Kamhinhin 3
3
1An to agelo te neli nahwak min Sardis tenakrai,
Nar min uk ierem ramos Nanumun katilum mekiu te Wuhgin mene mahau katilum mekiu rameni, Iakhinatin nolan min taham moma namos netigam moma nakamiuh, an neknemis.
2Tenakamait, mamol asanen nar min ierem min kamairik ierem min teparemis, mero in ka iesahman nolan min taham kenausim le nemri Wuhgin tahak.
3Mero in ka le nar uk pas nekim rakahmo nar nemamos mamerou, an mol, meleleg; mero takama nesaitan io tiapuna kama iakihla, an ik tenepeshinatinan aur ierem petuan tiapuna lan tonik.
4Mero nakamos netige neremim nowanevin Sardis, ierem min kasatakenan nar kamarviu ilar in, an tepailiwak kamar min ilar le nar tuan, mero in ka karut.
5Ierem tererai ita tapeviu mok le nar tuan, an tiapesraitean netigen le nawowa te nemihwan, an tiapeni apu netigen le nemri Tata mene le nemri agelo min tahan.
6Ierem ramos nepagtelegen pas rerou nar Nanumun rameni to neli nahwak min.
7An to neli nahwak min Filadelfia tenakrai,
Nar min uk ierem ausim ierem raparhien rameni, ierem ramos nar kameutin ita tapin lan taha Devid, ierem ramatita an ieremim ker resharigan mun, an hrarig an ker resatitean.
8Iakhinatin nolan min taham, ahm ru, iaknehlau le nemram tapin ierem kametita, ierem riakis to ieremim ker moma terharig, mero in ka namos nesanenan asuas, an neknol nakaran tahak, an nemesapninan netigok.
9Ahm ru tiakofena nahwak min nevin taha Setan, ierem min kama ilar Ju min, an resolan moma ilar, mero kamareiwa; ahm ru tiapol ilar teparua meihwak aupan le nelikam, an ilar teparhinatin mama io iamolkeikei ik.
10Mero in ka nemamol nakaran te narikhmahmean tahak, io mun tiapamahm ut ik to nian te nofenofenan ierem terepua le ten min petum, moma teratkoigen neki nerem kamairik le nemapten.
11Tiapuna hwaihwai am; autatin hmahma nar nakamos, moma ieremim ker teresosan kahwahwau taham.
12Ierem tererai ita tiapol in nupo le nimwa ahwak te Wuhgin tahak, an terepesieran mun ilua, an tiaprai lan netige Wuhgin tahak mene netige nauanu taha Wuhgin tahak, Jerusalem vi, ierem teratite le neai mesipe le Wuhgin tahak, mene netigok vi.
13Ierem ramos nepagtelegen pas rerou nar Nanumun rameni to neli nahwak min.
14An to agelo te neli nahwak min Laodisia tenakrai,
Nar min uk Amen rameni, iausito asanen mene iaparhien, nerwowunan te naremnar min Wuhgin ramol.
15Iakhinatin nolan min taham moma neserapan mesatiwanan. Iakolkeikei moma ik namerap wa nakatiwan.
16Rol mok lan mero in ka ik nakol am mesatiwanan meserapan io tiapewa atou in ik le nowak.
17Mero in ka nakameni moma, Io ierem asul an iaknos asul nar an resolan moma nar ker rika tonio, an neshinatinan moma ik ianouloul mene ianahwohwa mene iavantat mene iemnou mene iaipuiapuia;
18Tiakhwag kam ik moma tenakos nemri Kold tonio kavan le nekam, moma tapol ik ierem asul, mene napan tuan moma tapeviu ik, an naulisan le naipuiapuiean taham tepesahman, mene nihi nar takaui nemram lan moma tenepahm nar.
19Ierem min io iakolkeikei ilar iakamenhian makahmo; mero in ka le nar uk asanen am meleleg.
20Ahm ru, iakamail le nausilua mametiti; takama ieremim ker tererou noiak metita tapin, io tiapuan imwa ton, muaugan kamlau min, an repaugan kamlau min.
21Ierem tererai ita tiapofen kam in moma terowata kamlau min le thron tahak, rolkoma io mun iaknerai ita mamuowata kamlau Tata le thron tahan.
22Ierem ramos nepagtelegen pas rerou nar Nanumun rameni to neli nahwak min.
Currently Selected:
Kamhinhin 3: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
