3 Jon 1
1
1Elder to Kaias ierem keikei, ierem iakolkeikei le nuparhienan.
2Ierem keikei, iakamohwak moma le naremnar min terepavit am tonik an tenepemiuh, rolkoma ravit am to nanumam.
3Mero in ka nekiuk ramagienipus, mero in ka pietar min nevin kamarua mamaiusito in nuparhienan taham, rolkoma ik nakamavan le nuparhienan.
4Iesosan nagienan ker iribor le ierem uk, moma iakamerou moma nereruk min kamaivan le nuparhienan.
5Ierem keikei, ik nakamol nar parhien le nar nakamol to pietar ierem min napsupus mun,
6Ierem min kamaiusito in nolkeikeian taham le nemri nahwak min, an tenepol nar ut takama tenakasitu le navenan tenilar rolkoma nar ravit to Wuhgin.
7Mero in ka kamemarier to netigen, mesarosan nar ker to nerem Jentail.
8An katar takaikeikei mariripa neremim karol kama ilar mene, moma takarol was nar katar min nuparhienan.
9Iemrai nar ker to neli nahwak min; mero Diotrefes ierem rolkeikei neremerean le ilar resiran kamar.
10To nar uk takama tiakuna, io tiapol nekin ilar terakameti nolan min ierem min rakamol, mametat kamar le nakartetan; an naremnar min ka resaukeran in, mero in resiripenan pietar min, mamenhiau nerem karolkeikei (mama takarir), mahmaliatou ilar le nimwa ahwak.
11Ierem keikei, tenesamtikunan nar retat, mero nar ut. Ierem ramol nar ut, in taha Wuhgin. Ierem ramol tehwaga tat resahman Wuhgin.
12Demetrias kamausito in le neremim petum mene le nuparhienan mun; an kamar mun iakamaiusito in, an nikhinatin moma nausitoan temar raparhien.
13Iamos nar nevin moma tiakrai kam ik, mero iesolkeikeian moma tiakrai kam ik le peper mene pen.
14Mero iakamatigeta moma tiapahm hwaihwai am ik, an tepuakar le nemrilau mil.
15Nemelinuan tonik. Telauiel min takaikar vi kam ik. Akar vi kam telauiel min le netigen ilar min.
Currently Selected:
3 Jon 1: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.