1 Korinito 12
12
1Ovaki airavaki e, ipanakiai uku avaea la’aruku eiai nai umuli’ina.
2Noro ipali’ina noro lai unuku a’a kei’inave ane, momoa imunu ai noro keke?-?nave orau noro naravakei’?-?inave.
3Ei uku eiai noro ipaliai nai umuli’ina a’a kapeo i Eloi inu Avaea kurumakina erau voa kuruna, Iesu laoiakeina, i Avaea Iaa e a’a erau voa kuruai li’ina, Iesu U Amua rokona.
4La’aruku e e keina, a Avaea monou e ua‐rokona.
5Kamaia iaki e e keina, a Amua monou e ua‐rokona.
6Iaki e e limakina, a Eloi monou e ua‐rokona, U ane U enei monou‐monou laru ai awku uriria evere’eina.
7A’a monou‐monou Avaea anu la’aruku awkuakeia’ane euna a’a uriria anu paioka eiai.
8I Avaea a’a monou lai evera voa awkuakeina; i Avaea monou a’a mo ipawkia voa awkuakeina;
9I Avaea monou a’a mo pirimaroakoa awkuakeina; i Avaea monou a’a mo la’aruku awkuakeina a’a aukarikavai;
10A’a mo iva veia liai iva awkuakeina; a’a mo laikorava voa kuruai la’aruku awkuakeina; a’a mo iva awkuakeina laikorava voa e e enu miki ipaliai; a’a mo la’aruku awkuakeina voa e e kuruai; voa e e enu miki ipawkiai ane:
11I Avaea monou e ei awku uriria evere’eiakeina, U ane U una la’aruku enei monou‐monou akuna orau U umuli’ina.
12Uku orau a’a anu kape monou ua‐rokona u kape?-?aru aila mi’ina, una kape?-?aru uriria, oro aila keina, oro kape monou evere’ena, orau awku Keriso onu ekalesia keina.
13Uku i Avaea monou enei uriria kape monou laru ai bapatiso akavakei’inave, enei Isaraela a’a naea, lai unuku a’a naea, enei piriakeia a’a naea, ururuakeia a’a naea; i kurua Avaea monou e enei uriria rokoa‐aiakeia’?-?ane euna.
14Uku kape‐aru monou u kape iki peo, kape iki kape?-?aru aila mi’ina.
15Are erau voa kuruane, Uku nai eve peo nai kape enu kape‐aru peo; u kape enu kape‐aru peana?
16Keporo ane u erau voa kuruane, Uku nai inamu peo nai kape enu kape‐aru peo; u kape enu kape‐aru peana?
17Kape iki inamu keia’ane, keporo onu iaki oiana? Keporo kape iki keia’ane, pina anu iaki oiana?
18Kape enu kape‐aru omo mako ai Eloi evere’eiane euna orau U umuliane euna.
19Oro uriria kape‐aru monou keia’ane, kape iki ekeiana?
20A kape‐aru oro aila keina, a kape iki u monou keina.
21Inamu eve erau voa kuruai liapea, Nai umu‐nilau?-?apea; uku awku are erau voa kuruai liapea, Nai umu‐nilau?-?apea.
22A kape‐aru oro eapa mikirina, iaki uakeina oro eiai:
23Kape‐aru enei laikorana oro rurupu keina enei avieina kapoi, orau ene rurupu kape‐aru enei vapara‐ekana.
24Eloi kape la‐okanave, rurupu kape‐aru U avioia‐mai awkunave uku oro vapara eria mi’inave,
25Uku kape, kape‐aru ane, kouaminavaia, uku kape‐aru monou‐monou oro uriria eiviriane‐iai.
26Kape‐aru monou kukunu miane, kape‐aru uriria awku u kiripai kukunu mi’ina: kape‐aru monou avioia?-?keia’ane, una avioia kape?-?aru uriria aua‐mi’ina.
27Noro Keriso onu kape keina, noro monou‐monou Una kape enu kape‐aru keina.
28A’a varomo Eloi evere’eiane euna ekalesia iaki eiai, Pinai kaupu oro iva a’a, rere enu kaupu oro laikorava a’a, rere kaiane enu kaupu oro omoro a’a, Kaupu mo onu a’a oro iva veia‐lia a’a, a’a mo lai evera a’a maia a’a aukarikavai, pai‐oka a’a ane, a’a anu orava a’a ane, a’a mo uku voa e e kuruai.
29Oro uriria iva a’a ana? Oro uriria laikorava a’a ana? Oro uriria omoro a’a ana? Oro uriria iva veia‐lia a’a ana?
30Oro uriria la’aruku ama‐mi’i maia a’a aukarikavai? Oro uriria voa e e ama‐kuru’i? Oro uriria voa e e enu miki ama‐ipawki’i?
31La’aruku ima miki miai noro panipani ai i’e’mi’ine. Rokoa anu kapea miki nai ipanakima, kapea epe’epe kapea e upa mere.
Currently Selected:
1 Korinito 12: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
