Kamhinhin 1
1
1Nar kamhinhin taha Iesu Kristo, ierem Wuhgin ramofen kam in moma terhinhin to nolatkokun nar tahan, naremnar min tepakeikei kol hwaihwai am; an rehmalipa metikun le iolatkokun nar tahan Jon le agelo tahan.
2Ierem ramausito in nakaran te Wuhgin mene nausitoan taha Iesu Kristo, naremnar min in ramahm.
3Ierem keikei ierem terahwin mene nerem takairou nakaran min te netikunan, mamarol nar min kamrai lan, mero in ka nian reknuwaket.
4Jon to neli nahwak katilum mekiu ierem min Esia; nevitan to kamiar mene nemelinuan resipe le ierem ramarik mene ierem ramemarik mene ierem terepua, mene le nanumun katilum mekiu ierem min kamairik le nemri thron tahan.
5Mene le Iesu Kristo, iausito parhien, ierem kavaih aupan le neki nerem kamaremis, mene Ieremera le neremera le ten uk. To ierem rolkeikei katar merisin katar le tehwaga tat tetar le nitan.
6An ramol katar moma niko mene nerem le nuhwasigenan to Wuhgin tahan mene Remin, nevitan mene nesanen ton le nowa nu min. Amen.
7Ahm ru, in terua le napua an nemri til min terapahm in, mene nerem kamatik in; an nahuto min le ten uk tepaisak ton. Nuparhien, Amen.
8Io Alfa mene Omeka, Ieremera Wuhgin rameni, ierem ramarik, ierem ramemarik, mene ierem terepua, ierem resanen to nar min.
9Io Jon, piamiar mene ierem iemamavan katar min io le nahwohwean mene niko mene narikhmahmean le Iesu, io iememarik le ten mur ierem netigen Patmos to nakaran te Wuhgin mene nausitoan te Iesu.
10Io iamemavan le Nanumun le nian te Ieremera, an iemerou le nematak noian asul rolkoma noia naiu rameni.
11Nar nakamahm tenakrai le nawowa hmalipen to neli nahwak min katilum mekiu; to Efesas mene to Smirna mene to Perkamos mene to Thaiataira mene to Sardis mene to Filadelfia mene to Laodisia.
12An netiakhwin io moma tiakahm noian ierem ramakar kam io; an iakhinhwin io netiakahm nelimi nisia katilum mekiu kamol le kold.
13An ilukan nelimi nisia ker rolkoma Neri Ieremim, raviu le napen reroatis nelikin, mametout le nekilhin le katout kamol le kold.
14An tenkapa mene nowanun retuan kama nemami sip tuan, rolkoma sno, an nemrin rolkoma namnami nekam.
15An nelikin rolkoma bras ramerouaip, rolkoma kavan le nekam, an noian rolkoma noia nu iaih rapus.
16An ramos le nelimin matu mahau katilum mekiu, an nau apahm rasilok masilok remier le hnulin, an nemrin rolkoma mit rameroaip le nesanenan tahan.
17An iemahm in netiakam le nelikin mama iaknemis; an neterehlau nelimin matu lak mameni, Asaginan; io iraupan mene ieroupen mene iarik.
18An iememis, an ahm ru, iakamemiuh le nowa nu min, an iamos nar kametita tapin in te nemisan mene nimwa te nerem kamaremis.
19Mero in ka tenakrai nar min neknahm mene nar min kamairik mene nar min tapol oatisig.
20Nar kametkauigen taha mahau katilum mekiu ierem min nemahm ilar le nelimok matu, mene nelimi nisia katilum mekiu kamol le kold; mahau katilum mekiu ilar agelo min te neli nahwak min katilum mekiu, an nelimi nisia katilum mekiu ilar neli nahwak min katilum mekiu.
Currently Selected:
Kamhinhin 1: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
