Kamhinhin 10
10
1An iemahm agelo ausikausik ker mun ramatite mesipe le neai, kameviu le napua, an meraimerai le tenkapa, an nemrin rolkoma mit, an nelikin rolkoma nupo le nekam.
2An ramos le nelimin nawowa asuas kametita. An neterouh nelikin matu le tehe mene nelikin mul le nemapten.
3An netereni le nakarapahman, rolkoma laion ramasak. An neterakar apahm an kalualua katilum mekiu netakaikar le noian ilar.
4An kalualua katilum mekiu netakaikar, an iemama tiakrai; an iemerou noian resipe le neal mameni, Atisun nar kalualua katilum mekiu kamani mesraian ilar.
5An agelo ierem iemahm ramail le tehe mene le nemapten ramosit nelimin matu le neai.
6Neteravel le ierem ramarik le nowa nu min, ierem ramol neai mene naremnar min lan mene nemapten mene naremnar min lan mene tehe mene naremnar min lan, moma nian teresarikan mun.
7Mero le nian te noia agelo ierem rol katilum mekiu, takama terefhal, an kenol petum nar kametkauigen te Wuhgin, rolkoma nakaran ut ramausito in to nolatkokun nar tahan profeta min.
8An noian iemerou remsipe le neai (iemerou) mun ramakar kam io mameni, Uan mos nawowa kametita le nelimi agelo ierem ramail le tehe mene le nemapten.
9An netiakuan to agelo mameni ton moma terofa nawowa asuas kam io. An netereni tonio, Os in mekin ita, an terepol netipam ravier mero le hnulam tereperehien kama hani.
10An iamos nawowa asuas nelimi agelo mekinita, an le hnuluk rerehien kama hani, an iemkinita an netipok kenol ravier.
11An netakani tonio, ik tenepakeikei metikun mun neremim mene netig min mene namin min mene neremera rapus.
Currently Selected:
Kamhinhin 10: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
