Kamhinhin 19
19
1Oatisig le nar min uk iemerou rolkoma noian asul taha nahuto ribor le neai kamani, Haleluia; nemihwan mene nevitan mene nesanenan taha Wuhgin tetar.
2Mero in ka nuhwapraian min tahan raparhien mamutu. Mero in ka remhwaprai beravin tat asul ierem rametaken ten le tehwaga tat tahan, an ramalipun nita nolatkokun nar tahan le nelimin.
3An netakani maru kiu, Haleluia; hnanekam lan rakamet le nowa nu min.
4An elder min 24 mene nar miuh kuer netakaram mameihwak kam Wuhgin ierem ramowata le thron mamani, Amen; Haleluia.
5An noian neterier le thron mameni, Aini vivi Wuhgin tetar, kamiar petum nolatkokun nar tahan, ierem min nakamarignin in, nerem wasuas min mene nerem asul.
6An iemerou rolkoma noia nahuto ribor mene rolkoma noia nu min ribor mene rolkoma noia kalualua asanen min, kameni Haleluia, mero in ka Ieremera Wuhgin tetar ierem asanenan to nar min reremera.
7Pas kaigien magienipus marofen nevitan kam in, mero in ka neroean taha Lam reknua, an nuain reknepinapinaita tahan,
8An kamofen kam in moma tereviu in le napen tuan ut aken rameroaip hmahlel, mero in ka napen tuan ut aken in tehwaga, ut te neremim ut.
9An netereni tonio, Rai, Nerem keikei nerem kamaunin ilar to nauganan te neroean te Lam. An netereni tonio, In uk nakaran parhien taha Wuhgin.
10An netiakam le nelikin moma taikahwak kam in. An netereni, tonio, Ahmena mesolan; io iolatkakun nar piam mene pia piam min ierem min kamaros nausitoan taha Iesu; ahwak kam Wuhgin. Mero in ka nausitoan taha Iesu in Nanumun te netikunan.
11An iemahm neai kametita, an ahm ru hors tuan an ierem ramowata lan kameni netigen moma Resanen mene Parhien, an le tehwaga matu ramhwaprai mamol neluakenan.
12An nemrin rolkoma namnami nekam, an le tenkapa kahwahwau rapus, an netigen kamrai lan ierem ieremim ker reshinatinan mero in atu am.
13An kameviu le napen nita ramelouh, an netigen kama Nakaran te Wuhgin.
14An nahuto min le neai kamairoupen letui hors tuan min, kameviu ilar le napen ut aken retuan hmahlel.
15An nau apahm rasila remier le hnulin, moma terho netig min lan, an in terepasig ilar le kasikin kamol le airon; an terepeukeuk nar kamavit wain lan te niehma te niehma asul te Wuhgin ierem resanen to nar min.
16An netigen kamrai le napen tahan mene le nuan, Ieremera le neremera min mene Ierem asul le nerem asul min.
17An iemahm agelo ker ramail le mit, an netereni le nakarapahman mameni to nemenuk min kamarivuk le neki neai, Arua marhwafugen kamiar to nauganan asul te Wuhgin.
18Moma tenakarkin nubalaki neremera mene nubalaki neremera le neluakenan mene nubalaki nerem asanen min mene nubalaki hors min mene nerem kamaiwata le ilar mene nubalaki neremim petum, nerem kamaivan am mene nerem kamarol atkokun nar, mene nerem wasuas mene nerem asul.
19An iemahm iabakaru mene neremera le ten mene nahuto min tenilar kenarhwafugen mama takarol neluakenan kam ierem ramowata letui hors mene kam nahuto tahan.
20An iabakaru kinles, ilau profeta aiwa ierem ramol nimtatin min le nemrin, mameuhiatin lan nerem kamaros nimtatin te iabakaru mene nerem kameihwak kam nanumunar tahan; an ilau kiten kamelakhiau miuh in ilau le nesiu in nekam ierem rakawou le nies.
21An neremim nevin mun kehno ilar le nau apahm te ierem ramowata letui hors ierem remier le hnulin, an nemenuk min kenahrepus le nubalakin ilar.
Currently Selected:
Kamhinhin 19: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
