Kamhinhin 15
15
1An iemahm nimtatin ker mun le neai, ribor ierem nanumutil terika ton, agelo katilum mekiu ierem min kamaros netetan katilum mekiu ierem iroatisig min, mero in ka le ilar niehma te Wuhgin kenol naunin.
2An iemahm rolkoma tehe kamol le klas kamol pilpil le nekam, mene nerem kameirai ita iabakaru mene nanumun mene nahwinan netigen, kamailil le tehe kamol le klas kamaros harp min te Wuhgin.
3An ilar kamaini nabuk taha Moses iolatkokun nar te Wuhgin mene nahuk taha Lam, mamani,
Nolan min taham ribor an nanumutil rakamuka ton, Ieremera Wuhgin asanean to nar min; suatu min taham rematu maparhien, Ieremera lilen.
4Pehe teresagninan netigam, Ieremera, mesofenan nevitan kam netigam, mero in ka ik pusenam nakausim? Mero in ka netig min teparua meihwak le nemram, mero in ka nolmatuan min taham kenhinhin.
5An oatisig le nar min uk iemahm, an nimwa ahwak te nimwa te nausitoan le neai, kametita;
6An agelo katilum mekiu nerem kamaros netetan katilum mekiu netakarier le nimwa ahwak, kameviu ilar le kapiel hahlel mameroaip, an katout le nekilhin ilar le katout kamol le kold.
7An ker le nar miuh kuer ramofen kam agelo katilum mekiu nevigenar katilum mekiu kamol le kold ret le niehma te Wuhgin, ierem ramarik le nowa nu min.
8An nimwa ahwak remet le hnanekam le nevitan te Wuhgin mene le nesanenan tahan, an resolan moma ieremim ker resanen to nuenan le nimwa ahwak meroatis netetan katilum mekin te agelo katilum mekiu takol naunin.
Currently Selected:
Kamhinhin 15: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
