Kamhinhin 16
16
1An iemerou noian asul remsipe le nimwa ahwak mameni to agelo katilum mekiu. Aruan marvi atou nevigenar katilum mekiu te niehma te Wuhgin le nemapten.
2An iraupan neteruan muiatou nevigenar tahan le nemapten; an wiwou tat mene ouloul neterua le nerem kamaros nimtatin te iabakaru, mene nerem kameihwak kam nanumun.
3An ierem rol kiu neteruiatou nevigenar tahan le tehe; an nita neterua rolkoma nita ierem reknemis, an nar miuh min netakaremis.
4An ierem rol kisil neteruiatou nevigenar tahan le nu iaih min mene nu aualuar min; an netakol le nita.
5An iemerou agelo te nu min rameni, Ik ierem matu, ierem nakamarik an ierem nememarik ierem ausim, mero in ka nikinhwaprai mok lan,
6Mero in ka ilar kamaruiatou nita neremim ut mene profeta min, an ik neknofen nita kam ilar to namnuman, ilar karutena ton.
7An iemerou nar kamhwasig lan rameni, Nuparhien, Ieremera Wuhgin asanen to nar min, nuhwapraian min taham raparhien mamatu.
8An ierem rol kuer neteruiatou nevigenar tahan le mit; an kamofen kam in moma terhan neremim le nekam.
9An neremim rahman ilar le nakapanan asul. An netakameitat netige Wuhgin ierem ramos nesanenan to netetan min uk, an kamesaleleg an mama takarofen nevitan kam in.
10An ierem rol katilum neteruiatou nevigenar tahan le thron te iabakaru; an niko tahan kenol rapinap; an netakarkis namin ilar to nahmean.
11An netakameitat Wuhgin le neai to nahmean min tenilar mene wiwou min tenilar; an kamesalelegan le nolan min tenilar.
12An ierem rol katilum mekarena neteruiatou nevigenar tahan le nu asul Iufrates; an nu lan neteremet, moma takol ut suatu taha neremera kamasipe iken mit rakamet iken.
13An iemahm khalier le hnuli drakon mene le hnuli iabakaru mene le hnuli profeta aiwa nanumun tat kisil, khalolkoma frok;
14Mero in ka ihlel nanumun te nanumun tat min kahmalol nimtatin min; ierem ihlel kahmalier hmaluan to neremera le ten min hmama takhalhwafugen ilar to neluakenan te nian asul te Wuhgin asanen to nar min.
15Ahm ru tiakua kama iakihla. Ierem keikei ierem teramait mamahm ut nar rakava lan tahan, moma teresavan puieaman, an tepaihm naulisan tahan.
16An netakhalhwafugen ilar iken ker kameni netigen le nakaran Hibru moma Har‐Makedon.
17An ierem rol katilum mekiu neteruiatou nevigenar tahan le nemagoago; an noian asul neterier le nimwa ahwak mesipe le thron mameni, Kenol naunin.
18An netakol nesiapumelan mene noian min mene kalualua, an mig asul neteravan, ierem ker resavenan mun mok lan le nian neremim kamairik le nemapten mene towe mene, mig ierem ribor mesanen mok lan.
19An nauanu asul kenautoprai le takerin kisil, an nauanu min te netig min netakaram; an Babilon ierem asul, neki Wuhgin ramakahmo in moma terofen kam in nevigenar le wain te niehma te namakinan tahan.
20An ten mur min netakaikam, an towar min kamesahman ilar.
21An nihin le kapiel asul nepukaman tahan holkoma talent neterep mesipe le neai matite le neremim; an neremim netakameitat Wuhgin to netetan to nihin le kapiel; mero in ka netetan tahan ribor aken.
Currently Selected:
Kamhinhin 16: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
