Kamhinhin 20
20
1An iemahm agelo ratite mesipe le neai ramos nar kametita nimil asul lan mene us asul le nelimin.
2An neterhiaptin drakon, tagalua oas, ierem ka Iaremis mene Setan, an neterelis in to nu 1,000.
3An neterelakpen in le nimil asul metitosig in mamehlau nimtatin lan iles lan, moma tereseuhiatinan mun netig min meroatis nu 1,000 takaunin lan; oatisig le nar min ka terakeikei kirisin tahman am.
4An iemahm thron min, an netakaiwata le ilar, an nuhwapraian kenofen kam ilar; an (iemahm) nanumu nerem kamerakru tenilarkapa to nausitoan taha Iesu mene to nakaran te Wuhgin, mene nerem kameseihwakan kam iabakaru mene nanumunar tahan mesarosan nimtatin le nupanakin ilar mene le nelimin ilar; an ilar kamemairik mamairemera ilar Kristo le nu 1,000.
5Nerem kamaremis nevin mun kamesarmiuhan mun meroatis nu 1,000 naunin. In uk nermigan mun ierem iraupan.
6Ierem keikei mausim ierem terepos nowanverin le nermigan mun ierem iraupan; le ilar nemisan ierem rol kiu resosan nesanenan, mero ilar teparol kama nerem le nuhwasigenan te Muhgin mene Kristo, an tepairemera ilar min le nu 1,000.
7An takama nu 1,000 naunin, Setan teprisin le nimwa iakis tahan.
8An terepier moma tereuhiatin netig min kamairik le nikaliten kuer, Kok mene Mekok, moma terhwafugen ilar to neluakenan, ierem min nahwinan ilar rolkoma nemaklakel irhe.
9An ilar netakaret maruan le netiputen, an netakarevalau in nauanu te neremim ut mene nauanu keikei. An nekam neteratite mesipe le neai mekisita ilar.
10An Iaremis ierem rameuhiatin ilar kamelakhiau in le nesiu in nekam mene nies, iken iabakaru mene profeta aiwa mun iken, an tapol mita lilen le nian mene lapin le nowa nu min.
11An iemahm thron asul ker retuan mene ierem remowata lan, ierem ten mene neai kamuakam le nemrim, an nihmawa kamesahman to ilau.
12An iemahm nerem kamaremis, nerem asul mene nerem asuas, kamailil le nemri thron, an nawowa min kametita; an nawowa ker mun kametita, ierem ka nawowa te nemihwan; an nerem kamaremis kinhwaprai ilar le nar min kamrai le nawowa min le nolan min tenilar.
13An tehe ramosiatou nerem kamaremis ierem min kamairik lan, an nemisan mene nimwa te nerem kamaremis kamiaos iatou nerem kamaremis ierem min kamairik le ilau, an kinhwaprai ilar karena kiten le nolan min tenilar.
14An nemisan mene nimwa te nerem kamaremis kamelakhiau in ilau le nesiu in nekam. In uk nemisan ierem rol kiu, nesiu in nekam.
15An takama ieremim ker kamesahman netigen kamrai le nawowa te nemihwan kamelakhiau in le nesiu in nekam.
Currently Selected:
Kamhinhin 20: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
