Kamhinhin 5
5
1An iemahm le nelimin matu te ierem ramowata le thron nawowa kamrai imwa mene le nematan, kamilatin le nimtatin katilum mekiu.
2An iemahm agelo asenan rameni le nakarapahman,
Pehe ravit moma teretita nawowa mirisin nimtatin min lan?
3An resolan moma ieremim ker resanen le neai wa le ten wa lahau le ten moma teretita nawowa wa teretagpen lan.
4An io iemasak apahm mero in ka kasahman ker ravit moma teretita nawowa wa teretagpen lan.
5An ker le elder min netereni tonio, Asasakan; ahm ru, laion te nahuto le Juda, nuki Devid, reknerai ita moma teretita nawowa mene nimtatin katilum mekiu lan.
6An iemahm le neluki thron mene nar miuh kuer mene le neluki elner min Lam ramail rolkoma kinhwapnin, tanebat katilum mekiu mene nakanemrin katilum mekiu, ilar Nanumun katilum mekiu te Wuhgin, kahmalipa le ten min petum.
7An neterua mos nawowa le nelimin matu te ierem ramowata le thron.
8An neteros nawowa, an nar miuh kuer mene elder 24 netakaram le nemri Lam, an kamaros pusenpusen harp mene nevige nar le kold ret le nar nemieuan ravit, in uk nahwakan te neremim ut.
9An netakani nabuk vi mamani,
Ik nakavit moma tenakos nawowa metita nimtatin min lan, mero in ka kamhwapnin ik, an neknos nemrin le nitam to Wuhgin neremim le nahuto min mene le namin min mene le neremim min mene le netig min,
10An namol ilar niko mene nerem le nuhwasigenan to Wuhgin temar, an ilar kairemera le nemapten.
11An iemahm mamerou noia agelo min rapus riko in thron mene nar miuh mene elder min, an nahwinan tenilar rauker in 10,000 mau 10,000 mene thausand min mau thausand min,
12Kamani le nakarapahman,
Lam ierem kamhwapnin ravit to nosan nesanenan mene nauta asul mene nalbakauan mene nesanenan mene nesiaian mene nevitan mene nakarvian.
13An iamerou nar min kamol le neai mene le ten mene lahau le ten mene le tehe mene naremnar min le ilar kamani,
To ierem ramowata le thron mene to lam nakarvian mene nesiaian mene nevitan mene nesanenan le nowa nu min.
14An nar miuh kuer netakani, Amen, an elder min netakaram mameihwak.
Currently Selected:
Kamhinhin 5: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
