Kamhinhin 7
7
1Oatsig le nar uk iemahm agelo kuer kamailil le nekalin kuer le ten, mamarhiapatin nemetag kuer le ten, mama nemetag terapas nesesauan le ten wa le tehe wa le nik ker.
2An iemahm agelo ker mun ret mesipen iken mit rakamit iken, ramos nimtatin te Wuhgin lilen; an netereni le nakarapahman to agelo kuer, ierem min kamofen kam ilar moma takaitaken ten mene tehe, mameni,
3Tenesaitakenan ten wa tehe wa nik min meroatis tiakaihlau nimtatin le nupanaki nolatkokun nar te Wuhgin tetar.
4An iemerou nahwinan nerem kamehlau nimtatin le ilar 144,000, kamehlau nimtatin le ilar le nahuto min le Nereri rael.
5Ne nahuto le Juda kamehlau nimtatin le 12,000,
Le nahuto le Ruben 12,000,
Le nahuto le Kad 12,000,
6Le nahuto le Aser 12,000,
Le nahuto le Naftali 12,000,
Le nahuto le Manasi 12,000,
7Le nahuto le Simeon 12,000,
Le nahuto le Livai 12,000,
Le nahuto le Isaker 12,000,
8Le nahuto le Sebiulon 12,000,
Le nahuto le Josef 12,000,
Le nahuto le Benjamin kamehlau nimtatin le 12,000.
9Oatisig le nar min uk iemahm, an ahm ru, nahuto puk aken ierem min riakis to ieremim ker moma terahwin, le netig min mene nahuto min mene neremim min mene namin min, kamailil le nemri thron mene le nemri Lam, kameviu ilar le nar tuan, an numali napuok le nelimin ilar.
10An netakani le nakarapahman mamani,
Nemihwan to Wuhgin tetar ramowata le thron mene to Lam.
11An agelo min petum kamailil alualau in thron mene elder min mene nar miuh kuer, netakaram le nemrin ilar le nemri thron mameihwak kam Wuhgin mamani,
12Amen; nakarvian mene nevitan mene nalbakauan mene nenivian mene nesiaian mene nesanenan mene nausikausikan to Wuhgin tetar le nowa nu min, Amen.
13An ker le elder min neteraram meni tonio, Nufe uk kameviu ilar le nar tuan, an kamasipeten?
14An netiakani ton, Ieremera tahak, ik nakhinatin. An netereni tonio, Ilar uk nerem kamasipen le nahwohwean asul, an kenahipel nar kamarua lan an kenarol tuan le nita Lam.
15Mero in ka le nar uk ilar kamairik le nemri thron te Wuhgin marol atkokun nar ton le nian mene lapin le nimwa ahwak tahan, an ierem ramowata le thron terepol nimwa tahan rerkanipus in ilar.
16Tepesaimekan mun mepesaiwawean mun, an mit terepeshanan ilar wa nakapanan ker.
17Mero in ka Lam ierem le neluki thron terepasig ilar, an terepir ilar le nu aualual te nemihwan; an Wuhgin tereprai ita petum hninemrin ilar.
Currently Selected:
Kamhinhin 7: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
