Kamhinhin 11
11
1An kamofa kam io nuig rolkoma nowanik, moma, Armig mahmauker nimwa ahwak te Wuhgin mene nar kamhwasig lan mene nerem kameihwak lan.
2An nowankaupa ierem ilua le nimwa ahwak aruiatou in, mesahmaukeran, mero in ka kenofen kam netignetig, an tepailiwak le nauanu ausim mouk 42.
3An tapofen kam iausito mil tahak, an tepuatikun le nian 1,260, kameviu ilau le nukulua.
4Ilau uk nik oliv mil mene neliki nisia mil ierem mil kamuail le nemri Ieremera le nemapten.
5An takama ieremim ker rama teretaken ilau, nekam rier le hnulin ilau mekisita tikimer min tenilau; an takama ieremim ker rama teretaken ilau, rol mok lan takakeikei kuhwapnin.
6Ilau uk kamiaos nesanenan to hnarigan in neai, moma nihin teresepan le nian te netikunan tenilau, an kamiaos nesanen to nu min moma tikiaol le nita, an muoma tikiaho nemapten le netetan min le nian min takama kiaolkeikei.
7An le nian ilau tepiaol naunin nausitoan tenilau, iabakaru ierem teret mesipe le nimil asul terepol neluakenan kam ilau an terepephau ilau au terefhwapnin ilau.
8An nubalakin ilau terakamel le suatu le nauanu asul, ierem netigen le nanumun Sodom mene Ijipt, iken kameruit mun Ieremera tenilau.
9An nerem le neremim min mene nahuto min mene namin min mene netig min kamaihm nubalakin ilau nian kisil mene takerin, an kasarpasan nubalakin ilau kahlau le nepag.
10An nerem kamairik le nemapten kamaigien le ilau maigienipus, an tepahilipen nofenaman kam ilar min, mero in ka profeta mil uk kamiaol mita nerem kamairik le nemapten.
11An nian kisil mene takerin neterua muan, an nanumun te nemiwhan netersipe le Wuhgin muan le ilau, an netukuail le nelikin ilau, an naginan asul neterampen le nerem kamaihm ilau.
12An ilar netakairou noian asul remsipe le neai mameni to ilau, Uat miava ietuk, an netukuat miavan le neai le napua, an tikimer min tenilau netakaihm ilau.
13An le nian ka mig asul neteravan, an nowanverin ierem rol katilum le nauanu neteram, an netige ieremim 7,000 kinhwapnin le mig, an nerem kamairik netakarigen netakarofen nevitan kam Wuhgin te neai.
14Netetan ierem rol kiu reknua muan; ahm ru, netetan ierem rol kisil rakava hwaihwai am.
15An agelo ierem rol katilum mekiu neterhal; an noian asul min le neai kamani, Niko te ten uk kenol taha Ieremera tetar mene taha Kristo tahan, an in tereperemera le nowa nu min.
16An elder min 24, ierem min kamaiwata le thron min tenilar le nemri Wuhgin, netakaram le nemrin ilar mameihwak kam Wuhgin, mamani,
17Kamar tiakani vivi ik, Ieremera, Wuhgin, asanen to nar min, ierem nakamarik an ierem nememarik, mero in ka ik namos nesanenan asul taham an meremera.
18An nahuto min netakarol niehma, an niehma tahan neterua, mene nian te nerem kamaremis to nuhwapraian ilar, mene to nofenan nemrin kam nolatkokun nar taham profeta min, mene neremim ut mene nerem kamaregnin netigam, irwasuas mene iribor, mene to netakenan nerem kamaitaken nemapten.
19An nimwa ahwak te Wuhgin kenetita ierem le neai, an kamahm ark te nimtatin tahan le nimwa ahwak tahan; an netakol nesiapumelan mene noian min mene kalualua mene mig mene nihin le kapiel asul.
Currently Selected:
Kamhinhin 11: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
