Kamhinhin 2
2
1To agelo te neli nahwak min Efesas tenakrai, Nar min uk ierem ramepuk mahau katilum mekiu le nelimin matu rameni, ierem ramaliwak le neki nelimi nisia katilum mekiu kamol le kold.
2Iakhinatin nolan min taham, mene nalkutan mene narikhmahmean taham, an moma nakamapas aken neremim tat, an nemalkalik to nerem kamani mama ilar apostelo min, mero resolan moma ilar, an nemahm mama ilar kamareiwa.
3An nekos narikhmahmean, an nemerou nar to netigok an nemesopouan.
4Mero iemahm nar retat uk lam, moma nemapas nolkeikeiaupanan taham.
5Mero nekim terakahmo iken nemam ita iken, an meleleg mamol nar aupan min; mero takama nakapas, tiapuna tonik an tiaposita nelimi nisia taham iken ramail iken, takama teneslelegan.
6Mero mamol nar uk, moma nakamakin nolan min te nerem Nikolais, ierem min io mun ikamakin.
7Ierem ramos nepagtelegen pas rerou nar Nanumun rameni to neli nahwak min. Ierem tererai ita tiapofen kam in moma terkin nowa nik te nemihwan ierem ramail le Paradais te Wuhgin.
8An to agelo te neli nahwak min Smirna tenakrai,
Nar min uk Iraupan mene Ieroupen rameni, ierem ramemis memiuh mun.
9Iakhinatin nahwohwean taham mene navantetan taham, mero nauta taham ribor, mene nakartetan te nerem kamani atu le ilar mama ilar Ju min, mero resolan moma ilar, mero ilar neli nahwak min te Setan.
10Asaginan to nahmean min teneperou. Ahm ru iaremis terepofen kamiar nevin le nimwa iakis moma takalkalik to kamiar, an tenepairou nahwohwean le nian katilum katilum. Asanen to nemisan an tiapofena kam ik kahwahwau te nemihwan.
11Ierem ramos nepagtelegen pas rerou nar Nanumun rameni to neli nahwak min. Ierem tererai ita in tepesetakenan le nemisan ierem rol kiu.
12An to agelo te neli nahwak min Perkamos tenakrai,
Nar min uk Ierem ramos nau apahm rasilok masilok rameni,
13Iakhinatin iken nakamarik iken, iken thron taha Setan ramarik iken, an nakamhiapatin hmahma netigok, an nemesapninan nuparhienan tahak, le nian mun ka te Antipas iausito tahak, ierem ramesanen, ierem kahmwapnin le nekimiar, iken Setan ramarik iken.
14Mero iemahm nar retat nowanevin lam, mero in ka namos iken nerem kamaros netikunan te Beleam, ierem rametikun Belak moma terehlau nar kamapitetel lan le nemri nereri Israel moma takarkin nar kamhwasigen kam nanumun nar an moma takarol tehwaga tat le neberavin.
15Rolmok lan namos mun nerem kamaros netikunan te nerem Nikolais maka lan.
16Mero leleg; mero takama nakapas, tiapuna hwaihwai am tonik an tiapeluaken kam ilar le nau apahm te hnuluk.
17Ierem ramos nepagtelegen pas rerou nar Nanumun rameni to neli nahwak min. Ierem tererai ita tiapofen kam in Mana ierem irmaniwan, an tiapofen kam in kapiel tuan, an le kakpiel ka netigen vi kamrai ierem ieremim ker reshinatinan, mero in am ierem teros.
18An to agelo te neli nahwak min Thaiataira tenakrai,
Nar min uk Neri Wuhgin rameni, ierem nemrin rolkoma namnami nekam an nelikin rolkoma bras rameroaip.
19Iakhinatin nolan min taham mene nolkeikeian mene nuparhienan mene nolatkokunan nar mene narikhmahmean taham, an nolan oatisig min taham karibor le iraupan min.
20Mero iemahm nar retat uk lam, moma nemapas beravin Jesebel ramarik, ierem rameni atu moma in profeta, an rametikun mameuhiatin nolatkokun nar tahak moma takarol tehwaga tat le beravin mamarkin nar kamhwasigen nanumun nar in.
21An iamofen kam in nian to nelelegan, an in resolkeikeian moma tereleleg le tehwaga tat tahan to naman.
22Ahm ru, tiakalakpen in le nihmawa, mene nerem kamarol tehwaga tat ilar min le nahwohwean asul, takama tesalelegan le nolan min tahan.
23An tiafhwapnin nererin le nemisan; an neli nahwak min petum teparhinatin mama io ierem iakamatkoigen nar imwa mene neki til, an tiapofena kam kamiar karena kiten rauker in nolan min temiar.
24Mero tiakani to kamiar, nevin mun Thaiataira, nerem kasarosan netikunan uk, nerem kasarhinatinan nar ipai min te Setan, rolkoma ilar kamani; tiesehlauitan le kamiar narpukam ker mun;
25Mero nar remaros arhiapatin tumutum meroatis nuean tahak.
26An ierem tererai ita, mene ierem terol nolan min tahak meroatis nauninan, tiapofen kam in nesanenan le nahuto min;
27An terepasig ilar le kasikin kamol le airon, rolkoma nevige nar kamol le nemapten kamhwate,
28Rolkoma io mun iamos to Tata, an tiapofen kam in mahau liakapnipin.
29Ierem ramos nepagtelegen pas rerou nar Nanumun rameni to neli nahwak min.
Currently Selected:
Kamhinhin 2: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
