Kamhinhin 8
8
1An neteretita nimtatin ierem rol katilum mekiu, an ramamniwan le neal le takeri aur.
2An iemahm agelo katilum mekiu, ierem min kamailil le nemri Wuhgin, an kamofen kam ilar naiu katilum mekiu.
3An agelo ker mun neterua mamail le nar kamhwasig lan, ramos nevige nar kamol le kold, an kamofen kam in nar nemieuan ravit ribor moma terehlau to nahwakan te neremim ut min le nar kamhwasig lan kamol le kold le nemri Wuhgin.
4An hnanekam le nar nemieuan ravit, ilau nahwakan te neremim ut min, remet le nelimi agelo le nemri Wuhgin.
5An agelo neteros nevige nar merupen ret le nekam le nar kamhwasig lan; an neterelakin le nemapten; an kalualua mene noia nar min mene nesiapumelan mene mig neteravan.
6An agelo katilum mekin ierem min kamaros naiu katilum mekiu netakailil matu to hnalan.
7An ierem iraupan neterhal; an nihin le kapiel neterol mene nekam kenol pilpil le nita an kalakin le nemapten; an nowanverin ierem rol kisil le nemapten reknekis, an nowanverin ierem rol kisil le nik min reknekis, an nuhwal mira reknekis petum.
8An agelo ierem rol kiu neterhal; an rokoma towar asul ramkis le nekam kenelakin te tehe, an nowanverin ierem rol kisil le tehe kenol le nita,
9An nowanverin ierem rol kisil le nar min le tamite netakaremis, nar min nemihwan ramarik le ilar, an nowanverin ierem rol kisil le niko min kametaken.
10An agelo ierem rol kisil neterhal; an mahau asul ker rakawou kama nisia neteram mesipe le neai, an neterampen le nowanverin ierem rol kisil le nu iaih min mene nu aualual min.
11An netigen mahau ka kama Nikavier, an nowanverin ierem rol kisil le nu min kenol Nikavier, an neremim ribor netakaremis le nu mero in ka kenol ravier.
12An agelo ierem rol kuer neterhal; an nowanverin ierem rol kisil le mit kehno mene nowanverin ierem rol kisil le mouk, mene nowanverin ierem rol kisil le mahau min, moma nowanverin ierem rol kisil le ilar tapol rapinap, an moma nian tereshakakan le nowanverin ierem rol kisil, mene lapin maka lan.
13An iemahm, netiakarou kueria asul ker ramivuk le neluki neai mameni le nakarapahman, Awe, awe awe to nerem kamairik le nemapten, mero in ka le noian nevinmun te naiu te agelo kisil ierem ihlel tefahil.
Currently Selected:
Kamhinhin 8: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
