Kamhinhin 18
18
1Oatisig le nar min uk iemahm agelo ker mun ratite mesipe le neai, ramos nesanenan asul, an ten kenol hrakak le nevitan tahan.
2An netereni le noian asanen moma, Reknam, reknam Babilon asul, an kenol nauanu te nanumun tat min mene nimwa iakis te nanumun ouloul min, mene nimwa iakis te nemenuk ouloul mene retataken min.
3Mero in ka le wain te niehma le tehwaga tat tahan netig min kamaramnum, an neremera le ten kamarol tehwage tat lan, an nerem kamaiura le ten kamaribor le nesanenan te narikan le nauta asul tahan.
4An iemerou noian ker mun resipe le neai mameni, Arier lan, kamiar neremim tahak, moma tenesairikpilpilan le tehwaga tat tahan, an moma tenesarosan netetan min tahan.
5Mero in ka tehwaga tat tahan rekneroatis neai, an neki Wuhgin ramakahmo tehwaga tat tahan.
6Arofen kam in rolkoma in mun in ramofen, an malipun maru kiu to nolan min tahan; le nevigekap in ramol pilpil, arol pilpil kam in maru kiu.
7Rolkoma in ramofen atu nevitan kam in mamarik le tehwaga siu, rolmok lan arofen kam in nahmean mene nasakan. Mero in ka rameni le nekin moma, Io iakamowata mamowasekam, an resolan moma kamemis etag io, an tiepesahman nasakan.
8Mero in ka le nar uk netetan min tahan teparua le nian karena, nemisan mene nasakan mene noumus, an tepuvan esesin le nekam, mero in ka Ieremera Wuhgin resanen ierem ramhwaprai in.
9An neremera le ten ierem min kamarol tehwaga tat lan mamarol tehwaga siu tepaisak mamainh ton le nian tepaihm hnanekam le nuvanakruan.
10An tepailil isou le naginan to nahmean tahan mamani, Awe, awe, nauanu asul, Babilon nauanu asanen, mero in ka le aur karena nuhwapraian taham reknua.
11An nerem kamaiura le ten tepaisak mamainh ton, mero in ka ieremim ker terepesosan mun nemri nauta tenilar.
12Nauta le kold mene silver mene kapiel ut mene perl mene napen ut aken mene nar loulou mene silk mene nar loulou vi mene nik thain min mene navigenar min kamol le aivori mene nevigenar min kamol le nik ut aken mene bras mene airon mene marbel.
13Mene sinamon mene nar nemieuan ravit mene insens mene mer mene fragkinsens mene wain mene nihinar mene flaur ravit mene hwit mene kurumatau min mene sip min mene nauta le hors min mene wakon min mne nubalakitil mene nanumutil.
14An nowanik nanumam rolkeikei reknapas ik, an nar ut min mene nar ut aken ena min kenetaken lam, an tepesaihman mun ilar.
15Nerem kamaiura in nar min uk, nerem kamemaribor lan, tepailil isou le naginan to nahmean tahan, an tepaisak mamainh ton mamani.
16Awe, awe, naunnu asul ierem kameviu le napen ut aken mene nar loulou mene nar loulou vi, an kamol vi le kold mene kapiel ut mene perl.
17Mero in ka le aur karena nauta asul uk kenetaken. An neremera le niko min mene nerem kamaisua iken min mene nasua min mene nerem kamarol naremnar le tehe kamailil isou.
18An netakaihm hnanekam le nuvanakruan netakani apahm, Ierem petuan rolkoma nauanu asul?
19An netakailaketin nemoulul le tenilarkapa, an netakaikar apahm mamaisak mamainh mamani, Awe, awe, nauanu asul, ierem nerem kamaros niko min le tehe kamaribor le nevitan taham, mero in ka le aur karena in kenol relikun.
20Agien lan, ik neai, mene kamiar neremim ut mene apostelo min mene profeta min, mero in ka Wuhgin rikinhwaprai nuhwapraian temiar lan.
21An agelo asanen ker neterosit kapiel rolkoma kapiel asul kamalkin korn in, an neterelak in le tehe mameni, Rol mok lan le naman asul Babilon nauanu asul tapelakhiau; an tepesahman mun.
22An noia nerem kamani nabuk le harp mene nerem kamaini nabuk mene nerem kamahil noatetal mene nerem kamahil naiu tepeserouan mun lam, an ierem ramalbakau le nolan naremnar min tepesahman mun lam an noia kapiel kamalkin korn in tepeserouan mun lam.
23An hnakakan te nisia teresasiean mun lam, an noia ieroe mene ierik tepeserouan mun lam, mero in ka nerem kamaiura taham ilar neremera le ten; mero in ka le nolapisapis taham netig min le ten kameuhiatin ilar.
24An kamahm lan nita profeta min mene neremim ut mene neremim petum kahmo ilar le ten.
Currently Selected:
Kamhinhin 18: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
