Nar 26
26
1An Akripa netereni to Paul, Kenuata lam moma tenakakar tonik. An Paul neterhwatuin nelimin neteraram.
2Io Iakama io ierem keikei, ieremera Akripa, mero in ka tiaparam le nemram towe to naremnar min Ju min kameitat io ton.
3Mero in ka ik nikhinatin ut tehwaga min mene naremnar taha Ju min. An to nar uk tiakahrapuk tonik moma tenakateleg in io le nekim meruk.
4An Ju min karhinatin tehwaga tahak le nesuasan tahak, ierem le nerwowunan le neki neremim min tahak mene le Jerusalem.
5An karhinatin io le nerwowunan, takama karolkeikei mama takaiusito in, mama le netikun etuatu aken an le nahwaken tetar io iamemarik io Farisi.
6An towe iakamail moma tafhwaprai io to natigetean le nar kamenita le Wuhgin to riputar min.
7Ierem nahuto katilum katilum mekiu tetar kamaitigeta lan mama teparua ton, mamarol atkokun asanen nar lapin mene le nian mene. An to natigetean uk Ju min kameitat io, ieremera.
8Retol nekimiar rakahmo moma riakis to nenian nuparhienan lan moma Wuhgin terosit mun nerem kamaremis?
9An io mun nekiuk ramakahmo moma tiakakeikei mol naremnar ribor mamomakin netige Iesu le Nasareth.
10An iemamol mun nar uk Jerusalem; an iamos nesanenan to neremera le nuhwasigenan mametitosig in neremim ut ribor le nimwa iakis. An takama kuhwapnin ilar iamofen nowa to hnoan.
11An le nimwa ahwak min iemakahmo ilar le nian min, an iemamakeikei kam ilar moma takaikar tat kam Wuhgin, an niehma rametkasesin io to ilar, an iemamalikiamta ilar meroatis nauanu isou min.
12An le nar min uk iamos nesanenan mene nowa to neremera le nuhwasigenan, makavan Damaskas.
13An lalukiat, Ieremera, iemahm le suatu nisia resipe le neai raita hnakakan taha mit ramasia elauelau in io mene nerem kamairoupa io.
14An kamar min iameisas le nemapten, an iemerou noia ierem rameni tonio le nakaran Hibru, Saul, Saul, retol nakamalikiamta io? Riakis tonik moma tenakevuk nar rasila.
15An io iemeni, Ik pehe, Ieremera? An Ieremera netereni, Io Iesu ierem ik nakamalikiamta io.
16Mero armig mail le nelikam; mero in ka to nar uk io iaknier tonik moma tiakahlau ik to nolatkokunan nar mene nausitoesasan le nar min neknahm io lan, mene le nar min tiapier tonik lan.
17An tiapevita ik to neremim mene to Jentail min, ierem min tiakhalipen ik to ilar moma tenekpig nemrin ilar.
18Moma takaleleg le napinapan marua le hnakan, maleleg le nesanenan taha Setan marua to Wuhgin, moma taposita tehwaga tat tenilar an karos narikan ena tenilar le neki nerem kenol ausim ilar le nuparhienan lak.
19An to nar uk, ieremera, Akripa, iemesapasan nowa nar pa le neai.
20Mero iemametikun nerem Damaskas aupan, mene nerem Jerusalem, mene le ten petum Judia, mene Jentail min, moma takaleleg marua mun to Wuhgin, mamarol nar min ravit to nelelegan.
21Mero in ka le nar min uk Ju min kamarhiapatin io le nimwa ahwak, an netakama takarhwapnin io.
22An iamos nasituan ierem remsipe le Wuhgin, an iakamail meroatis le nian uk, mamausito in to irwasuas mene iribor, mesenian nar ker mero nar profeta min mene Moses kamamani mama tapol.
23Moma Kristo terakeikei merou nahmean, an moma in iraupan le nermigan mun te nerem kamaremis ramausito in hnakakan to neremim mene Jentail min.
24An ramameni ena nar min uk, an Festas netereni le nakarapahman, Ik nakamelmel, Paul, nalbakauasulan taham reknol ik nakamelmel.
25Mero Paul netereni, Iesalmelan, Festas ut aken, mero iakameni apu nakaran le nuparhienan mene hninatinan.
26Mero in ka ieremera rhinatin nar min uk ierem iakameni ete ton. Mero in ka iakhinatin moma nar uk ker resemelakenan ton; mero in ka nar uk kamesolan le nikalin.
27Ieremera Akripa, ik nakameni nuparhienan le profeta min? Iakhinatin moma nakameni nuparhienan lan.
28An Akripa netereni to Paul, Le nakaran arparup nakama tenakol io kama Kristian.
29An Paul netereni, Tiapohwak kam Wuhgin moma le nakaran arparup wa rapahm, resolan moma ik pusen am mero neremim petum kamateleg in io towek teneparol petum kama io, mero takapas am nelisan uk.
30An ieremera neterermig, mene ieremera ker mun, mene Bernise, mene nerem kamamaiwata ilar min.
31An netakarier mameikar kam ilar min mamani mama, Ieremim uk resolan tehwaga tat te nemisan wa to nelisan.
32An Akripa netereni to Festas, Rematu am moma tukrisin ieremim uk, takama ramesaunpenan in Sisar.
Currently Selected:
Nar 26: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
