Kamhinhin 4
4
1Oatisig le nar min uk iemahm, an ahm ru, tapin kenatita le neai, an noian aupan ierem iemerou, rolkoma noia naiu, ramakar kam io mameni, At muak, an tiafhinhin ton ik nar terepakeikei mua.
2Oatisig le nar min uk ihwe am kenol io le Nanumun; an ahm ru thron kamehlau le neai, an ker ramowata le thron,
3An ierem ramowata lan kahm nama kapiel le Jasper mene Sardion, an meraimerai riko in thron kahm nama emerald.
4An thron 24 rua miko in thron ka, an elder 24 kamaiwata le thron min, kameviu ilar le nar tuan, an le tenilarkapa kahwahwau kamol le kold.
5An nesiapumelan mene noia nar min mene kalualua kamarier le thron; an nisia le nekam katilum mekiu kamaruou le nemri thron, ierem min Nanumun katilum mekiu te Wuhgin.
6An le nemri thron rolkoma tehe kamol le klas rolkoma kristal. An le neluki thron mene riko in thron nar miuh kuer nakanemrin rapus le nemrin mene le nematan ilar.
7An nar miuh ierem iraupan rolkoma laion, an nar miuh ierem rol kiu rolkoma neri kurumatau, an nar miuh ierem rol kisil ramos nemrin rolkoma nemri ieremim, an nar miuh ierem rol kuer rolkoma kueria ierem ramivuk.
8An nar miuh kuer nikavun ilar katilum karena le ilar min, an nemrin ilar rapusupus riko in ilar mene ilukan; an namigan rika to ilar le nian mene lapin, mamani,
Ausim Ausim Ausim, Ieremera Wuhgin asanen to nar min, ierem ramemarik mene ierem ramarik mene ierem terepua.
9An takama nar miuh teparofen nevitan mene nesiaian mene nenivian kam ierem ramowata le thron, ierem ramarik le nowa nu min,
10Nerem asul 24 teparam le nemri ierem ramowata le thron, an tepeihwak kam ierem ramarik le nowa nu min, an tepeilakhiau in kahwahwau tenilar le nemri thron mamani,
11Ik nakavit, Ieremera mene Wuhgin temar, moma tenakos nevitan mene nesiaian mene nesanenan, mero in ka ik mamol naremnar min, an mero in ka le nowam ilar kamemairik an kenol.
Currently Selected:
Kamhinhin 4: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
