Kamhinhin 9
9
1An agelo ierem rol katilum neterhal; an iemahm mahau le neai reknam le nemapten, an kamofen kam in nar kameutiu tapin in le nimilinimil asul.
2An neteretita nimilinimil asul, an hnanekam neteret le nimil rolkoma hnanekam le nekam asul, an mit mene nemagoago kenol rapinap le hnanekam le nimil.
3An piru min netakarier le hnanekam marua le nemapten, an nesanenan kamofen kam ilar rolkoma iesaietik min le ten uk kamaros nesanen.
4An kameni to ilar moma tesaitakenan nuhwal le nemapten wa numanar mira ker wa nik ker mero neremim an ierem min kasarosan nimtatin te Wuhgin le nupanakin ilar.
5An kamofen kam ilar moma tesarhwapninan ilar, mero takarol mita ilar mouk katilum; an nahmean tenilar rolkoma nahmean te iesaietik takama retik ieremim.
6An loanian ka neremim tepaitkoigen nemisan, an tepesaihman, an teparolkeikei mama takaremis an nemisan terepakam ten in ilar.
7An nubalaki piru min rolkoma hors min kenol to neluakenan, an le tenilarkapa rolkoma kahwahwau rolkoma kold, an nemrim ilar rolkoma nemri neremim.
8An nowanun ilar rolkoma nowanu neberavin, an nelun ilar rolkoma nelu laion min.
9An kamaros nar rapal to nekilhin ilar rolkoma nar to nekilhin ilar kamol le airon, an navi nikaukauun ilar rolkoma navi tsariot min, hors min rapus kamari to neluakenan.
10An nepiken ilar rolkoma nepike iesaietik, an kamaros nar rametik, an le nepiken ilar nesanen tenilar moma takarol mita neremim le mouk katilum.
11An kamaros ieremera le ilar agelo te nimil asul, netigen le nakaran Hibru Abadon, an le nakaran Krik ramos netigen Apolion.
12Nahwohwean iraupan reknua muan; ahm ru nahwohwean kiu mun tepiava oatisig le nar min uk.
13An agelo ierem rol katilum mekarena neterhal; an iemerou noian ker remsipe le tanebat nar kamhwasig lan kamol le kold ierem le nemri Wuhgin.
14Rameni to agelo ierem rol katilum mekarena ierem ramos naiu, Risin agelo kuer ierem min kamelis ilar le nu asul Iufratis.
15An kinrisin agelo kuer ierem min kenolita to aur mene nian mene mouk mene nu ka moma takarhwapnin nowanverin ierem rol kisil le neremim.
16An nahwinan nahuto le nerem kamaisua le hors 10,000 mau 10,000 mau kiu; iemerou nahwinan ilar.
17An rol mok iehmam hors min le nar pa mene nerem kamaiwata le ilar, kamaros nar ramepal to nekilhin ilar kamol le nekam mene haiasinth mene nies; an tenkapa hors min rolkoma tenkapa laion min, an nekam mene hanaekam mene nies rakamier le hnulin ilar.
18Le netetan mihlel uk nowanverin ierem rol kisil le neremim kinhwapnin, le nekam mene hnanekam mene nies ierem remier le hnulin ilar.
19Mero in ka nesanenan te hors min ramarik le hnulin ilar mene le nepiken ilar; mero in ka nepiken ilar rolkoma tagalua rol tenkapa; an kamarol mita le ilar.
20An neremim nevin mun, ierem min kashwapninan ilar le netetan mihlel uk, kamesalelegan le nolan min te nelimin ilar, mama tesaihwakan kam naremis mene nanumunar min kamol le kold mene silver mene bras mene kapiel mene nik, nerem kasaisanenan to nahman nar wa nerouan wa naliwakan,
21An kamesalelegan le hnoatil tenilar mene le nolapisapis tenilar mene le tehwaga tat le neberavin tenilar mene le nakihlean tenilar.
Currently Selected:
Kamhinhin 9: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
