1 Korinito 11
11
1Na opara ipi‐awmi’ine orau nai awku Keriso onu opara ipi‐awmi’ina.
2Nai keponaina, ovaki airavaki e, uku awku uriria eiai noro laikora‐ikina, voa miki, opara ane, noro eivirina orau nai ipanakiane euna.
3Noro ipaliai nai umuli’ina Keriso a’a kavakava anu uku ua‐rokona; a’e ane una uku una vaki ua‐rokona; Keriso onu uku Eloi ua?-?rokona.
4A’a kavakava Eloi nawki‐awkamakina naea, laikorava voa kurumakina naea, una uku ruawkiakeina ane, una uku u rurupu‐awkana.
5A a’e kavakava Eloi nawki‐awkamakina naea, laikorava voa kurumakina naea, una uku u ruawkiape liane, una uku u rurupu‐awkana: uku una uku kimari auakeia orau keina.
6A’e una uku ruawkiape liane, u kimari aunamoki: u makiri keia’ane una uku kimari auai, una uku u ruawkinamoki.
7Opara anana peo a’a una uku ruawkiai, uku u Eloi inu aipo, evao’evao ane, keina: a a’e a’a anu evao’evao keina.
8Uku a’a a’e mere a‐eakei’inavea, a a’e a’a mere eakei’inave.
9A’a a’e eiai a‐eakei’inavea, a a’e eakei’inave uku a’a eiai.
10Ou uku eiai, uku aivara‐avaea ane eiai, a’e kamaia anu aipo una uku upa mere u luki‐awmiai limakina.
11A Amua laru ai a’a, a’e ane, ipi’ipiakeina.
12Uku orau a’e a’a mere eakei’inave, orau awku a’a a’e mere kiniakeina; a awku uriria pinai Eloi mere anena.
13Noro e eiai nomo lai evere’eine: opara anana ana a’e Eloi nawki‐awkavai una uku u ruawkiape liane?
14Nomo lai nakiapeana opara makiri a’a kimari va’au miai?
15A a’e kimari va’au miane, kimari va’au una evao’evao keina: uku una kimari va’au u awkuakeina una uku ruawkiai.
16Ei voa eiai a’a voa kamukamu kuruane, u e; enei, Eloi inu ekalesia ane, opara e miape.
17Nai ei ipawkia voa nakumakeia’ane nomo opara monou nai kepoiai liapea: noro kaupukiane noro paioka eria mi’ina, noro lipi‐nakava?-?keina.
18Uku pinai, noro ekalesia orau kaupukiane noro awkono avao ai kaupu‐kaupu noro mi’ina. Ei voa nai ikiakeina, na lai ei voa miki keina ane.
19Noro awkono avao ai lai e e a’a noro miai limakina uku a’a miki noro awkono avao ai ipekiakeia’ane‐iai kapoi.
20Mako monou ai noro kaupukiane Amua anu purai noro na’apea;
21Uku nomo a’a monou‐monou una pei ema navai u umuli’ina; a’a monou navai‐navai‐lia vaki orau pei na’ana, a’a mo ere iara nava’ane euna u ailo keina.
22Oiana? noro marea eria mi’ina noro pei, ere ane, i‐na’ane‐iai? Nomo lari Eloi inu Ekalesia eiai ipawkiai noro umu‐ama‐li’i, marea eria a’a makiri‐ekavai ane? Nai oiama‐kurunai?-?mau? Nai ama‐keponai?-?mau ei opara eiai? Ai! Nai keponaiapea.
23Uku voa miki nai nakunave Amua mere nai mi’inave; kurua kipere ai Amua Iesu anai‐aviakei’inave U pu mi’inave:
24U Eloi kopai‐awka?-?vaka’ane, U pu vepenave, erau voa kurunave ane, Mi’ine, na’ane ane, Na kape eire vepeai awkamakina noro eiai. Uku laikora‐ikiai noro ei opara li’ine.
25Pei oailiakei’inave ane koiri awku U mi’inave, erau voa kurunave ane, Ei koiri kuruei‐voa nawawrea keina Na aro laru ai: panipani ai ei koiri mere noro na’ane, uku laikora‐ikiai noro ei opara li’ine.
26Uku pani kavakava ei pu noro na’ane, ei koiri mere na’ane ane, Amua anu imua noro upurukimakina anea’?-?anea U vairuane.
27Ou uku eiai a’a ei pei, ei koiri mere ane, ewaea?-?na’ana, Amua anu kape, aro ane, u mua‐awkavakeina.
28A’a pinai una lai ipinamoki, u liane euane, pei, koiri mere ane, u na’anamoki.
29Uku kurua a’a u pei, ere ane, ewaea na’ana, u na’ana una mua eiai, Amua anu kape enu miki u ipape liane.
30Ei uku eiai noro awkono avao ai a’a aila eapa, maia ane, rokoamakina, a’a aila ane imuna.
31Enei anana voa veve?-?aiane kapoi enei voa veveaia?-?keiapea.
32Enei voa veve‐aia?-?keia’ane i Amua enei vaki?-?amiakeina, pani va’au unu a’a kiripai enei mua‐akava?-?keinavaia.
33Ou uku eiai, ovaki airavaki e, uku ei pei navai noro kaupukiane noro ainaiaka?-?pokoine.
34A’a pei navai‐navailiane una marea ai u pei na’anamoki; noro pani va’au unu a’a kiripai mua‐nakavakeinavaia. Nai anea’ane awku e nai evere’eiakana.
Currently Selected:
1 Korinito 11: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
