Kamhinhin 17
17
1An karena le agelo katilum mekiu, ierem min kamaros nevigenar katilum mekiu neterua makar kam io, mameni Ua, tiafhinhin tonik nuhwapraian beran tat ierem asul ierem ramowata le nu ribor,
2Ierem neremera le ten kamamarol tehwaga tat lan, an nerem kamairik le nemapten kamol ilar kamaipus le wain te tehwaga tat tahan.
3An remles io le nanumun muan leluan. An iemahm beravin ker ramowata letui iabakaru loulou, ret le netige nakartetan min, ierem tenkapa katilum mekiu mene tanebat katilum katilum.
4An beravin kameviu le nar loulou meloulouvi, an kamol vi le kold mene kapol ut mene perl min, an ramos nevigenar kamol le kold le nelimin ret le nar ouloul min mene nar amkimuk min le tehwaga tat tahan.
5An le nupanakin kamrai netig, Nar kametkauigen, Babilon ierem asul, ine neberan tat mene nar ouloul min le nemapten.
6An iemahm beravin ramapus le nita neremim ut, mene le nita nausito min taha Iesu. An iemahm in an nanumok neterika ena ton.
7An agelo netereni tonio, Retol nanumam ramauka? Io tiapeni tonik nar kametkauigen te beravin mene te iabakaru ierem rahmin in, ierem tenkapa katilum mekiu mene tanebat katilum katilum.
8Iabakaru ierem ik nemahm ramemarik an resarikan, an iwaket am terepet mesipe le nimil asul, an teruan le netakenan; an nerem kamairik le nemapten nanumun ilar terepuka, ierem min netigen ilar kamesraian le nawowa te nemihwan le nerwowuna ten, loanian takaihm iabakaru mama ramemarik an mesarikan an terepua.
9In uk neki ierem ramos nalbakuan. Tenkapa katilum mekiu ilar towar katilum mekiu, ierem beravin ramowata le ilar; an ilar neremera katilum mekiu.
10Katilum kenaram, ker ramarik, ker mun resuean, an takama terua terakeikei marik tahman am.
11An iabakaru ierem ramemarik an resarikan, in atu ierem rol katilum mekisil, an in ker le ilar katilum mekiu, an teruan le netetan.
12An nebat min katilum katilum ik nemahm, ilar neremera katilum katilum, ierem min kasarosan niko, mero takaros nesanenan kama neremera le aur karena ilar iabakaru.
13Ilar uk kamaros nekin ilar karena, an kamarofen nesanenan mene neremerean tenilar kam iabakaru.
14Ilar uk teparol neluakenan kam Lam, an Lam terepephau ilar, mero in ka in ierem asul le nerem asul min mene ieremera le neremera min, an nerem kamairoupen in ilar nerem kenaunin ilar an kenahmpen an kaiteta parhien.
15An netereni tonio, Nu min ik nemahm ierem beravin tat ramowata lan, ilar neremim mene nahuto min mene netig min mene namin min.
16An nebat katilum katilum ik nemahm mene iabakaru ilar tepaimakin beran tat, an teparol in relikun maipuiapuia am, an teparkin nubalakin an teparvan asesin le nekam.
17Mero in ka Wuhgin ramofen le nekin ilar moma takarol nowa tahan, an moma takarol nekin ilar karena, an moma takarofen neremerean tenilar kam iabakaru, meroatis nakaran min te Wuhgin tapol naunin.
18An beravin ik nemahm in nauanu asul, ierem ramos neremerean le neremera min le ten.
Currently Selected:
Kamhinhin 17: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
