inu opara nai au‐awkanave.
12Awku unu avaea varivari laru ai orau enei eai inamu‐eina, enei lai iakari?-?akavakeina ane; a iru pani ai enei inamu‐eiakana ene paku ai; eai la’a e nai ipali’ina; airu pani ai nai iki ipaliakana orau nai iki ipaliakeina.
13Pirimaroakoa, araea’araea ane, umu ane, rere kaiane eire rokona, a ei kaupu unu epe’epe vaki Umu upai rokona.
Currently Selected:
1 Korinito 13: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
