Kamhinhin 6
6
1An io iemahm Lam rametita ker le nimtatin katilum mekiu, an iemerou ker le nar miuh kuer rameni, rolkoma le noia kalualua, Ua.
2An iemahm, an ahm ru hors tuan, an ierem ramowata lan ramos nimwa nehwaga, an kahwahwau kamofen kam in, an neterier merai ita an moma tererai ita.
3An neteretita nimtatin ierem rol kiu, an iemerou nar miuh ierem rol kiu rameni, Ua.
4An hors ker mun neterier ierem reloulou, an kamofen kam ierem ramowata lan moma terosita nemelinuan le nemapten, an moma tepahro ilar min, an kamofen kam in nau apahm asul.
5An neteretita nimtatin ierem rol kisil, an iemerou nar miuh ierem rol kisil rameni, Ua. An iemahm, an ahm ru hors apen, an ierem ramowata lan ramos nar kamahauker an in le nelimin.
6An iemerou nar rolkoma noian le neki nar miuh kuer rameni,
Nevige nar le hwit to peni, an nevige nar le barli kisil to peni; an tenetakenan oil mene wain.
7An neteretita nimtatin ierem rol kuer, an iemerou noia nar miuh ierem rol kuer rameni, Ua.
8An iemahm, an, ahm ru hors auhia, an ierem ramowata lan netigen Nemisan, an Nimwa tenerem kamaremis ramoatisig in, an kamofen kam ilar nesanen le nowanverin ierem rol kuer le nemapten to nuhwapninan le nau apahm mene le noumus mene le nemisan mene le nabakaru le ten.
9An neteretita nimtatin ierem rol katilum, an iemahm lahau le nar kamhwasig lan nanumu nerem kahmo ilar to nakaran te Wuhgin mene nausitoan ilar kamamarol.
10An netakamaisak le nakarapahman mamani, Reroatis nian petuan, Ieremera ausim mene parhien, teneshwapraian mesalipunan nitamar le nerem kamairik le ten.
11An kamofen kam ilar pusen pusen min napen tuan, an kameni to ilar moma takaimig asuas tahman meroatis nolatkokun mun nar pian ilar min, mene pian ilar min ierem min tafho ilar kama ilar, tapol ret.
12An iemahm retita nimtatin ierem rol katilum mekarena, an mig asul neteravan, an mit netakol rapkehapen rolkoma nukulua kamol le nemami nar, an mouk reknol petum kama nita.
13An mahau min le neai netakaisas le nemapten, rolkoma nihm ramelakin nowan rakapuka takama nemetag asul ramatigtig in.
14An neai kenosita rolkoma nawowa kamrukrukin, an towar min mene ten mur min kenevi ilar iken kamailil iken.
15An neremera le ten mene nerem asul min mene neremra le neluakenan mene nerem le nauta asul mene neremausikausik mene nolatkokun nar min mene nerem kamaivan apnapen am min kamaimel aken le nepag mene le kapiel le towar min.
16An ilar kamani to towar min mene to kapiel min, Arampa le kamar meitkauigen kamar to nemri ierem ramowata le thron mene to niehma te Lam;
17Mero in ka nian asul te niehma tenilau reknua; an pehe resanen to nailan?
Currently Selected:
Kamhinhin 6: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
